Wp/nyn/Stella Namoe Nyomera

Stella Namoe Nyomera, orikumanywa nka Namoe Stella Nyomera (akazaarwa ebiro 25 Okwa munaana omuri 1973) n'omukazi omunyabyabutegyeki kandi omunyasayansi w'eby'obuhangwa. Naakorera ekibiina ekiri omu butegyeki ekya National Resistance Movement, ari omujwekyerwa w'abakazi omuri Disiturikiti ya Napak omu ishengyero rya ikumi, omwanya ogu yaatungire kuruga omuri 2006.

Obwegyese hamwe n'oburugo

Stella Namoe Nyomera akakora ebigyezo bye bya purayimare omuri 1987 kuruga omu ishomero rya Kasimeri Primary School. Omuri 1991, akamara Uganda Certificate of Education aha Kangole Girls S.S.S kandi nabwe akaheebwa Uganda Advanced Certificate of Education aha ishomero eryo omuri 1994. Omuri 1998, akeehandikisa kandi yaatunga Dipuloma omu Project Planning and Management kuruga omu ishomero rya Imsat Demtac School of Management, Soroti. Akajwara diguri y'okubanza omu by'obutegyeki kuruga ahari Uganda Martyrs University omuri 2012.[6]

Ebyafaayo by'omurimo

Ebyafaayo bye by'omurimo biri ahansi;

• Kuruga omuri 2006 kuhisya omuri 2021: Omukiiki omwishengyero, ishengyero rya Uganda.
• 2002 - 2004: Omukiiki aha kakiiko k'okuguza ebintu omu disiturikiti, Gavumenti y'ebyanga eya disiturikiti ya Moroto.
• 1998 - 2005: Omukwanaganya w'enteekateeka, Karamoja Agro Pastoral Development Programme.
• 1997 - 1998: Omureeberezi w'eby'okurya, Lutheran World Federation.
• 1995 - 1996: Omuhwezi w'ebitabo, Gavumenti y'ebyanga eya disiturikiti ya Moroto.
• 1990: Omubazi w'abantu, Ekitongore ky'ebibaro ekya Uganda Bureau of Statistics (UBOS).[1]

Amagara g'obuntu hamwe n'ebindi ebirikumukwataho

Stella ashweirwe kandi naaheereza omurimo ogundi omu ishengyero rya Uganda nka akakiiko k'ebiragiro, obugabe hamwe n'emicwe. Stella n'omwe aha kakiiko k'abakazi abakaturiki hamwe n'ekitongore ky'abashomesa b'abakaturiki. [1] Namoe Stella Nyomera aketaba omu kushuutama kw'abajwekyerwa b'akakiiko k'ebiragiro, obujunaanizibwa hamwe n'emicwe, abarikworeka okwerarikirira ahabw'obutabaho bw'obutambi bwa CCTV oburikukwata aha byabaireho ahagati y'omugyenzi omujwekyerwa w'orurembo rwa Mityana Francis Zaake hamwe n'omuhwezi wa yunivasite ya Makerere Professor Barnabas Nawangwe. Omu rukiiko, akagira ngu okutaho za kamera omu bishengye by'orukiiko n'ekintu eki eishengyero rishemereire kukora ahonaaho, ahabw'omuhendo muhango gw'abantu abarikwija omu ishengyero bakakoresa ebishengye by'orukiiko ebitarikushushana, ahabw'okuba n'ekitongore ky'abantu boona. Akongyeraho ngu n'eky'akabi obutaba na za kamera omu bishengye by'akakiiko ahabw'okuba eki nikiteganisa eby'okwerinda by'abajwekyerwa hamwe n'abakozi b'eishengyero, ahabw'okuba abantu baingi nibataayaayira eishengyero burizooba.

Naagambwaho omu kakiiko k'ekibiina ky'abakazi omu ishengyero ekya Uganda Women Parliamentary Association (UWOPA) nka omwe aha bantu abari aha kakiiko k'eby'amagara g'omutwe.

Stella akeetaba omu kushaba kw'abakazi omuri Napak ngu abakiiki omu ishengyero bagarukyemu aha nshonga z'eitaka, ahu abakiiki abakazi omu disiturikiti ya Napak baashabire abakiiki baabo kurugayo gye batandike enteekateeka yaabo aha iteeka ry'okuhindura engyenderwaho y'eihanga eya 2017 eririkugyenderera kuhindura ekicweka 26 eky'engyenderwaho y'eihanga kugira ngu rihindure eitaka rya gavumenti ahabwa purogyekiti za gavumenti.

Akaba ari omwe aha tiimu eyaabaire neetambura eya KCCA, erikukorengana n'abebembezi ba disiturikiti ya Napak hamwe n'abandi bantu abarikukwatwaho, eyaabaire eine ekigyendererwa ky'okugarura abaana b'ahanguuto omuka, bakatuura n'abazaire baabo omuri Napak.

Okuhakanisibwa okundi.

Akagambwaho omu kushwijuma kw’abakazi 50 abari omu ishengyero rya Uganda abagambire emirundi etakahikire etaano omu myaka ebiri, kurugirira aha kucondooza kwa Daily Monitor aha by’omu ishengyero ebirikukuratirwa abanyishengyero boona. Okucondooza oku kukata amaani aha kushutama kw’okubanza n’okwa kabiri okw’ishengyero rya mwenda, okwabaireho kuruga Okwa kataano omuri 2011 kuhisya Okwa kataano omuri 2013.[11]

Stella akagambwaho omu bakiiki omu ishengyero, omukazi w'omwebembezi w'eihanga kandi minisita w'enshonga za Karamoja, Janet Museveni akagira ekiniga ahabw'okugira orukiiko n'enganzi y'eihanga Amama Mbabazi enyima ye, okuhanuura aha buremeezi bw'ekicweka ky'eihanga ekirikusingayo obworo.

Reeba n'ebi

• Disiturikiti ya Napak
• Orukarara rw'abany'eishengyero ry'omwenda
• Orukarara rw'abany'eishengyero ry'ikumi
• Eishengyero rya Uganda