Wp/ppl/Giancarlo Esposito
Giancarlo Giuseppe Alessandro Esposito nesik se tunal se pual chikwasen ne metzti nawi, tik ne shiwit se shikipil chiknawi tzunti ume pual kashtul yey. Yaja Gustavo (Gus) Fring tik ne ikwikwil pal ne tepustachialis “Breaking Bad” wan “Better Call Saul”.
Esposito nesik tik ne techan Copenhagen tik ne italyu Dinamarca. Ne iteku Italiachanej wan tekitini iwan kwawit. Ne inan Estadosunidoschanej[1], tiltikchin wan takwikani ka opera son katka. Yaja nesik tik Alabama takutun ipal tutakyu tik ne italyu Estados Unidos.
Kwak Esposito kipituya chikwasen shiwit, yaja wan imiekawan yawit katka tik ne techan Manhattan, New York. Esposito mumachtij tik ne wey tamachtiluyan Elizabeth Seton College tik ne techan New York.
Esposito pejki tekiti keman weyakulinkwikwilchiwani[2] keman yaja kipituya majtakti shiwit.
Wey tiujikniwan tikishmati keman Esposito tekiti katka iwan weyakulinkwikwiltuktiani [3]Spike Lee tik ne iwejweykulinkwikwil intukey:
- School Daze
- Do The Right Thing
- Mo’ Better Blues
- Malcolm X
Tik ne shiwit se shikipil chiknawi tzunti nawi pual kashtul se (1996), Esposito kisa katka tik ne ulinkwikwil son itukey “California” ka takwikani franciachanej Mylène Farmer. Ne weyakulinkwikwiltuktiani Abel Ferrera katka.
Esposito kitekiti tik ne ikwikwil pal ne tepustachialis “The Mandolorian”, wan tik ne weyakulinkwikwil “Captain America: Brave New World” katka.
Esposito kichiwa ne iijiu ka:[4]
- Akela tik ne weyakulinkwikwil “The Jungle Book”
- Faraday tik ne ikwikwil pal Netflix « Cyberpunk : Edgerunners”
- Anton Castillo tik ne ikwikwil awilti “Far Cry 6”
- Ne tapajtani kipajtia itajtan tik ne ikwikwil awilti « Payday 2 »
Esposito kitawawasua ne amachti "The Venetian”
Esposito kikwij chikwasen takulis:
- National Board of Review
- Critics’ Choice Television Awards
- Hollywood Critics Association TV Awards
- Critics’ Choice Television Awards
- NAACP Image Awards
- Prize for American-Italian Relations (PAIR)
Esposito munamiktij iwan Joy McManigal, wan muajkaw ne isiwaw tik ne shiwit ume shikipil kashtul.
Yaja kipia nawi isijsiwapíltzin.
https://en.wikipedia.org/wiki/Better_Call_Saul
https://en.wikipedia.org/wiki/Breaking_Bad
https://en.wikipedia.org/wiki/Giancarlo_Esposito
https://en.wikipedia.org/wiki/Denmark