Wp/pwn/Pilipinas

From Wikimedia Incubator
< Wp‎ | pwnWp > pwn > Pilipinas
Pilipinas(kukka i Asia)
flag
vinecikan
Paketu nakukka 《Lupang Hinirang 》
PHL orthographic.svg
Kai
kai nakukka Tagalug
vecik nakukka Rumazi
sihu
cungtung Rodrigo Duterte
lipuinciu Aquilino Pimentel II
GDP
penuljat $348.593
kadjunangan
penuljat 299,764 km^2
pana 0.61%
Gini & HDI
Gini (2014) 43.0
HDI (2014) 0.668
caucau
penuljat 102,939,500
zuku 33.8% Visayan,

27.7% Tagalog, 9.8% Ilocano, 6.8% Bicolano, 5.1% Moro, 3.1% Kapampangan, 1.7% Igorot, 1.4% Pangasinense, 1.2% Ljautia, 1.1% Zamboangueño

Pilipinas (Tagalug:Republika ng Pilipinas)

philipine mavan a namatevetevelj a tjuruvu a qinaljan a masan a pinuveqeveqan, pimaza i pasakacedas a navalj a asia. mavan auta i pasakaledep a taipinyan, a i viri mavan a ljusung(呂宋) a ljavek au namatideq kata taiwan, saka izua 99 km a cadja kemasi a kedri a qinaljan nua philipine patje itua kedri a qinaljan nua i taiwan.[1] au a i navalj mavan a silibis(西里伯斯) a ljavek au namatideq kata indunisia, a i kaledep mavan a nan a ljavek(南海) au namatideq kata yeinan(越南), a i kacedas mavan a philipine a ljavek. aicu a kadjunangan imaza i taipinyan a laluniyan, mavan auta a kalevelevan semezan tu kemaledeledep. avan nu sika nakipaula ta liawliaw a luni kata raljiz ljemitacavilj. ljakua izua natemalidu a marekasacemel kata maretimaljimalji a racev. aza pinaljavakan nua i philipine izua pitju a kuzulj sa unem taiday sa sepatje a puluq a qinaljan, mavan ljaicu a ljusung a qinaljan(呂宋島),visayas a qinaljan(維薩亞斯群島) kata mindanau a qinaljan(民答那峨島) aicu a tjelu a tjaqacavan a qinaljan.[2][3]

a kaimaza a mareka caucau izua siva kuzulj sa tjelu taiday a kudrav a caucau, au izuanan tu ita kuzulj sa itaiday a kudrav a caucau i gaikuku. avan sika ka 2015 a caviljan paselaw anga ita a laulavan a caucau, masan sikamumalj a pinuveqeveqan nua i pasakacedas a navalj a asia.

pimaza izua tjuruvu a zukuan kata bunka. aicu a negritu(尼格利陀) a caucau palemek tu katjaljasangasangasan a sikataqaljan imaza. au izua nandau(南島) zuku nakemacu ta malay(馬來) bunka patjavat tua mamaza. au izua nandau(南島) zuku nakemacu ta malay(馬來) bunka patjavat tua mamaza. ayatua aicu a kiukai kata siubay a mirazek, izuanga nasetevelj ta indu a bunka, ciuku a bunka kata iselam a bunka imaza i malje taqinaljan.

kadjunangan

kinaqadaqadavan

a kina’adavan nakilaing tua kinaizuanan, aicu a i pasaviri namasankaledepan a kina’adavan, a i pasanavalj namasanzulezulan saka salapelj a kina’adavan, a pipenuljatan tua kina’adavan tjaliav a zalangezang, salapelj. matatjelu a kalja’adavan, nu sikatjelu a ’iljasan a taljulima a ‘iljasan zemulezul saka metad a kina’adavan, nu sikaunem a ’iljasan taljutapulu’ katu ita a ’iljasan kalja’udjaljan, nu tapulu’ katu drusa a ’iljasan a talju pasuvililj a caviljan a sikadrusa a ’iljasan kaljavuceleljan. nu i tua sikalima a patjetapulu’ a ’iljasan venali a kaledepan saka pinakaHabagat aya, nu sikatapulu’ katu ita a patje pasuvililj a sikasepatj a ’iljasan, kemasiviri a vali pinakaAmihan aya. a piniapapamamavan i tua 21 a talju32 a culjuan. nu i tua sikasangasan a ’iljasan tjaljavuceleljan, nu i tua sikalima a ’iljasan tjaljazalangezangan i ta tacaviljan.[4][5]

cinalivatan

ka 1521 a caviljan nadjemaljun i maza tia mayceljun a ruculjev a taciyuran, a pasuvililj ka1565 a patje1571 a caviljan azua a sesipanya patagilj kemaizua tua kadjunangan i viliping (菲律賓) a marekavuguvug, izua aza ti ljupice a rusavawvaung, napapungadan tua ngadan nua mazazangiljan niamadju a “vilipi” a vuguvug, saka izua a tjelu a iday a djinadjasan a pasacuay tuazua kadjunangan. ka 19 seci (世紀) a vililj, napa’ecev a seviliping tua sipanya, tua ’arimika a ma’a’eci katua ’amirika katua seviliping a ma’a’eci, sa masan’amirikanga a djemadjas tjayamadju. ka tjalju sikimusalj nua ma’a’eci’eci i kacawan, djinadjas uta nua seripung, ka tjalju 1946 anga a caviljan, kimadjuanga tiamadju lemingedjel tua kuni. azua a djinadjasan nua ’amirika tazua, azua a kai a ’inamirikan katua kakudakudanan nua ’amirika namarakac aravac a izua a marekacawcau. kimadjuanga tiamadju a patjetucu, kinpidaljanga tiamadju a secapilj tua mangua’an tua pakatapaysu sa mapatulu tiamadju saka naljiacadja a sipacunan, ljakua azua a sihu niamadju inika naseteregereger, ’awban tua mangua’an a kemasitua sikata’aljan, saka pazangal a mirazek a ta’alja’aljan. a tjaljaselapayan mavan a namangua’ katua namapulju a sipacacadjan. mada’ay a maljenguangua’anga a sialalap nua marekasikata’aljan, tjuruvuanga a cemikecikel a i gaykuku a kipusengsengsengan a cawcau, paravac azua a i makaviri a marekavuguvug katua i manilja namawmaljanga aravac a kinakemudan, ka pasusangas tua 金融風暴 pinaliguanga tiamadju tua kinisamuljan niamadju tua i maza i asiya (亞洲).

kai

kemasi tua matja 120 a patje matja 175 izua mareka kinakaian a sinikiljavaran i pilipinas.[6] a i tua kakaian a se malayu-pulinisiyan (Malayo-Polynesian) a tjaljaliaw aza kinakaian. ljakua izua uta a kinakaian nua ruman (Romance) matu kai a cavacanu (Chavacano) a kuriyu (Creole).

izua drusa a kai nua sihu a pilipinas. aicu a kai a amilika katua kai a pilipinas. sa patje ka 2017 a caviljan, izua zumanga a matja 19 a kinakaian a sipacacikel nua sihu a pilipanas.[7] kiniljavaran nua tjatjuruvu a caucau i pilipinas aicu a kai a pilipinas tua kai a amilika tucu.[8]

izua sinivecikan nua kai a pilipinas namaya tua sinivecikan a kulitan (Kulitan). ljakua inika vinecik nua tjaljatjuruvu a caucau i pilipinas tucu. sivecivecik nua tjaljatjuruvu a caucau i pilipinas aicu a sinivecikan a latin (Latin Script) ayatua pasusangas a cinalivatan niamadju tua pinaljavakan nua sihu a spain (Spain) katua sihu a amilika. izua sivecivecik a arabik (Arabic alphabet) nua caucau a semuselim (Muslim) a qinaljan.

sihu

cungtung

-- ngadan
1 Emilio Aguinaldo ca. 1919 (Restored).jpg Emilio Aguinaldo
2 Manuel L. Quezon (November 1942).jpg Manuel Luis Quezón
3 Jose P. Laurel.jpg José Paciano Laurel
4 Osmena.jpg Osmena
5 Manuel A Roxas.jpg Manuel Roxas y Acuña
6 ElpidioQuirino.jpg Elpidio Rivera Quirino
7 Ramon-Magsaysay-01.jpg Ramón del Fierro Magsaysay
8 Carlos P Garcia.jpg Carlos Polistico García
9 Ferdinand Marcos at the White House.jpg Diosdado Pangan Macapagal
10 Ferdinand Marcos (cropped).JPEG Ferdinand Marcos
11 Corazon Aquino 1986.jpg Corazon C. Aquino
12 Ramos Pentagon.jpg Fidel Valdez Ramos
13 Josephestradapentagon.jpg Joseph Ejercito Estrada
14 Gloria Macapagal Arroyo WEF 2009-crop.jpg Maria Gloria Macapagal-Arroyo
15 การหารือทวิภาคีระหว่างนายกรัฐมนตรี และประธานาธิบดีสาธา - Flickr - Abhisit Vejjajiva CROP.jpg Benigno S. Aquino III
16 Rodrigo Duterte June 2016.jpg Rodrigo Duterte tucu

pacunu uta

kaizuan

  1. 徐慈薇. 2%華人掌握6成經濟!關於菲律賓 台灣人的10大盲點. 中時電子報. 2018-02-19 [2018-07-25]. (原始內容存檔於2018-07-25) (中文(台灣)). 菲律賓是一個群島國,領土最北端的巴丹群島中的Mavudis Island,距離蘭嶼南方小蘭嶼只有99公里
  2. About The Philippines. [2018年6月22日]. (原始內容存檔於2018年6月23日) (英語).
  3. More islands, more fun in PH. 2016年2月20日 [2018年6月22日]. (原始內容存檔於2018年6月20日) (英語).
  4. General Information.(older version -- as it existed in 2007 -- during the presidency of Gloria Macapagal Arroyo), The Official Government Portal of the Republic of the Philippines.
  5. Lonely Planet.(n.d.). Philippines: When to go & weather頁面存檔備份,存於網際網路檔案館). Retrieved 2009-01-23.
  6. McFarland, C. D. Subgrouping and Number of Philippine Languages. Philippine journal of linguistics. 1994, 25 (1-2): 75–84. ISSN 0048-3796.
  7. DepEd adds 7 languages to mother tongue-based education for Kinder to Grade 3頁面存檔備份,存於網際網路檔案館). GMA News. 7/13/2013.
  8. Philippines. Ethnologue. [2019-04-05]. (原始內容存檔於2019-04-30).