Wp/ppl/Tepewaj
Se Tepewaj (tik castillaj: los dueños de los cerros o en sentido metafórico los esparcidores),[1][2] nusan itukey Managua u tik castiyaj: Arbolario u Huracanero; se piltzín u se siwapil kaj weli patani. Yejemet kikwit ne at tik ne ajapan, ka ijtik majmatat, wan kiwikat ini at ka ikajku pal, su Tajtzin «ne chulet ipal ne tepet» (Taluk, tik meshijkataketzalis Tlaloc)[1][3] kiajkawa, kimimat ini at ka ijpak tutal; kiunij, wetzi at ka shupan. Yejemet nusan kichiwat tikwini wan kalwikat ejekat.
Yejemet nesket ka ijtik se wajkal ipal ne kuyu itukay ijkenisan, tay walaj tik ne tzuntekumat ipal ne innan; wan kinhiskalijket se lamajtzin. Ne mas chikitik wan kimati wey, itukay Nanawatzin, ishtituya ne sinti tik ne ijtik ipal se tepet.[1]
Yejemet nusan kichiwat tesu yek datka. Siwat-Tepewaj kipustekit ne mil ika intzunkal mujilpia iwan ne mil; yajika kipustekit pal kishtiat. Ukich-Arbolariomet taichtekit.
Pal tiwelit tikinhitzkiat, tiktaliat se kan tikitat tuishkalyu ka ijtik se wajkal pal yejemet tea welit tachia wan pal wetzit ka talchi.[4]
Kan inatiwit[edit | edit source]
- ↑ 1.0 1.1 1.2 Leonhard Schultze Jena, Mythen in der Muttersprache der Pipil von Izalco in El Salvador, 1935.
- ↑ Leonhard Schulteza Jenna (1935) «Mitos y leyendas de los pipiles de Izalco» traducido e interpretado por Rafael Lara Martínez en 2010
- ↑ Oliver, Guilhem «Tláloc, el antiguo dios de la lluvia y de la tierra en el centro de México», Arqueología Mexicana, vol. XVI, núm. 96, marzo-abril 2009.
- ↑ https://www.facebook.com/TimumachtikanNawat/posts/pfbid02ZuvzJJGRcxa3zJjLhrvbrGJCQ5qSgCbmJeQGXkS3VoRvafBEZutuWxWsMkAKbqE2l