Wp/nyn/Oman
Oman,omu butongore, Sultanate ya Oman, n'eihanga erishangwa aha rubaju rw'amashuuma g'oburugwizooba bw'ekizinga kya Arabian Peninsula omuri Asia y'oburengyerwa-izooba hamwe na Middle East. Nikigabana ensharo z'eitaka na Saudi Arabia, United Arab Emirates na Yemen. Omutumba gw'enyanja omuri Oman guri aha nyanja ya Arabia omuri burugwa izooba hamwe n'ekizinga kya Oman omu matemba g'oburugwa izooba .Ebitongore bya Madha na Musandam bikyetooroirwe United Arab Emirates aha nsharo zaabo z'eitaka, kandi ensharo za Musandam ez'aha rubaju rw'enyanja nizikorwa Strait of Hormuz na Gulf of Oman. Orurembo rukuru kandi orurikukirayo obuhango ni Muscat. N'omuhendo gw'abantu nka 5. miriyoni 46 hamwe n'omwanya gwa kiromita 309,500 (19,500 sq mi), Oman niyo eihanga rya 123 eririmu abantu baingi.
Oman niryo eihanga erikukirayo obukuru okwetegyeka omu mahanga g'abaharabu kandi ritwire niritegyekwa aba Al Bu Said kuruga omuri 1744. Bwanyima y'ekyasha kya 16, Oman ekaba eri obutegyeki oburikuhayahayana n'obutegyeki bwa Portugal na Bungyereza ahabw'obushoboroomuri Persian Gulf hamwe na Indian Ocean. Aha muheru gw'ekyasha kya 19, Omani ekongyera amaani n'obutegyeki aha Strait of Hormuz kuhisya obwahati omuri Iran na Pakistan, hamwe n'omu mashuuma ga Zanzibar. Omu kyasha kya 20, Oman ekaba eri ahansi y'obutegyeki bwa Bungyereza, kwonka omu mateeka ekaba eri eihanga eryetongoire.
Amajuta ga Oman nigakwatwa omwanya gwa 22 omunsi yoona. Omuri 2010, ekitongore ky'amahanga geeteeraine ekya United Nations Development Programme kikareeba Oman nk'eihanga eririkusingayo okutunguuka omunsi yoona omu myaka 40 ehingwireho. Ekicweka ky'entatsya yaayo kirimu eby'oburambuzi, hamwe n'obushubuzi bw'ebyenyanja, ebitookye hamwe n'ebintu ebindi eby'obuhingi n'oburiisa. . Banka y'ensi yoona neeta Oman nk'eihanga eririmu entaasya nyingi, kandi kuruga omuri 2024, Oman neetaba nk'eihanga rya 37 eririkusingayo obusingye omu nsi kurugirira aha Global Peace Index.
Oman n'obugabe bw'omutaano oburikutegyekwa sultan, n'obushoborozi burikurabira omu runyiriri rw'abashaija. Qaboos bin Said akakora nk'omutegyeki kuruga 1970 kuhisya obu yaafa omuri 2020. Obutegyeki bwe bukareetaho okweyongyera kw'emituurire y'eihanga, okwihaho obuhuuku, okuhendera kw'obwesharingo bwa Dhofar, hamwe n'okutangaza engyenderwaho y'eihanga rya Oman. Ahabw'okugira ngu akafa ataine mwana, akeeta muzaara we, Haitham bin Tariq, nk'omuhunguzi we omu baruha, kandi eka erikutegyeka ekamwikiriza nk'omugabe wa Oman omusya .Oman ni memba w'ekibiina ky'amahanga geeteeraine, ekibiina ky'amahanga g'abaharabu, ekibiina kya Gulf Cooperation Council, ekibiina kya Non-Aligned Movement hamwe n'ekitongore ky'obusiraamu.