Wp/quc/Tob'anem

Tob'anem

Pataq le komon rech tinimit Chwimeq’ena´ le kinojib’al le winaq sub’alaj utz rumal che ri kkiya’ uq’ij le q’uchuj chak. Wa we nojib’al ri are taq wa' le kkib'an le tat nan pa taq le komon. Are taq ko'pan le qíj kb’an le chak, jun tob’anik, jun nimaq’ij, jun kamikal wene jun yab’ilal kya'taj wa' we tob’anem chi kixo'l qati't qamam. Rumal wa' le jun no'jib’al nim ub’antajik pa taq le komom chi kixo'l le winaqil.

Comunidad

Rutzilal le tob’anem

Are taq kab’an kachakux rij le tob’anem sub’alal nim rutzilal kuya’ chikixol le winaq rumal cher kuya' kikotemal jamaril chuquje' jel taq k’ulmatajem rumalcher aretaq junam kab’an le chak, le nimaq’ij on jas ne jun jastaq le k’o pa jun tob’anem ketzijonik, ketzetzetik, ke puqanik chuquje ka kitzijobej rij ri utz r imam utz taj ixk’ulmatajik on kak’ulmataj na. Wa tob’anem kayatajik rumalcher kamulix ib’ chirilik chusolik rikúlmatajem pa taq le k’aslemal.

K’ulmatajem rech le t’obanik

Najtir ojer kutzijob’ej le tat Santos wine chijunwinaq lajuj junab’a are xuriq jun yab’ilal jawje xqaj cho’ sokaj rumal wa mankakun ta chik karil urajawxik chech wa we q’ij ri kicha are’ xu riq panoq umulixik le jal xtikik rare mankakuntachik kumulij le jal kiwa chec le jun junab’ chik. Rumal ri le winaqil xkil apanoq ri urajawxik rumal ri xkimulij kib’ chumulixik le jal. Chech wa we rajawxik le komon winaq xkan jun tob’anik chech le wok ja rech le tat Santos. Ri are´kakikot ranima’ xumaltyoxij chike ri chak xkano chijunamal rumal cher xkiyak ri utikon chuquje man kakun tawa kupwaqij uwach chike ncher are jaw ketewchinik konojel ri xetob’anik. Wa we chak ri chikab’an wi pa le komon jawje kakil kib’ kakichajij kib’.