Wp/nyn/Kayunga
| official name | Kayunga  |
|---|---|
| country | Uganda |
| capital of | Kayunga District |
| located in the administrative territorial entity | Kayunga District |
| coordinate location | 0°42′9″N 32°53′20″E, 0°43′23″N 32°54′44″E |
| twinned administrative body | Witzenhausen |
Kayunga n'orurembo omu kicweka kya Uganda ekya rwagati. N'orurembo rwa munisiparite orukuru, orw'obwebembezi, hamwe n'orw'eby'obushuubuzi omuri disiturikiti ya Kayunga. [1]
Omwanya
[edit | edit source]Kayunga ni kiromita nka 72 (mayiro 45) omu matemba ga Kampala, orurembo orukuru kandi orurikukirayo obuhango omuri Uganda, aha ruguuto rwa tarmac rw'obwire bwona. [1] Neshangwa kiromita 49 (mayiro 30) omu matemba g'oburengyerwa izooba bw'orurembo rwa Jinja, orurembo rwa kabiri omu Uganda omu by'amakorero, nabwo aha ruguuto rwa tarmac rw'obwire bwona. [1] Obutebeekanisa bw'orurembo ni 0°42'12. 0"N, 32°54'. 0"E (Latitude:0. 703333; Oburingwa:32. 90361). Orurembo rwa Kayunga nirushangwa aha rurengo rwa mita 1,063 (fuuti 3,488) aharurengo rw'enyanja. [6]
Omuhendo gw'abantu
[edit | edit source]Kurugiirira aha kubara kw'abantu okwahererukireyo omuri 2002, orurembo rwa Kayunga rukaba rwine abantu 19,800. Omuri 2010, ekitongore ky'eby'emibaro ekya Uganda Bureau of Statistics (UBOS) kikateebereza ngu abantu bakaba bari 23,100. Kurugiirira ahari UBOS, omubare gw'abantu abaabaire bari ahagati y'omwaka gukaba guri 23,600 omu 2011. [1] Omuri 2014, okubara abantu omu ihanga ryona kukareetaho abantu 26,588. [1] Omuri 2015 UBOS ekateebereza ngu omubare gw'abantu omu tawuni ya Kayunga gukaba guri 27,400. Omuri 2020, ekitongore ekirikureeberera omuhendo gw'abantu kikatebeekanisa omuhendo gw'abantu 30,000. Ahari abo, 15,600 (52 ahari igana) bakaba bari abakazi kandi 14,400 (48 ahari igana) bakaba bari abashaija. UBOS ekatebeekanisa ngu omuhendo gw'abantu omuri Kayunga niguza kweyongyera 1. obuchweka 8 ahari igana buri mwaka, ahagati ya 2015 na 2020. [1]