Wp/phr/اردو

اردو برصغیر پاک و ہند نیاں معیاری زباناں وچوں اک ہے۔ ایہہ پاکستان نی قومی تہ رابطہ عامہ نی زبان ہے، جدکہ بھارت نیاں چھ ریاستاں نی دفتری زبان نا درجہ رکھݨی ہے۔ آئین ہند نے مطابق اس کی 22 دفتری شناخت شدہ زباناں وچ بھایا گیا ہے۔ 2001ء نی مردم شماری نے مطابق اردو کی بطور مادری زبان بھارت وچ 5.01 فیصد لوگ بولݨے ہن تہ اس لحاظ تھوں ایہہ بھارت نی چھیویں بڑی زبان ہے جدکہ پاکستان وچ اس کی بطور مادری زبان 7.59 فیصد لوگ استعمال کرنے ہن، ایہہ پاکستان نی پنجویں بڑی زبان ہے۔ اردو تاریخی طور اپر ہندوستان نی مسلم آبادی نال جڑی ہے۔زبانِ اردو کی پہچان تہ ترقی اس ویلے لبھی جلے برطانوی دور وچ انگریز حکمراناں اس کی فارسی نے بجائے انگریزی نے نال نال شمالی ہندوستان نے علاقاں تہ جموں و کشمیر وچ اس کی 1846ء تہ پنجاب وچ 1849ء وچ بطور دفتری زبان نافذ کیتا۔ اس نے علاوہ خلیجی، یورپی، ایشیائی تہ امریکی علاقیاں وچ اردو بولن آلیاں نی اک بڑی تعداد آباد ہے جیہڑی بنیادی طور پر جنوبی ایشیاء تھوں کیچ کرن والے اہلِ اردو ہن۔ 1999ء نے اعداد و شمار نے مطابق اردو زبان نے مجموعی متکلمین نی تعداد دس کروڑ سٹھ لکھ نے لگ بھگ سی۔ اس لحاظ تھوں ایہہ دنیا نی نویں بڑی زبان ہے۔ اردو زبان کی کئی ہندوستانی ریاستاں وچ سرکاری حیثیت وی حاصل ہے۔ نیپال وچ، اردو اک رجسٹرڈ علاقائی بولی ہے تہ جنوبی افریقہ وچ ایہہ آئین وچ ایک محفوظ زبان ہے۔ ایہہ افغانستان تہ بنگلہ دیش وچ اقلیتی زبان نے طور پر بھی بولی جاتی ہے، جس نی کوئی سرکاری حیثیت نہیں ہے۔