صفہ کیویں ایڈٹ کریے؟ (How to Edit)

ویکیپیڈیا دی سب توں وڈی خوبی ایہ اے کہ کوئی وی بندہ اس نوں بہتر بنا سکنا اے۔ ایڈٹ کرنا بوہت سوکھا اے، بس تھلے دتے گئے طریقے تے عمل کرو۔

ایڈٹ کرنے دے طریقے

۱. "ایڈٹ" (Edit) والے بٹن تے کلک کرو

ہر صفے دے اوپر اک بٹن ہوندا اے جس تے "ایڈٹ" (یا ترمیم) لکھیا ہوندا اے۔ اس نوں دباؤ تے لکھائی والا ڈبہ کھل جاسی۔

۲. تبدیلی کرو

ڈبے وچ لکھائی نظر اوسی۔ تساں نویں معلومات پا سکنے او، غلطیاں ٹھیک کر سکنے او، یا پرانی معلومات نوں بہتر بنا سکنے او۔

خاص نوٹ: مضمون دی پہلی لائن وچ موضوع دا ناں ہمیشہ موٹا (Bold) رکھو۔

۳. خلاصہ ترمیم (Edit Summary)

لکھنے آلے ڈبے دے تھلے اک نکی جئی لائن ہوسی جس نوں "خلاصہ ترمیم" آکھنے نیں۔ ایتھے مختصراً لکھو کہ تساں نے کیہ بدلا اے۔ (مثلاً: "ہجے ٹھیک کیتے" یا "نوی معلومات پائی")۔

۴. نمائش (Show Preview)

صفہ محفوظ کرنے توں پہلاں "نمائش" دا بٹن دباؤ۔ اس نال تساں دیکھ سکو گے کہ تساں دی تبدیلی کیویں نظر آ رہی اے، تا کہ کوئی غلطی نہ رہ جائے۔

۵. محفوظ کرو (Save)

جدوں تساں مطمئن ہو جاؤ، تے "صفہ محفوظ کرو" (Publish Changes) والے نیلے بٹن تے کلک کر دیو۔ تساں دی تبدیلی پوری دنیا واسطے لائیو ہو جاسی!

کجھ ضروری نصیحتاں

جے تساں تجربہ کرنا چاہنے او تے تجرہ گاہ (Sandbox) ورتو۔
دوجے لکھاریاں دی محنت دی عزت کرو۔
ہمیشہ تصدیق شدہ معلومات لکھو۔

---