Wp/ppl/Elza Soares

Elza da Conceição Soares kaj tiktukeytiat, Elza Soares, Ne Siwat ka Keman yaw-tami ne taltikpak^[1]. Yaja nesik se tunal ume pual yey pal ne metzti chikwasen tik ne shiwit se shikipil chiknawi tzunti yey pual (1930) tik ne favela Vila Vintém, Rio de Janeiro, akutun ipal tutakyu tik ne italyu Brasil. Yaja se wey Samba, Bossa Nova wan MPB (Música Popular Brasileira) takwikani wan takwikalismawawasuani katka.

Kimakaket miak tajtakulis ken: Cantora Brasileira do Milênio tik shiwit shikipil chiknawi tzunti chiknawi pual chiknawi (1999) ka BBC Londres, Grammy Latino tik ume shikipil kashtul se (2016), Doctora Honoris Causa pal Universidade Federal de Rio Grande do SUl tik ume se pual kashtulnawi (2019).

Yaja se wey takwikani Brasilchanej, tik miak chikume pual shijshiwit tekitit ne son.

Ne itekiw: tay kichiwki?

Yaja kichiwki miak yajyawaltakwikalis: Se Acaso Você Chegasse tik shikipil tzunti chiknawi chikwasen pual (1960), O Samba É Elza Soares tik shikipil tzunti chiknawi chikwasen pual se (1961) Sambossa tik shikipil tzunti chiknawi chikwasen pual yey (1963), A Mulher do Fim do Mundo ume shikipil kashtul (2015), Deus É Mulher tik ume shikipil kashtul yey (2018), Planeta Fome tik ume shikipil kashtulnawi (2019), No Tempo da Intolerância tik ume shikipil se pual yey (2023).

Ne ichtaka itunal:

Ne inan itukey katka Josefa Maria da Conceição Soares, yaja se Brasilchanej katka. Wan ne iteku itukey Avelino Gomes Soares katka, yaja se Brasilchanej katka wan yaha machtiat Elza ne son ipanpa.

Yaja kinamiktijket iwan Lourdes Antonio Soares tik ne shiwit shikipil tzunti chiknawi nawipual ume (1942), yk tesu kinekituya ka Elza kipia majtakti ume shijshiwit katka. Lourdes Antonio se Brasilchanej katka. Yaja kipia ume ipijpilawan katka ka yejemet senmikit pal mayan katka. Ne achtu shulejyu mikit keman yaja kipia se pual se shijshiwit. Neman yaja kipia makwil ipijpilawan katka. Ne ipijpilawan intukey katka João Carlos, Gerson, Gilson, Dilma, Sara wan Manuel Francisco.

Keman yaja kipia se pual se shijshiwit katka Elza munamiktij iwan mawiltiani itukey Garrincha tik ne shiwit shikipil tzunti chiknawi yey pual chikwasen (1966) wan yejemet kipia ukseuk ipijpilawan katka. Wan muajkaw iwan ne ishulejyu Garrincha tik ne shiwit 1982^[2].

Yaja mikik se tunal ume pual yey pal ne metzti chiknawi tik ne shiwit ume shikipil ume pual se pual ume (2022), ipanpa miak shijshiwit iwan tesu kukuyani tik ne techan Rio de Janeiro ipal tutakyu tik ne italyu Brasil^[3].

[1] ttps://pt.wikipedia.org/wiki/Elza_Soares

[2] ttps://www.ebiografia.com/elza_soares/

[3] ttps://novabrasilfm.com.br/notas-musicais/com-voce-nos-vamos-cantar-ate-depois-do-fim-elza-soares

[1]

[2]

[3]