Wp/ppl/Canada

From Wikimedia Incubator
< Wp‎ | ppl
Wp > ppl > Canada
Ne Wikipediaj Tik Nawat
Ne Wikipediaj Tik Nawat

Achtu Iswat
pal Wikipediaj

Tepalewilis
Tajtaiwan
Chinamit

Canada
Banderaj Escudoj
Chanejket 34,709,000
Keski tal kipia 9,984,670 km2 (2nd) km²
Weytechan Ottawa
Tatuktiani Justin Trudeau
Tajtaketzalis Ingles, Frances, 65 metzalitaketzalis wan sejseuk taketzalis
Tumin dolar
Horaj Ijtik UTC -3.5:00 (Newfoundland) wan UTC -8:00 (Pacific)
Ne yey techan mas wey ipal Canada itukay Vancouver wan kipia 2.1 millones ipal chanejket.

Ne Canada se tal tik ne weytal ipal Ajkuik America. Kiyawaluat Ejestadoj Senputzujtuk ipal America ka tatzinu wan Lamal Artico ka ajkuikpa; tik ne ladoj kan kalaki ne tunal muajsi ne Nejmachat, wan ka taneskan nemi ne weyat Atlantico. Canada se sujsul wey tal ne kipia achka 10 millones kilometroj cuadradoj. Yajuni kichiwa ne ume mas wey Tal ipan ne Rusia. Sejsé tajtakutun tik Canada itujtukay Provincia (nemi majtakti tajtakutun) pero nusan nemi yey wey Territorio kan nemit miak mejmetzali palikman. Ne weytechan, itukay Ottawa. Ashan ne chajchanejket ipal Canada achka 35 millones. Ne tumin ipal Canada itukay dolar. Tik Canada taketzat ne Ingles, Frances wan 65 metzalitaketzalis, pero anka semaya yey yawit nakat yultuk: ne Cree (ne kipia 117,000 taketzat), ne Ojibwe (56,500 taketzat), wan ne ne Inuktitut (35,000 taketzat). Ne Blackfoot metzalitaketzalis ipal Alberta (Canada) wan Montana (ESA), melka kipiat 32,000 chanejket, sa nemi 8,000 taketzat wan chujchupi kujkunet, wan yajika anka yu-miki ne taketzalis. Ne tatuktiani ipal Canada itukay Justin Trudeau.

Ini ne weykal ipal ne kalpuli ipal ne Canada tik Ottawa, Ontario
Ini mapa techilwitia ken intukay ne Projprovincia wan Tejterritorio ipal ne Canada.
Ini sujsul yeytzin parque itukay "Banff National Park" tik ne tejtepe Rocosas itzalan Alberta wan British Columbia.)

Sejse ilpika tik ne Internet[edit | edit source]