Ne ikuyu kuku se kwawit ipal ne familiaj itukay Arecaceae. Nemi semaya ini especiej yultuk tik ne Generoj Cocos. Coco yaja ne taketzalis pal tzunteku tik Kastiaj. Ne tamatinimet inat ka ne kuku kisa tech Malasia wan ne tepeat tik ne lamal kiwika nujme ne Tal tutunik kan weli takati. [1]. Muneki 2000 mm at ne shiwit wan tesu takati su seseki ka 14 Celcius. Ne iaw ne kuku sujsul awjiak pal tikunit wan kipia miak electroliticoj, inat ka achka ken ne tuesyu, wan anka welit techtaliliat ken ne sueroj su muneki. Tik sejse Talmet, ne kuku itukaytiat ne kwawit pal muchi timunetik ika welit kichiwat mijmiak iwan: tikunit ne iaw ne kuku, tikwat ne inakaw ne kuku, tik Hawai kichiwat se atata ipal ne ishuchiw ne kuku, wan ne iswaw ne kuku welit kichiwat ne kaltzunkal, wan ne itakil kichiwat tumajka pal tamanat, wan nusan ne inakaw ne kuku kichiwat se tishti pal ne chukulat nekti, pal kimanat ne curry, wan mijmiak ukse. Kia, ne kuku ne kwawit ne tuesyu.
