Wp/pwn/djilung

From Wikimedia Incubator
< Wp‎ | pwnWp > pwn > djilung
Jump to navigation Jump to search

djilung

djilung nua Kavulungan zuku[edit]

a djilung nua Kavulungan zuku izua vavayan katua uqaljai. na masan lialiaw sinanayan a djilung nua Kavulungan zuku: izua pinucalingan, giljugiljung, kavuqui, kindraljum, lalupeng, ljui, reretan, salalupengan, vinalingaljavan, kapuapua, saljaljumegan, luseqnaqiljas, makatuvung, vavauan...

giljugiljung[edit]

nu tjezua tua siqaljuqaljupan, avan a giljugiljung a sikapalisi.

kavuqui[edit]

aicu a pinaka kindraljum a reretan, sikitekelan tua vatingan nua kiniquluan a caucau.

ljui[edit]

aicu a ljui katua zaqu namasan pazangal a turivecan nu palisi a malada.

pinucalingan[edit]

aicu a pinucalingan a reretan makaya silingdelj tua qumaq, sipucekelj saka papizuanan tua tjaljayan.

salalupengan[edit]

aicu a salalupengan a reretan, avan a sikapalisi tua vaik a kiqeci katua nu mangetjez i tjumaq.

vinalingaljavan[edit]

aicu a pinaka vinalingaljavan a reretan avan a sipucekecekelj.

saljaljumegan[edit]

aicu a saljaljumegan a reretan namasan kakiqaunga tua patjara nu tjaivililj katua siqauqaung a pacugan.

luseq-na-qiljas[edit]

aicu a luseqnaqiljas namasan sikiqauqaung tua qudjalj saka papizuanan tua sikapalisilisi a palalj uta.

makaveljevelj[edit]

aicu a makaveljevelj inika amin a sipakitjuaya, rarukuzan tua tjaljayan nua vaqu katua padai.

pinupatakaljan[edit]

aicu a pinupatakaljan a dredretan makayauta si lingdjelj tua umaq, sipapucekelj saka saseqetjan tua tjaljayan uta.

tavatavangen[edit]

aicu a pinaka tjavatjavngen a reretan avan a sikapalisilisi.

milingan[edit]

qinati tua sevalitan nua se Paiwan a caucau

anan a caucau i kacauan, azua ljaljak anan a qadaw cemalivat a maka navalj i Taiwang, palemek a pacun ta tagaduan tu izua a bulabulay a tjaljikedrikedri a vuteqiteqilj a qinaciljay a umaq. paka temalidu aravac a qadaw, qau sa saqumaqan tua qinaciljay a umaq, nasa pacun tu izua anema i qumaqan. manu izua a kudrakudral a djilung a vincikan a matatailj ta vulung a qatjuvi kata babulabulayan a vecik. azua rusepeljan a qadaw paka talidu aravac, qau qemiladj i pavavaw ta djilung sa pacun ta vecik ita qaciljay a djeljep. manu inikana kinemenem, pualjak a qadaw tu drusa qecilu a pitaladj ta djilung. ka tjaukavuak a qecilu, mintjus a qadaw, sa cedas tua mezangal a teljar. pai azua maljavaljavar i gadugadu a vatu kata ngiyaw, ka pacun tiyamadju ta na semamalji a teljar, pakirimu a mintuluq a sema kagaduan, pasa kemeljang tu izua anema a uri mapacung. azua minglayalayap i kalevelevan a qayaqayam a tjatjiv, namintjus uta a pacun tua teljar, sa inlayap a semavavaw ta kasiw i palikulikuz ta qinaciljay a umaq, sa pacun taicu a inianan a tjapacuni kasicuayan a kinakemudamudan.

pai kapacun a vatu ta temeljateljar a umaq a qinaciljay, pakirimu a gemureguregur a kipalingulj ta umaq. mezangal a siguruguran na vatu a matu midradrua a kadjunangan a kalevelevan, patjetucu inianan a temuru a ljeteku. pai sa kaipuq uta a kudrakudral adjilung, manu maruqu a drusa kudrakudral a qecilu, sa karuqu a tjalju dudut tua ngiyaw, pai tangezen a pasekez nua ngiyaw azua qecilu. manu, mapeteq azua qecilu sa inqut azua bulabulay aravac a kakedriyan a vavayan. azua ita qecilu mapeteq sa inqut uta azua sauqaljay aravac a kakedriya a uqaljai. nalicequt tiamadju a madrusa tua natemljar a kakudrakudralan a maca, pacucun tusa bulabulay a i kacauan, sa djelidjeli a mudingan, a ljingaw nua djeli matu pakeliling anga a pasa kalingkiling, pai sa sekez anga a gemureguregur a vatu, kamalji angiyaw kitadut tjayamadju, sa qazaw a tjalju tua kula niamadju.

a i vavaw tua kasiw a tjatjiv a qayaqayam, masepu ta kinasarunguaq nazua zaing, sa kalevaleva a minglayalayap a penalinguljan tjayamadju, sa qivuivu, “ tjuku! ” “ tjuku! ” “ ljua! ” “ ljua! ” a kadjunangan malevaleva a zemiyamiyan, patjetucu a mavalidilidi. a kasiw igadu venevu ta ludjuludju a pisangas, sa vutilak ta makakaizuazua a quljaw a vuciyar nua marka hana. a nasegalju a pana iniyanga ka na masiyaq, sa zarazaizaing a zaljum amaru semenasenay. a kinakina aqadaw i kalevelevan na maleva a cedas tana sulapelj a teljar, sa pateljar a pita djeli na kakedriyan. ka vililj anga, aicu a vavayan a kakedriyan pakati “ Tjuku ” anga a ngadan, azua a uqaljay a kakedriyan pakati “ Ljua ” anga a ngadan. aicu a tjaucikel ta madrusa, avan a tjalja sangasangasan a payuan a caucau, aya.

pacunu uta[edit]