Wp/quc/K'astajik re le qach'ab'al K'iche'

K’astajik re le qach’ab’al K’iche’

Jalojoj taq chak re k'iche'

Le nub’i’ Victoriana Colop Colop, kin chakunik kuk’ ak’alab’, in ajtij, kinwilo pataq le tijob’al, pataq la alaxik le alajtaq alab’om, altomab’ manke ch’awtachik, chuquje’ ya kitatchik le qach’ab’al k’iche’. Xa che kakib’ij le nan tat kech le ak’alab’; man k’ota upatan le ch’ab’al K’iche’ are utz ketamaj le kaxlan tzij.

k’o ub’el wa’ jas che xqatzaq kanoq le qach’ab’al, xache le qati’t qamam xb’anik k’ax chake, xb’ix k’axtaq tzij, xe ch’ayik, xtzey kiwach, pataq le tijob’al xelq’axik kulew, ki rajil, man xyitaj ki chak pataq le nimaq taq ja re chakub’al rumal che manketam taj kech’awik ke sak’ij uwach le wuj pale kaxlan tzi, ruk’taq k’ax xeketamaj le utzij le mu’s.

Qastzij le we in chuquje’ xinriqna k’ax pale le tijob’al xb’ixchuwe xa pajuyub’ kinpewi, xa inso’r, rumal che mankin kowinta che ub’ixi nik’iyajtaq tzij. xin chomajna mankin ch’awtachik pa K’iche’, necher pale ja kuq’ le ewati’t pataq le b’e pa K’iche’ kab’anwi le tzijowem, xinkowintaj xin tzaqkanok le qachabál, are taq xin nimarik xinwilo le upatan le qach’ab’al .

Rumal che kin b’ij kamik sib’al utz kak’axuj uwach le qach’awem kaqab’ij pataq le: alaxik, le ja, pataq le  b’e, pale tijob’aj man qasachta uwache le jun nim q’inomal le ki yo’m kanoq le qati’t qaman chaqe, sib’alaj utz ketamaxik le kaxlan Tzij necher are qaya’ uq’ijol le qach’ab’al K’iche’.

K’in chomaj sib’alaj utz kaya’ ub’ixik le uq’inomal le qatzij pataq le jalajoj ch’awem pakikiq.