Wp/ppl/Kwitaululujtzin

From Wikimedia Incubator
< Wp‎ | pplWp > ppl > Kwitaululujtzin
Jump to navigation Jump to search
Ne Wikipediaj Tik Nawat

Achtu Iswat
pal Wikipediaj

Tepalewilis
Tajtaiwan
Chinamit

Kwitaululujtzin
Se kwitaululujtzin kichiwa ne shaput pal kituka ipelutaj ipal kwitat
Clasificacion
Reinoj : Animalia
Filoj: Artropoda
Clasej : Insecta
Orden : Coleoptera
Familiaj : Scarabeidae

Ne Kwitaululujtzin se insectoj ipal ne orden itukay Coleoptera ipal ne familiaj itukay Scarabeidae. Tik Nawat, ne Coleoptera itukay shikut. Wan ne kwitaululujtzin se clasej shikut. Ne kwitaululujtzin itukay ijkiuni ika yaja kiululua kwitat[1]. Ne kwitaululujtzin kichiwa se pelutaj ipal ne ikwit wakash u ipal ukse takwalmet wan kishmimilua ashta ne shaput kan muchantia. Kinkalaktia ne itejteksis ijtik ne pelutaj. Kwak ne tejteksisti tapanit, kisat ne kwijkwilin wan kikwat ne kwitat. Ini shikut sujsul yek ipal ne tal ika yaja kitai ne sakatal kan kituka ne kwitat ijtik ne ishapu pal kiajkawa ma mulini ne jaral. Tik Kuskatan nemit senpual majtakti se (31) clasej tekenhat ipal kwijkwitaululujtzin tik ne kojtan wan ne kwajkwawit, wan semaya kashtul (15) tik ne sakatal[2]. Ini orden pal shijshikut kipia sujsul miak ne itachishka tekenha, anka 300,000. Yaja kipia mas que muchi ne sejseuk chikitik wan wey takwalmet, kwajkwawit u sajsakat[3].

Nusan shikita[edit]

Ishpitzi.

Sekin ilpika[edit]

  1. Campbell, Lyle. (1985). The Pipil language of El Salvador. Mouton. Mouton grammar library.
  2. Horgan FG. 2008. Dung beetle assemblages in forests and pastures of El Salvador: a functional comparison. Biodiversity and Conservation 17: 2961-2978.
  3. Borror, JD, C.A. Tripehorn, N.F. Johnson (1989) An introduction to the study of insects. Sixth edn. Saunders College Publishing, Philadelphia.