Jump to content

Wp/pwo/ဂံၪ့ဒီၪ့အဖၧၩ့ဆၧကၪဆၧဂဲၩလဖၪနီၪ အီၪက့ၪထးခွံၬဒၪလၧဂံၪ့နီၪဆံၭ

From Wikimedia Incubator
< Wp‎ | pwo
Wp > pwo > ဂံၪ့ဒီၪ့အဖၧၩ့ဆၧကၪဆၧဂဲၩလဖၪနီၪ အီၪက့ၪထးခွံၬဒၪလၧဂံၪ့နီၪဆံၭ

ဂံၪ့ဒီၪ့အဖၧၩ့ ဆၧကၪဆၧဂဲၩ ဆၧဘၪထံၭဘၪနဲၪ့လဖၪနီၪ အီၪက့ၪထးဒၪခွံၬဒၪလၧ ဂံၪ့နီၪဆံၭႉ ထီးဂဲၫဆိၬန့ထဲးဘၪ လၧ ဆၧဖံၭဆၧမၩလးဂီၩ့ လီၩ့မၩၡၪ့ထဲးဘၪ ၦဂူၪဂၩအၥၭလဂ့ၩႉ

လၧပဆၧဖံၭဆၧမၩဖၧၩ့ လၧပဆၧၥၭမၧၫ့အဖၧၩ့ ဆၧအဂဲးကမံၩ့နီၪ မွဲပကဒၪဆၧၫ့ယၫယံၩယါဘၪခိၭမၬခိၬမၬဒ့ၭနီၪလီၫႉ ဆၧအနီၪ မန့လဲၪစွါဘဲၫ ဆၧဖံၭဆၧမၩလးဖၧၩ့ ပၥထံၫမွဲဂ့ၩႇ ပထံၭပၥိၭလဖၪမွဲဂ့ၩႇ လၧဆၧမၩလိၪလးဖၧၩ့ ဆရၫႇမုၪ လဖၪမွဲဂ့ၩ ဘၪကကၠၪကၠၪအဝ့ၫၥံၪယီၩ အီၪဂဲၫဘၪထံၭထၬလိၬၥၭ လၧအဖိၪအမၫႇ အဖိၪအဝၩလၧအဂံၪ့အိၩႇ အီၪဂဲၫၥၭထၪ့ထၬ လၧအဂံၪ့ အိၩဂီၩ့ ထီၩ့လၧဆၧမၩဖၧၩ့ကကၠၪ လီၩ့ယၩ့ဝံၩ့ယၩ့ဝၩ့ၦဂူၪဂၩ လီၩ့ၥၭထၪ့ထဲးၦဂူၪဂၩႇ လီၩ့အဲၪ့လိၬဆိၭချဲၩ့ၦဂူၪဂၩ ဒဲ အဝ့ၫၥံၪ အဆၧၥၭထၪ့လဖၪနီၪ လီၩ့ခွံၬလၩ့ထဲၩ့ဝ့ၫလၧ ၦဂူၪဂၩအဖၫ့ခိၪနီၪ ပကဒၪယံၩယါခိၭမၬခိၭမၬဒ့ၭနီၪလီၫႉ

ဆၧအယီၩနီၪမွဲမၩကဲၪထၪ့ဆၧအဂ့ၩလန့ဘၪနးမံၩ့နီၪလီၫႉ ပၥထံၫကဂၩအ့ၪမွဲကဂဲၫမၩအၥၭလၧဆၧမၩလးဖၧၩ့ ဘဲၫ ယီၩၥိၭခိၭမၬခိၭမၬနီၪ အီၪဒၪမွဲအထံၩအဖျဲလဖၪကစဲၪ့ထၪ့ဒၪခွံၬဆၧမၩနီၪလီၫႉ ဆရၫကဂၩအ့ၪမွဲကဂဲၫမၩအၥၭလၧဆၧမၩလိၪ လးဖၧၩ့ ဘဲၫယီၩၥိၭစွါဘဲၫ အီၪဒၪမွဲ အထံၩအဖျဲလဖၪအဆၧယူၭယၪ့ကလၩ့ၡၩလၧအဝ့ၫအဖၫ့ခိၪနီၪလီၫႉ ထံၩၥိၭလဂၩအ့ၪမွဲ ကဂဲၫမၩအၥၭဘဲၫယီၩၥိၭနီၪ အီၪဒၪမွဲအထံၩၥိၭလဖၪ ကဂၬဎ့ၭဒၪခွံၬအဝ့ၫနီၪလီၫႉ ဆၧနီၪအကၠီၩ့ ဂံၪ့ဒီၪ့ဖၧၩ့ဆၧကၪဆၧဂဲၩလဖၪ နီၪ အီၪက့ၪထးခွံၬလၧဂံၪ့အိၩဂီၩ့မၬ ဂဲၫစိၩဘၪလၧဆၧမၩလးဖၧၩ့လါဆံၭႉ နၥံၪအဆၧၥုၪ့ထၪ့ၥၭထၪ့လဖၪနီၪ ထီးလီၩ့ခွံၬလၩ့ဘၪ လၧ ၦဂူၪဂၩအဖၫ့ခိၪလဂ့ၩႉ

နးအဲၪဖီၫဘွၩ