Wp/ppl/Timumachtikan Nawat
Timumachtikan Nawat ne kalamachti tik nawat kenhayuk tumak ka Kuskatan. Timumachtikan Nawat nesik tik ne ume shikipil kashtul nawi (2019) tik ne iajamaw ejekat. Ne tamachtiani Héctor Josué Martínez kichiwki iwan seki nawatajtaketzanimet ka Witzapan. Timumachtikan Nawat nemi tik ne www.allnawat.com
¿Tay Timumachtikan Nawat?
[edit | edit source]Timumachtikan Nawat se kalamachti tik iajamaw ejekat ka né kichiwat ujulinkwikwil tik nawat pal ne tuijikniwan welit mumachtiat nawat.
Timumachtikan Nawat kitemuj wan ulinkwikwilchiwki ipanpa ne cajcasoj tik nawat, tajtamachtilis tik nawat, tajtakwikalis tik nawat wan tapatalis tik nawat.
¿Tay kichiwtuk?
[edit | edit source]Timumachtikan Nawat kichiwki miak itejtekiw:
Ne Ichan Safoura
[edit | edit source]Tik ume shikipil se pual se kichiwki se tamachtiluyan kaj itukey Ne Ichan Safoura. se tamachtiluyan kan kinmachtijtiwit nawat kenhayuk se shikipil tuijikniwan wan ka né ne tuijikniwan tesu kitashtawat datka. Tik ne Tamachtiluyan Ne Ichan Safoura nemi miak tajtamachtianimet, ka né nemi nantzin Sixta Pérez kaj kichiwki ne "YULTAJTAKETZALIS" ne achtu amat wan tajtaketzalis tik nawat ka Kuskatan; nusan nemi ne tamachtiani Héctor Martínez se nawatamachtiani kaj kichiwki ini tamachtiluyan nusan. Tik ne tamachtiluyan nemi tamachtilis tik Inglestajtaketzalis wan tik Kastiya, yajika nemi yey tajtapanimet, Valery Santillana, Alicia Marroquín wan Elizabeth Hérmandez. Nusan nemi ne tajtzin Rentato Alfonso, se nawatajtaketzani ka Witzapan. Nusan tik ne tamachtiluyan Ne Ichan Safoura ne nawatajtaketzanimet kimakat tajtamachtilis ipanpa ne tupal.
Ne Ichan Safoura kintaweka miak nawatajtaketzanimet wan kinpalewia miak tuijikniwan pal mumachtiat nawat.
Ne Yultajtaketzalis
[edit | edit source]
Ne achtu amachti wan tajtaketzalis tik nawat kichiwtuk se nawatajtaketzani ka Kuskatan.
Ne amachti Yultajtaketzalis kichiwket Nantzin Sixta Pérez Garcia wan ne tamachtiani Héctor Josué Martínez ka Kuskatan tik ne shiwit ume shikipil se pual yey. Yejemet kichiwket insel wan nemanha kitemujket tuijikniwan kaj kinekituyat kinpalewiat pal kichiwat ne amachti. Nusan yejemet kichiwket se tuminputzualis tik ne iajamaw Timumachtikan Nawat wan tik ne Tamachtiluyan Ne Ichan Safoura. Ne amachti kipia kenhayuk chikume shikipil taketzalis (+6,000) tik nawat pal Witzapan. Ne amachti kipia nawi tzunti yey pual se amat.
Ne Wikiamachti
[edit | edit source]
Ne Wikiamachti ne Wikipedia tik nawat ka Kuskatan. Tik ini intekiw tekitit ne mujmumachtianimet wan ne tajtamachtianimet ipal ne Tamachtiluyan Ne Ichan Safoura wan kipanultiat tik ne iajamaw ejekat pal Timumachtikan Nawat. Ne Wikiamachti nemi tik ne Incubadoraj, melka tik ne ume shikipil se pual makwil kinekit kineshtiat ka nejme ne taltikpak. Timumachtikan Nawat wan ne tamachtiluyan Ne Ichan Safoura sentekitit tik ini intekiw.
Ne intakulis :
[edit | edit source]Tik ne shiwit ume shikipil se pual nawi ne el Parlamento Centroamericano (PARLACEN) kimakaket Timumachtikan Nawat se wey takulis "Héroes de la Resistencia Indígena ante el Bicenterario".
Tik ne shiwit ume shikipil kashtul nawi kimakaket se takulis UNESCO Guatemala wan Rising Voices yajika yajki ka Festival Latinoamericano de Lenguas Indígenas, ka Kwawtemalan.
Tik ne shiwit ume shikipil se pual yey ne Pais Vasco kimakak se takulis wan yajika yajki ka "HIGA de Jóvenes Hablantes de Lenguas Minorizadas ka Vitoria Gasteiz, se wey ilwit pal Decenio de las Lenguas Indígenas, pal ne UNESCO.
Nusan ne itekiw Timumachtikan Nawat kitztiwit tik miak itajtalyu wan ulinkwikwilchiwtiwit wan kiwawasujtiwit ipanpa ne itekiw Timumachtikan Nawat tik Holanda, Reino Unido, España, México wan Argentina, ipanpa muchi ne dajdatka ka kichiwtuk Timumachtikan Nawat.
Ijilpika:
[edit | edit source]https://diario.elmundo.sv/escena/el-joven-docente-que-rescata-y-difunde-la-lengua-nhuat
https://www.gatopardo.com/articulos/del-miedo-a-hablar-en-tu-lengua-a-recuperarla-el-nahuat