Wp/pzh/Saw

From Wikimedia Incubator
< Wp‎ | pzhWp > pzh > Saw
Mamaleng‎ (ixi) iu mamais (anan)

Saw (人; Homo sapiens) ka sibaza'an a mairadan, siaka ni raum xuzas Homo (人屬, saw), buxuan sapiens (智人種, sibaza'an). Saw ka nahada mina'aisiiyay a damu maki uka mataru rutoh ka, minataru ki tunu liaka mabaza mukawas iu maxakela. Yuka, kiikizex ki buxu ka, malohoda muburiak yaadisaysay ki rima u saw. Kula kinabaza iu gizem u mataru rutoh ka ini maanu di saw'an. Mula xakela'en ka, saw ka adadumut ma'awis maxakela a mairadan ka, mataru rutoh iu haka nahada aisiiyay a gizem.

Minaxakela'en ka, saw ka adadumut u gaza xumak Hominidae (人科, haiki saw), kula ohoni riaxen ka, mataru rutoh terehen (黑猩猩) iu mataru rutoh iteken (倭猩猩) ka nahada kialiah a puupuh damu maki ita saw, liaka adahaimini maanu lia ki mataru rutoh eder (大猩猩). Apu'apu'an u mataru rutoh terehen iu ita saw ka minairat ki ohoda nahada xasebuza asi xasebidusa hatel-tutun kawas lia isia. Malohoda, mataru rutoh dadua ka ma'isakep di gaza xumak Hominidae.

Kinairadan (文明)[edit | edit source]

Mikita: Rinazawan babaw daxe
Xinutu a batu di England, minuburiak haki nahada 4,000-4,500 kawas lia. Ohada ka peret u batu xias (新石器時代).

Mia'pialay iki nu saw a rinazawan ka nahada turu peret. Langat nisia peret ka pauzah di saaburiak u balax.

  • Peret batu (石器時代)
  • Peret kanawang (青銅器時代)
  • Peret kaxa (鐵器時代)

Peret batu yuka rungulen ni turu peret: muzizay (舊石器), wazan (中石器), xias (新石器).

Dakal 1 tutun kakaws, sawsaw ka ma'alup iu mara madu aunu mairat. Yasia ka ini malaleng kaidi adang daxe liaka zaazakay muriax ada a daxe kawas iu kawas. Peret batu xias ka, nahada liaki retel iu pialay paxuruma ki saw. Yuka muburiak balax u kaxa iu mudalum sakadangi. Mia'pialay ki kairadan kaidi Egypt, Indo, Syria ki ohoda Nahada taukua iu kuaping murapul yasia a sawsaw. Adang a dadial maariariat iu maatatahay ki yasia. Dakal 4,000 kawas, nahada mataru a sitaupungu'an (帝國) haiki Greece iu Roma.

Yuka mikita[edit | edit source]

Sapal[edit | edit source]