Wp/pis/Kasava

From Wikimedia Incubator
< Wp‎ | pis
(Redirected from Wp/pis/kasava)
Wp > pis > Kasava

Kasava (Manihot esculenta). Sumfala pipol usim nem: yuca or manioc or tavioko. Kasava hemi wanfala rutkrop blo Euphorbiaceae (spurge family). Hemi blo Saut Amerika en West Afrika. Nigeria hemi garem barava big plantesen blo kasava distaem.

Kasava hemi nambatri big stas kaikai, en hemi garem tufala diferen wan: suit kasava en saua kasava. Saua kasava hemi garem sumfala toksin insaet, nem blo hem "cyanogenic glucosides". Supos pipol no gud preparim saua kasava, bae hem siki weitem sumting nem blo hem konzo. Sumfala pipol laik saua kasava winim suit wan bikos pipol no laik fo stilim, en animol no laik fo kaikaim taem hem stap lo gaden.


Description[edit | edit source]

Kasava lo taem hemi autim lo gaden

Rut blo kasava hemi long. Fles blo hem garem skin, kolsap 1mm tik, hemi isi fo autim. Skin blo hem braun, en fles blo hem andanit hemi garem wait or ielo kala. Dip insaet lo rut blo kasava hemi garem wanfala tik string. String hemi no gud fo kaikai, so iumi sud autim afta hemi kuk finis. Supos iu skrasem nomoa, no nid fo autim string blo kasava.