Wp/nyn/Tarsis Kabwegyere
| sex or gender | male  |
|---|---|
| country of citizenship | Uganda |
| given name | Tarsis |
| date of birth | 26 April 1941 |
| place of birth | Uganda |
| languages spoken, written or signed | English |
| occupation | politician, minister |
| position held | Member of Parliament of Uganda |
| educated at | Makerere University |
| residence | Kampala |
| member of political party | National Resistance Movement |
| ethnic group | |
Tarsis Bazana Kabwegyere n'omunya Uganda omukugu omu by'obuhangwa, omushomi kandi omunyaby'obutegyeki. Akaba ari Minisita w'obujunanizibwa bwona omu kakiiko ka Uganda. Akatooranwa aha ntebe egyo ebiro 23 Okwa kataano omuri 2013.[1]Kuruga ebiro 15 okwa munaana omuri 2012 kuhisya ebiro 23 Okwa kataano omuri 2013, akaba ari Minisita w'ekikura ky'abantu, abakozi hamwe n'enshonga z'abantu.[2]
Omu kubanza, akakiiko k'eishengyero akarikushwijuma abarikutooranwa kuba ba Minisita kakanga okurondwa kwe,[3] kwonka bwanyima y'okuhanuura ahagati ya Purezidenti Yoweri Museveni na Sipiika Rebecca Kadaga,[4] akahendera yaikirizibwa ebiro 7 Okwa mwenda omuri 2012.[5] Kareho, akaba ari Minisita w'ebihikiirizi n'okuteekateekyera omu kakiiko ka Uganda, kuruga ekiro 1 okwa mukaaga omuri 2006 kuhisya ebiro 27 Okwa kataano omuri 2011.[6] Omu kuhindura abantu omu kakiiko k'abaMinisita okwabaireho ebiro 27 Okwa kataano omuri 2011, akaruga omu kakiiko k'abaMinisita yaaza omu mwanya gwa Stephen Mallinga.[7] Kandi akaba ari omukiiki omu ishengyero orikujwekyera eishaza rya Igara bukizi bwa bumosho omuri disiturikiti ya Bushenyi, kuruga omuri 1996 kuhisya omuri 2011.[8]
Ebyafaayo hamwe n'obwegyese
[edit | edit source]Akazaarirwa omuri Disiturikiti ya Bushenyi ebiro 26 okwa kana omuri 1941. Aine diguri y'orurengo rw'aheiguru omu by'obuhangwa. Diguri ye eya kabiri eya Master of Arts eri omu by'obuhangwa bw'eby'obutegyeki. Aine na diguri ya Dokuta omu by'enteekateeka omu kicweka nikyo kimwe. Diguri ze zoona akazishomera aha Univasite ya Makerere, Univasite ya gavumenti erikukirayo obukuru kandi erikukirayo obuhango omuri Uganda, eyatandikirweho omuri 1922.
Bwanyima ya Idi Amin kutwara obutegyeki omuri Uganda omuri 1971, Kabwegyere akeegaita aha kibiina kya Save Uganda Movement, ekyabaire nikigyezaho kumwihaho.[9]
Omurimo
[edit | edit source]Aha kugwa kw'obutegyeki bwa Amin omuri 1979, Kabwegyere akatooranwa kuba Minisita w'eby'eitaka hamwe n'obuhangwa bw'ensi, yaaguma aine entebe egyo kuhisya omuri 1980.Kuruga omuri 1982 kuhisya omuri 1987, akaba ari mukuru w'ekitongore ky'eby'obuhangwa omu itendekyero ry'eby'obuhangwa erya Univasite ya Makerere. Aha kwiha Milton Obote omu bwebembezi hamwe n'okwihaho obutegyeki bw'amahe obwa Tito Okello, Kabwegyere akaba memba w'akakiiko k'eihanga akarikukora aha nshonga z'abantu, akakiiko k'eishengyero omuri Uganda kuruga omuri 1986 kuhisya omuri 1996.
Akaba ari Minisita w'eihanga ow'enshonga z'aheeru kuruga omuri 1987 kuhisya omuri 1991. Kuruga omuri 1991 kuhisya omuri 1996, akaba ari mukuru w'ekitongore ky'aheeru omu kitongore ky'eby'obutegyeki ekya Rwangisiriza. Akatooranwa kuza omu Minisiture y'ebihikiirizi omu kwezi kwa mukaaga omuri 2006, kuhisya obu yaihwaho omu kakiiko k'abaMinisita omu kwezi kwa mukaaga omuri 2011.
Akaguma naajwekyera Ishaza rya Igara, omu disiturikiti ya Bushenyi omu Ishengyero rya Uganda kuruga omuri 1996 kuhisya omuri 2011. Omuri 2010, akasingwa Raphael Magezi, nawe owa Owa Rwangisiriza owaabaire ari omukiiki omu Ishengyero.[8]
Ebirikumukwataho
[edit | edit source]Kabwegyere ashweirwe. Naakora omu kibiina kya Rwangisiriza. Nikigambwa ngu naakunda kuzaana omuzaano gwa tenesi hamwe n'okuhanuura.
Reeba n'ebi
[edit | edit source]Ebihandiiko ebirikugambwaho
[edit | edit source]- ↑ UHCUK (23 May 2013). "Cabinet of the Government of the Republic of Uganda As At 23 May 2013". Uganda High Commission to the United Kingdom. Archived from the original on 2 April 2015. Retrieved 4 March 2015.
- ↑ Butagira, Tabu (15 August 2012). "Museveni Reshuffles Cabinet, Makes Marginal Changes". Daily Monitor. Kampala. Archived from the original on 16 August 2012. Retrieved 4 March 2015.
- ↑ Mercy Nalugo; Isaac Imaka (28 August 2012). "Kabwegyere Dropped As Parliament Vets Ministers". Daily Monitor Online. Kampala. Retrieved 4 March 2015.
- ↑ David Tash Lumu, and Sulaiman Kakaire (29 August 2012). "Uganda: Museveni Calls Kadaga Over Professor Kabwegyere". The Observer. Retrieved 4 March 2015 – via AllAfrica.com.
- ↑ "Professor Kabwegyere Finally Approved As Minister". KFM. 7 September 2012. Retrieved 4 March 2015.
- ↑ Mukasa, Henry (2 June 2006). "Cabinet Ministries Allocated". New Vision. Kampala. Archived from the original on 11 December 2014. Retrieved 4 March 2015.
- ↑ "Comprehensive List of New Cabinet Appointments & Dropped Ministers". Uganda State House. 27 May 2011. Retrieved 4 March 2015 – via Facebook.
- 1 2 Mugasha, Chris (5 September 2010). "Nduhura, Kabwegyere Out, Karooro In". New Vision. Kampala. Archived from the original on 2 April 2015. Retrieved 4 March 2015.
- ↑ Michael Mubangizi (13 December 2007). "We wanted to hit OAU delegates". The Weekly Observer. Archived from the original on 6 December 2024. Retrieved 4 January 2021.