Wp/nyn/National Unity Platform

National Unity Platform neinga ekibiina ky'obutegyeki ekya National Unity Platform (NUP) ekyabaire nikyo kibiina ky'obutegyeki ekya National Unity, Reconciliation and Development Party (NURP), n'ekibiina ky'obutegyeki ekya Uganda ekirikwebemberwa Robert Kyagulanyi Ssentamu (arikumanywa nka Bobi Wine). Ekibiina kya NRM kikyebemberwa Moses Nkonge Kibalama kuruga Okwaikumi na kumwe omuri 2004 kuhisya Okwa ikumi na kumwe omuri 2020. Aha ikumi neina okwa mushanju omuri 2020, Robert Kyagulanyi Ssentamu akatandika kwebembera ekibiina kandi yaarangirirwa nk'orikukikwata bendera y'ekibiina omu karuuru k'omwebembezi w'eihanga omu kwezi kw'okubanza omuri 2021.

Ebyarugiremu

Ekibiina kya NURP kikatebwaho omukwezi kwaikumi na kubiri omwaka gwa 2004, ekyabaire nikyebemberwa Moses Kibalama. Kumara emyaka ikumi na mukaaga, akakora nka purezidenti w'ekibiina. [1] Omu kwezi kwa mushanju omuri 2017, Robert Kyagulanyi Ssentamu arahizibwa nk'omubaka orikujwekyera Kyadondo East Constituency omu ishengyero rya ikumi (2016-2021). Okuhangura ekicweka ekyo, akasingura ab'eby'obutegyeki babiri abakugu omu karuuru k'okuteera akaruuru: Sitenda Sebalu ow'ekibiina ekiri omu butegyeki ekya National Resistance Movement (NRM) na Apollo Kantinti ow'ekibiina ky'obutegyeki ekya Forum for Democratic Change (FDC). [4]

Obu Kyagulanyi yaabaire ayesimbire aha ntebe ya Kyadondo East, ebibiina by'obutegyeki ebya DP na FDC bikamwetantara, nahabwekyo akeesimba ahabwa Independent. Akatwara ekigyendererwa kya People Power, Our Power nk'omuranga gwe gw'okurundaana, ekyarugiremu ekirikumanywa nka People Power Movement omu Uganda. [1][2] Kuruga ekibiina kya People Power Movement kitandikwaho omuri 2017, abanyishengyero baingi otwariiremu ab'ekibiina ekiri omu butegyeki ekya National Resistance Movement hamwe n'ab'orubaju orurikuhakanisa ekya Forum for Democratic Change, bakwatanisa na People Power. [1]

Ekibiina kya People Power kikahendera kyabona ekibiina kya NUP ekyahandikirwe omu biragiro, kyahindura eiziina kikahinduka National Unity Platform, kandi ebiro 22 Okwa mushanju omuri 2020, abatandikireho ekibiina kya NUP, [1] hamwe n'abantu abakuru kuruga omu kibiina kya People Power Movement, bakarangirira ngu Kyagulanyi akatooranwa nk'omwebembezi w'eihanga rya NUP kandi [1] [2] Ekibiina kikahandiikwa n'ekitongore ky'eby'oburuuru ekya Uganda. Akamanyiso k'ekibiina n'omutaka oguri omu rangi etukura, erikwera hamwe na eya bururu ogwetorwaire ebizinga bishatu eby'erangi etukura, erikwera hamwe na eya bururu. Akamanyiso ka NUP nikahandiikwa omu gazeeti ekitongore ky'eby'oburuuru ekya Uganda. [1]

Ebiro 28 Okwa ikumi na kumwe omuri 2020, ekibiina kikashohoza kaadi z'obwammemba ezabaire nizigura emitwaro ikumi (eza doora nka 0. 27 nainga za pawundi 0. 2), esente ezi bagambire ngu zikaba zitarikushoroora abantu b'emiringo etari emwe n'emwe kandi zikaba nizibaasa buri munya Uganda. [1] Ebiro 3 Okwa munaana omuri 2020, purezidenti w'ekibiina akarangirira abany'eishengyero bataano abaabaire nibaza omu kibiina kya National Unity Platform. Aba harimu John Baptist Nambeshe (NRM), Patrick Nsamba (NRM), Francis Zaake (Independent) hamwe n'omunyishengyero wa Busujju David Kalwanga (Independent). [1] Ebiro 13 Okwa munaana omuri 2020, abandi ba memba ba ishengyero ikumi na mukaaga, bakegaita aha kibiina ky'obutegyeki ekya NUP, barikuruga omu kibiina kya Democratic Party (DP). Eki kikareetera omuhendo gw'abajwekyerwa abeegaitsire ahari Kyagulanyi omu kibiina kya NUP, omu sande ibiri ez'okubanza omu kwezi kwa munaana omuri 2020 kuhika abiri na gumwe (21). [1]

Aha 14 okwezi kw'okubanza omuri 2021 akaruuru ka boona kakabaho. Kurugirira aha kucondooza okwakozirwe ekitongore kya Market Intelligence Group, Bobi Wine akaba naashagikwa abantu 59 ahari igana omu Uganda. [16][7] Ebiro 16 Okwakana, akakiiko k'eby'oburuuru kakarangirira, nangwa n'oburuuru butakabarirwe, ngu Bobi Wine akatunga 35. obuchweka 08 ahari igana bw'oburuuru. Okurangirira oku kukajumirirwa munonga ahabwokuba hariho emyanya 409 y'okuteera akaruuru erimu abantu 100 ahari igana. [18], obutambi bwingi bw'okujuza ebibokisi by'oburuuru bukarugaho. [19], [20], [21], Abeebembezi b'orubaju orurikuhabura gavumenti abandi nabo bakagira ngu Bobi Wine akahangura kandi Museveni akaraganisibwa busha. Ekitongore ekirikukyebera amazima ekya Pesacheck kikashohoza ngu Uganda tekatungire karuuru k'amazima omu myaka erikurenga 30. Ebiro 9 okwa kabiri, eishengyero rya Buraaya rikahinguza ekiteiso ekirikworeka ngu akaruuru kakaba karimu akatabanguko kandi kataine busingye nainga oburingaaniza. [24], Ebiro 3 Okwa munaana omuri 2021 Fred Lumbuye, orikumanywa munonga omu kuhakanisa gavumenti, omuhandiiki w'ebitabo, kandi omushagiki w'ekibiina, akabura aha ndagiriro ye omuka omuri Turkey.