Wp/nyn/Mount Saint Mary's College Namagunga
| inception | 1942  |
|---|---|
| country | Uganda |
| located in the administrative territorial entity | Mukono District |
| coordinate location | 0°22′21″N 32°53′1″E |
Omushozi. St. Eishomero rya Mary's College Namagunga n'eishomero ry'abaishiki omuri disiturikiti ya Mukono omuri Uganda. Eishomero riine akakwate n'obureeberezi bw'abakaturiki omuri Lugazi. [1]
Omwanya Eishomero riri aha ruguuto rwa Kampala-Jinja, kiromita nka 42 (mayiro 26), aha ruguuto, burugwa izooba bwa Kampala, orurembo rwa Uganda orukuru kandi orurikukirayo obuhango. [1] Omwanya gwayo ni kiromita nka 8 (mayiro 5), aha ruguuto, omu burengyerwizooba bwa Lugazi, orurembo oruri haihi, kandi kiromita nka 18 (mayiro 11), aha ruguuto, omu burugwa izooba bwa Mukono, ahu ekitebe kya disiturikiti kiri. [1] Obutebeekanisa bw'eishomero ni 0°22'21. 0"N, 32°53'0. 0"E (Latitude:0. 3725; Oburingwa:32. 8836). [1]
Okushwijuma Eishomero rikatandikwa omukwezi kwa kabiri omwaka gwa 1942 maama Mary Kevin owa Franciscan Sisters for Africa. N'emwe aha mashomero agarikukirayo oburungi omu by'obwegyese omu Uganda aha rurengo rwa buriijo ("O"Level), hamwe n'aha rurengo rwahaiguru ("A"Level), nainga siniya. [1][2]
Abeegi abarikumanywa munonga Bamwe ahabagyenzi b'eishomero eryo abarikumanywa munonga harimu: [7]
1. Josephine Nambooze, omwegyesa w'ebyamagara ah'eishomero rya Makerere University School of Public Health. Nambooze niwe yaabaire omukazi w'okubanza omuri Uganda okutunga ebirikwetengyesa kuba omushaho omu mwaka gwa 1959. [1] 2. Specioza Kazibwe, omushaho, omu by'obutegyeki, omurwanirizi w'abakazi. Omukazi w'okubanza kuruga Afirika akatooranwa nk'omuhwezi wa purezidenti wa Uganda, yaheereza ahagati ya 1994 na 2003. 3. Winnie Byanyima, inginiya w'enyonyi, ow'eby'obutegyeki kandi omukugu omu by'obutegyeki. Mukuru w'ekitongore kya Oxfam International (1 Okwa ikumi omuri 2013 - 14 Okwa munaana omuri 2019), obwahati mukuru w'ekitongore kya UNAIDS, kuruga 2019. 4. Christine Ondoa, omushaho, omu by'obutegyeki, kandi omubuurizi w'ekanisa. Owabaireho minisita w'eby'amagara omu Uganda 2011-2013. Mukuru w'akakiiko ka siriimu omu Uganda. 5. Mary Okwakol, purofeesa wa Yunivasite, orikukurira eby'obwegyese, kandi ari omukugu omu by'obuhangwa. Owabaireho omuhwezi wa yunivasite ya Busitema. Orikukurira ekitongore ky'ebigyezo ekya Uganda National Examinations Board. 6. Doris Akol, owaabaireho mukuru w'ekitongore ky'emishoro ekya Uganda Revenue Authority. [9]
Abandi abarikumanywa munonga abarikugaitwaho n'aba: 1. Sezi Mbaguta, owaabaire ari minisita w'abakozi ba gavumenti. 2. Joan Kagezi (14 okwa mushanju omuri 1967 - 30 okwa kashatu omuri 2015), omunyabiragiro kandi omuramuzi. Akaba ari omumyoka wa mukuru w'ekitongore ky'abarikuhabura gavumenti kandi mukuru w'ekitongore ky'ensi yoona eky'enkozi z'ebibi omu minisiture y'ebiragiro. [10] 3. Lydia Mugambe, omunyamateeka kandi omuramuzi omu kooti enkuru omuri Uganda. Akatooranwa omu kooti egyo ebiro 3 Okwa kataano omuri 2013. 4. Irene Mulyagonja, omuramuzi wa kooti enkuru omu Uganda. Orikukurira eby'obutegyeki omuri Uganda okwa kana omuri 2012 kuhisya omuri 2020). [11] [12]