Wp/pwn/nu sesingvaudjan a tjaucikel

From Wikimedia Incubator
< Wp‎ | pwnWp > pwn > nu sesingvaudjan a tjaucikel
Jump to navigation Jump to search

nu sesingvaudjan a tjaucikelDrinipunan:台湾事件(たいわんじけん); Ljinautjian:牡丹社事件)

katagilj[edit]

ka 1871 a cavilj 10 a qiljas, izua za nakemasi Okinawa Miyahuruzima a varukur, na secevung ta selapay a raljiz i ljavek, sa valiyan a pasa Taiwan i Tjausabu (i Kaliyavan tucu) , sa sedukduk a varukur niamadju i maza, sa ljeteku tiamadju a kemasi ta varukur, sa sema kadjunangan, manu cengeceng tua qinaljan nua Payuan i kusekus. palemek tua inika mapakadjaludjalu ta kinacacevungan nua Dripun katua Payuan, ljakua kinipaqaljayan na Payuan azua mareka Dripun. qau masa ini a cengeceng tua sicikelan ta sikiqepuan ta mareka salasaladj a liljing, masa qineci anga na Payuan aya za sivitai na Ciukuk. qau, avan anga sinan pacugan nua sivitai na Dripun tu uri djaljunen a i Sivaudjan, a maqaqeci tua Payuan imaza.[1]

pakavililj[edit]

ka i 1874 a cavilj, pakatjai saigu cugumitji a cemiur ta sivitai na Dripun sa djaljung i Taiwan a uri maqaqeci. sa ljeteku i ljungkiyav, sa uri vaik i sikimung aya, manu secevung ta nalemaung imaza a Payuan, sa maqaqeci imaza. masa uri ljemakev ta siljavakan a kadjunangan aya kinemeneman a naicu a Payuan, izua tu na seman neka tua nasi sa kiqeci ta Dripun. kumalji na selapay aravac a kinaqaqecian ta Dripun tazua. inika na madjulu aravac a Dripun tua kinaqaqecian tazua uta. nu ini a mavan a kinaljazuanan a sikiqaqecian a turivecan na Dripun, inika tjaumakaya a Payuan ta Dripun, mayanga kinatjuruvuan a sivitai na Dripun uta. sa ljevavaven azua kinazuavan a lemaung na Payuan a gadu, sa qeciqecin anga a tja sikataqaljan, patje papacayen anga a mamazangiljan ti Aljuku katua aljak, tjaljuzuanga za kinaqaqeciayan i sikimung.[2]

kasizuan[edit]

  1. http://web.klokah.tw/extension/rd_practice/index.php?d=25&l=6&view=article
  2. http://web.klokah.tw/extension/rd_practice/index.php?d=25&l=6&view=article