Wp/pwn/Vinqacan (Kai nua Cemas)

From Wikimedia Incubator
< Wp‎ | pwnWp > pwn > Vinqacan (Kai nua Cemas)
Jump to navigation Jump to search

aicu a Vinqacan (Hiniberayan: בראשית‎‎, vinqacan tua nanemanemanga aya patarevan) , vincikan tua qinatian na Cemas tua i kalevelevan katua i kacauan a kana nemanemanga a penuljat, tua kinasizuan nua caucau, nua pasaliw katua siselapai i kacauan; saka vincikan uta tuki nakemuda Cemas a kipakim tua caucau.

kiniveqacan (Ephraim Moses Lilien, 1903)

vincikan[edit]

aicu a vincikan makaya mapangalj a mapatja 2:

1.-11. vincikan[edit]

aicu itua 1.-11. vincikan tua qemati nua Cemas tua kana nemanemanga a penuljat, kayua kinai kacauan a cavilj nua sangasangan a marka caucau, a ti Adam kati Iva, ti Kain kati Abil, ti Nua katua tjinljevan nua i kadjunangan tuazua, katua kinasengsengan nua marka caucau tua pinaka Babil a vavaw aravac a umaq.

sika 1 a qadaw

12.-50. vincikan[edit]

qau aicu itua 12.-50. vincikan tua kinudan nua marka sevalitan nua Israil a caucau, a kemasi tjai Aberaham a namasan kakicualan tua saluan a kipalaing tua Cemas, katua kinudan nua aljak a ti Isak, nua vuvu a ti Yakub a pinaka ti Israil a papungadan nua Cemas, kata zua man malje 12 a aljak ni Yakub, a mavan a namasan qapulu tua matja 12 nu zukuan ta Israil a caucau. saka azua tjalja masan pazangalan tua sinivecik imaza, mavan a kinudan ni Yusiv katua sinazuan i pasa Idjiputu nua lja Yakub a mapuljat.

Yakub (Léon Pierre Urban Bourgeois, 1863)

namasan pazangal[edit]

saka a namasan pazangal tusa vincikan, inika amin a pasemalaw tua kinudan nua caucau, uri tjemaucikel tua kinudan nua Ceams, a paka maza itua kinanguaq nua qinati na Cemas a kalevelevan katua i kacauan anga a penuljat, katua kiqeces nimadju tu cemiur tua piniliq nimadju a taqaljaqaljan. manasika siacu a vincikan tjemaucikecikel tua sikudan nua Cemas, a papapenepenetj, a patavung tua rupasalivan a caucau, a tjemiak, a pusaladj tua piniliq nimadju a taqaljaqaljan. timadju mana Cemas a paljavaljavak tua tjaucikel. pai s sinika izua nusa vincikan, uri pasamalaw tua saluan ta Cemas nazua taqaljaqaljan a piniliq nua Cemas, saka uri papupicul tua saluan niamadju.

pacunu uta[edit]