Wp/nyn/Moldova
Moldova, omu butongore, Republic of Moldova, n'eihanga eritaine nyanja omu burugwa izooba bwa Europe, eririkwingana 33,843 km2 (13,067 sq mi) hamwe n'abantu 2. obukaikuru 38. Moldova eine ensharo na Romania omu burengyerwizooba hamwe na Ukraine omu matemba, burugwa izooba hamwe na mashuuma. Ekicweka kya Transnistria ekitarikwetegyerezibwa, nikishangwa aha rubaju rw'omugyera Dniester aha nsharo y'eihanga ry'oburugwa izooba na Ukraine. Moldova n'eihanga rya demokurasiya eririkujwekyera eishengyero ry'eihanga eririmu ekibuga kyakyo ekikuru omuri Chişinău, orurembo orurikukirayo obuhango omwihanga n'omwanya gw'ebyobuhangwa hamwe n'eby'obushuubuzi.
Eitaka rya Moldova eririkukira obwingi rikaba riri rimwe aha butegyeki bwa Moldavia kuruga omu kyasha kya 14 kuhisya 1812, obu ryaheebwa obutegyeki bwa Russia obutegyeki bwa Ottoman (obu Moldavia yaabaire eri eihanga eririkwetengwa) reero rikatandika kumanywa nka Bessarabia. Omuri 1856, amashuuma ga Bessarabia gakagarurwa Moldavia, bwanyima y'emyaka eshatu gakakwatanisa na Walachia kukora Romania. Kwonka nabwo, obutegyeki bwa Russia bukagarurwaho omu kicweka kyona omuri 1878. Omu bwire bw'obutabanguko bwa Russia omuri 1917, Bessarabia ekahinduka eihanga eririkwetegyeka omuri Russia. Omu kwezi kwa kabiri 1918, ekarangirira okwetegyeka kw'eihanga rya Romania bwanyima y'akaruuru k'orukiiko rwayo. Encwamu ekahakanisibwa Soviet Russia, omuri 1924, ekatandikaho, omuri Ukraine SSR, ekyetwa Moldavian autonomous republic aha byanga ebyabaire nibituurwamu aba Moldovan omu burugwa izooba bwa Bessarabia. Omuri 1940, nk'ekyarugire omu ndagaano ya Molotov-Ribbentrop, Romania ekagyemeserezibwa kuhayo Bessarabia na Bukovina y'omumatemba ga Soviet Union, ekyarugiremu okutandikaho ekitongore kya Moldavian Soviet Socialist Republic (Moldovan SSR).
Ebiro 27 Okwamunaana 1991, nk'oku omukago gwa Soviet Union gukaba nigugyenda omu maisho, Moldova SSR ekarangirira okwetegyeka kandi yaatwara eiziina Moldova. Kwonka, ekicweka ky'eihanga rya Moldova aha rubaju rw'oburugwa izooba bw'omugyera Dniester kitwire kiri ahansi y'obutegyeki bwa Transnistria kuruga omu 1990.