Wp/nyn/Rukungiri
Rukungiri n'orurembo Omuri disiturikiti ya Rukungiri omu kicweka ky'oburengyerwa-izooba bwa Uganda. N'omwanya gw'ekitebe kya disiturikiti. [1]
Ebw'obuhangwa
[edit | edit source]Rukungiri eri kiromita nka 80 (mayiro 50) omu matemba ga Kabale, orurembo orurikukirayo obuhango omu kicweka kya Kigezi. [3] Ni kiromita nka 115 (mayiro 71), omu mashuuma g'oburengyerwa-izooba bwa Mbarara, orurembo orurikukirayo obuhango omu kicweka ky'oburengyerwa-izooba bwa Uganda. Rukungiri eri kiromita nka 381 (mayiro 237), aha ruguuto, omu mashuuma g'oburengyerwa-izooba bwa Kampala, orurembo orukuru kandi orurikukirayo obuhango omu Uganda. [1] Obutebeekanisa bw'orurembo ni 0°47'24. 0"S, 29°55'30. 0"E (Latitude:-0. 7900; Oburingwa:29. 9250). [1]
Okushwijuma
[edit | edit source]Rukungiri n'etawuni y'enguuto ibiri eyehinguririize obushozi n'emiyonga mingi. Enshozi ezirikwetorwaire,n'obu kiraabe kiri kityo, zifereirwe omuringo gwazo ogw'obuhangwa ahabw'emirimo y'abantu, okukira munonga eby'obuhingi n'oburiisa. Orurembo nirushangwa aha mutwe gw'orushozi. Omu myanya emwe, eitaka ry'eby'obuhingi n'oburiisa aha rushozi niribashwekyerera kuruga ahansi kuhika ahaiguru. [1]
Omuhendo gw'abantu
[edit | edit source]Kurugirira aha kubara abantu okwabaireho omuri 2002, Rukungiri ekaba eine abantu 12,765. Omuri 2010, ekitongore ky'ebibaro ekya Uganda Bureau of Statistics (UBOS) kikateebereza ngu abantu bakaba bari 14,400. Omuri 2011, UBOS ekateebereza ngu omubare gw'abantu abari ahagati y'omwaka gukaba guri 14,700. [1] Omuri 2014, okubara abantu omu ihanga ryona kukareetaho abantu 36,509. Omuri 2020, UBOS ekateebereza ngu omubare gw'abantu omu tawuni gukaba guri 37,200. [1]