Wp/nyn/Stella Kizza

Stella Kizza (akazaarwa ekiro 1 okw'okubanza omuri 1965) n'omubazi w'ebitabo kandi omunyaby'obutegyeki omuri Uganda. Akaba ari omukiiki omukazi omu ishengyero rya Uganda ery'omurundi gwa ikumi arikujwekyera Disiturikiti ya Kyegegwa. Akaba ari omuntu buntu kwonka bwanyima akaza omu kibiina ekiri omu butegyeki ekya National Resistance Movement (NRM).

Ebyafaayo hamwe n'obwegyese

Kizza akazaarirwa omuri Disiturikiti ya Kyegegwa kandi yaashomera aha ishomero rya Ibaale Primary School. Akatunga Uganda Certificate of Education (UCE) kuruga omu ishomero rya Mpanga Senior Secondary School omuri 1984.[1][2]

Omuri 1990, akatunga dipuroma omu by'obushubuuzi kuruga omu itendekyero ry'eby'obushuubuzi erya National College of Business Studies, Nakawa, kandi akakuratirwa diguri y'okubanza omu by'obushubuzi kuruga omu yunivasite ya Makerere omuri 1998. Omuri 2008, akahinduka omubazi w'ebitabo omuhandiikiirwe kuruga omu itendekyero ry'ababazi b'ebitabo omuhandiikiirwe, Uganda.

Emirimo hamwe n'eby'obutegyeki

Kizza akaba ari ofiisa w'okuhindura ebyaro omu Kampala City Council kuruga omuri 1991 kuhisya omuri 2003, omubazi w'ebitabo omuri disiturikiti ya Kyenjojo kuruga omuri 2003 kuhisya omuri 2007, omubazi w'ebitabo omu kitongore ekirikukurira ebiragiro hamwe na PIBID Project kuruga omuri 2007 kuhisya omuri 2010, kandi mukuru w'eby'esente omuri disiturikiti ya Kyegegwa kuruga omuri 2010 kuhisya omuri 2012.

Reeba n'ebi

• List of members of the ninth Parliament of Uganda
• List of members of the tenth Parliament of Uganda