Wp/ppl/Fyodor Dostoevsky

Fyodor Mikhailovich Dostoevsky se tawawasuani katka Rusiachanej. Miak amatachialismatiani inat yaja ne ukchupi yek tawawasuani tik ne nujme taltikpak pal amatachialis.

Yaja ukchupi timatit iamachti: Crime and Punishment (1866), The Idiot (1869), Demons (1872), The Adolescent (1875), wan The Brothers Karamazov (1880).

Dotoevsky kiwawasua yey amachti, yey kutu amachti, kashtul ume kutu casoj, wan miak ukseuk itekiw. Ajamachti kipatat tik se tzunti yey pual majtakti tajtaketzalis katka.

Ne Itunal Ichtaka

Fyodor Dostoevsky nesik tik ne tunal majtakti se pal ne metzi majtakti se tik ne shiwit se shikipil chikwey tzunti se pual se (1821) tik ne wey techan Moscow. Iteku itukey katka Mikhail wan inan itukey katka Maria. Kishkaliat katka tik se kal tik ne tal pal “Mariinsky Hospital for the Poor,” se kaltapajtiani pal chichiuk tuijikniwan. Doestoevsky kishmati ne chichiuk kujkuyani neman mawiltia tik ne tal pal ne kaltapajtiani katka.

Inan mikik tik ne tunal se pual chikume pal ne metzti ume tik ne shiwit se shikipil chikwey tzunti se pual kashtul ume (1837) kemen Doestoevky yawi ka ne wey techan Nikolayev Military Engineering Institute katka. Nemanha, iteku mikik tik ne tunal kashtul se pal ne metzti chikwasen tik ne shiwit se shikipil chikwey tzunti se pual kashtul nawi.

Tay Kichiwa?

Dostoevsky yekawi achtu amachti, “Poor Folk,” tik makwil metzti tik ne shiwit se shikipil chikwey tzunti ume pual makwil (1845). Poor Folk kisat tik ne tunal kashtul pal ne metzti se tik ne shiwit se shikipil chikwey tzunti ume pual chikwasen (1846) tik ne “St Peterburg Collection.” Inamaka yek katka.

Nemanha, iwawasua ume iamachti, “The Double.” Yaja kisat tik ne “Notes of the Fatherland” tik ne tunal se pual majtakti pal ne metzti se tik ne shiwit se shikpil chikwey tzunti ume pual chikwasen. Melka nemanha, kitzkiat wan kiwikiat ka Siberia. Yaja nemi tik Siberia miak shijshiwit katka. Ini kipata yaja iyultaketzalis katka.

Dostoevky ukchupi yek ajamachti:

Crime and Punishment
The Brothers Karamazov
The Idiot
The Possessed

Ken Mikik?

Tik ne tunal chikume pal ne metzi ume tik ne shiwit se shikipil chikwey tzunti nawi pual se, Dostoevski mikik ika tesu weli ijiumiki katka. Yaja kitalpachua katka nemi ne shajshaput ne Tikhvin Cemetery inawak sujsul igustuj tajtawawasuani, Nikolay Karamzin wan Vasily Zhukovsky.

Ijilpika

Fyodor Dostoevsky: https://es.wikipedia.org/wiki/Fi%C3%B3dor_Dostoyevski

Amachti pal ne tunal pal Dostoevsky: Lantz, Kenneth A. (2004). The Dostoevsky Encyclopedia. Greenwood Publishing Group. ISBN 978-0-313-30384-5.