Wp/ppl/Yultajtaketzalis
Yultajtaketzalis
[edit | edit source]
Ne achtu amachti inwan tajtaketzalis tik nawat kichiwtuk se nawatajtaketzani ka Kuskatan.
Ne amachti Yultajtaketzalis kichiwket Nantzin Sixta Pérez Garcia wan ne tamachtiani Héctor Josué Martínez ka Kuskatan tik ne shiwit ume shikipil se pual yey. Yejemet kichiwket insel wan nemanha kitemujket tuijikniwan kaj kinekituyat kinpalewiat pal kichiwat ne amachti. Nusan yejemet kichiwket se tuminputzualis tik ne iajamaw Timumachtikan Nawat wan tik ne Tamachtiluyan Ne Ichan Safoura.
Ipanpa ne Amachti
[edit | edit source]Ne amachti kipia kenhayuk chikume shikipil taketzalis (+6,000) tik nawat pal Witzapan.
Ne amachti kipia nawi tzunti yey pual se amat.
Nusan ka ijtik kipia:
- Kimakat padiush muchi
- Prólogoj
- Ne tatuktiani pal Make Art Not War kimaka padiush
- Tikishmatikan Witzapan
- Tikishmatikan ne tawawasuani Nantzin Sixta Pérez
- Tikishmatikan ne ume tawawasuani Tamachtiani Héctor Martínez
- Tikishmatikan ne tachiwalis
- Tikishmatikan ne Pronombres
- Ne tajtapual tik nawat
- tikishmatikan ne Plural tik nawat
- Ne itajtachishka tik nawat
- Ne tumiekakan tik nawat
- Ne tuweyka tik nawat
- Ne tajtakwilulchichin
- Tikishmatikan ne Cajcategoria gramatical
- Tajtaketzalis Kastiya/Nawat
- Tajtaketzalis nawat/kastiya
Ipanpa ne tawawasuani nantzin Sixta Pérez
[edit | edit source]
Nantzin Sixta se lamajchin galanchín. Yaja kipia nawi pual se (81) shiwit. Yaja nesik tik se kajkal ka kojtan itukey "Cantón Carrizal", tik Sentzunat. Muchi imiekawan witz ka Witzapan, se techan itukey Santo Domingo de Guzmán, tik kastiyaj, tik Sentzunhat, tik Kuskatan.
Yaja weyak iwan inan, iteku, ume imajmanuwan wan ume iikawan. Ne ume iikawan sijsiwatket katka. Yejemet mikiketa. Nusan mikika inan, iteku, wan se imanuj. Maya naka iwan se imanuj, se iukichkunew yaja kipia, wan se iishwiyu. Iishwiyu se siwat.
Keman inan Nantzin Sixta munamiktij, iteku kichiwki se ikal ka kojtan. Nantzin Sixta an nemi tik ini kal.
Keman Nantzin Sixta chikitik katka, inoya kimachtij ken yaw-kichiwa katka tishti tzupelek. Nantzin Sixta kinamaka ne tishti tzupelek inoyaj kichiwa katka.
Itajtatanoywan kimachtijket Nantzin Sixta ken yaw-tamewa katka, ken yaw-kitamejchiwa katka ne kumaj pal kikutuna ne jaral, ken yaw-kituka katka ne mil, keski ish tawial yaw-kimima katka tik ne tal pal kituka ne mil. Inan kimachtij, nusan, ken yaw-tatuka katka. Yejemet kitukat katka mil, alborotaj, tumat, chil, et, kutkut. Yejemet kianat katka ne sinti ka ikajku, pal te palani, te kwalu, pal yaw-welit kituka katka.
Yaja kiwika katka itamal wan at ijtik se itekun keman yaja yawi katka tekiti tik kojtan.
An, yaja se tamachtiani tik ne tamachtiluyan "Ne Ichan Safoura".
Ipanpa ne tawawasuani ume tamachtiani Héctor Martínez
[edit | edit source]
Héctor Josué Martínez Flores. kaj tiktukeytiat Héctor Martínez, nawatamachtiani pal Kuskatan. Yaja se nawatamachtiani kaj mumachtia iwan ne MINED wan yaja se ipal yey pual majtakti nawatajtamachtianimet ka MINED kinmakat se wey amat. Wan yaja kichiwa ne amat Timumachtikan Nawat, se wey wan tumak kalamachti ipanpa ne nawat. Ka né nemit ujulinkwikwil iwan ne tajtamachtilis pal ne nawat, takwikalis, cajcaso, podcast, yankwik tajtaketzalis wan muchi ne dajdatka ipanpa ne nawat.
Héctor Martínez, kimachtia ne nawat tik ne tamachtiluyan ne Ichan Safoura. Ne Ichan Safoura se tamachtiluyan kan tamachtiat nawat, ka né Héctor tekiti inwan Nantzin Sixta Pérez wan ne Tajtzin Renato Alfonso pal kimachtiat ne Nawat. Yaja kichiwa ne amat Timumachtikan Nawat. se wey wan tumak kalamachti ipanpa ne nawat. Ka né nemit ujulinkwikwil iwan ne tajtamachtilis pal ne nawat, takwikalis, cajcaso, podcast, yankwik tajtaketzalis wan muchi ne dajdatka ipanpa ne nawat, wan Tamachtiani ne Ichan Safoura.
Yaja kichiwki ne achtu amachti iwan ijiu tik Nawat. ne Amachti itukey "El Tabudo" tik Kastiyaj wan itukey "Ne Lujlun Takamichin" tik nawat iwan ne tamawawasuani Jessy Carlisle wan kinamakat ne amachti tik Amazon.
Ijilpika:
[edit | edit source]https://www.diariocolatino.com/presenta-primer-diccionario-escrito-por-una-nahuahablante/