Wp/pwn/langalj

From Wikimedia Incubator
< Wp‎ | pwnWp > pwn > langalj
Jump to navigation Jump to search

aicu a langalj, kasiv sa kasengesengi a seman siteketekel a meseljang nua marusa, sakaki matjelu a caucau. aicu a langalj izua vincikan a pakialalang tua mudingan nua caucau, izua vincikan a pakialalang tua sacemel, izua langalj a vincikan a pakialalang tua qatjuvi a kamavanan uta. masikan a mayatucu a pakialalang tua langalj.na masan lialiaw sinanayan a langalj nua Paiwan: izua karutailj a langalj katua kalutjelu a langalj.

kaizuazua[edit | edit source]

karutailj a langalj[edit | edit source]

aicu a karutailj a langalj, mavan a langalj nua mamazangiljan nu maqacuvung tua sikapalisian a qadaw nua qinaljanan.

kaljutjelu a langalj[edit | edit source]

nu tjezua tua sikapalisian a qadaw nua qinaljanan, aicu a kaljutjelu a langalj siteketekel nu maqacuvung a ljavaran tua rivurivuan niamadju saka marasudj tu uri na marepazekazekatjanga, uri na masaseljenguanguaqanga a varung niamadju a mamaw.

pinudrusan tua ljui a langalj[edit | edit source]

aicu a pinudrusan tua ljui a langalj, na masan lialiaw a patarevan. aicu a sangasangasan, avan nu patjezua ta na masan pazangal a qadaw. namaya tua Masalut, langalj asitekelj nua na palisi a mareka pulingaw. a ita kinateveteveljan nua taqaljaqaljan, langalj uta tjasikitekelan tua na mapaqaljay a caucau i qinaljan, tua mareka tja qali, katua mareka tja qaljaqalja. aicu asikamasanmusalj, avan nu maaeces a madrusa, inika palaing tu uqaljai tu vavayan. langalj a sitekel niamadju a kipakeljang tua kina mareqaliqan, kina maredravan niamadju. aicu a sikamasantjelulj, avan a ita papucekecekelj nua mamazagiljan. nu tazua nga qadaw, aicu a sinikaiyumaq nua taqaljaqaljan a vavayan katua uqaljai, matatekel tua linangalj a vava a maaeces tua parekatenglay nimadju,tu uri napalalaut a marekiljivak tiamadju. inika amin tiamadju a marusa amatatekel, aicu a matjaljaljak niamadju, katua mareka mamazangiljan akiseljavak, namayauta a lemangalj a matakel tua vava, a kipakeljang tu namasan ta cekeljan anga, uri palalaut anga parekiljivaljivak niamadju.

tucu[edit | edit source]

tucu a ziday maljian anga tja sivaivaik, na matjatju ljuiljui anga itjen, namatjatju senasenay ang itjen. meparutanga ravac atja kineljangan tua pacugan nua sikitekelan a pakatua langalj.,ljakua nu tjzua tua maljeveq, tua masalut katua pucekecekelj, mapacu anan tua matateketekel a pakatua langalj. nukaki makaya tja pasusuan a matatekel a pakata langalj izuaita pucekecekelj i kiukai, uri nanguaq aravac.

pacunu uta[edit | edit source]