Wp/nyn/Kabale District

Eby'okureeberaho bya Kabale

Ekizimbe kya Kabale Regional Museum

Akatare k'emondi 03

Enyanja ya Bunyonyi omuri Kabale

Kabale District

Disiturikiti ya Kabale n'emwe aha disiturikiti eziri omu kicweka kya burengyerwa-izooba bwa Uganda. Ekitebe kya disiturikiti ekikuru kiri Kabale. Omu kubanza ekaba eri ekicweka kya disiturikiti ya Kigezi, batakabaganisemu disiturikiti ya Rukungiri, Kanungu, Kisoro, Rubanda na Rukiga. Obumwe Kabale neeyetwa "Kasitooni" nk'oku kirikwetwa omu rurimi rwa Rukiga, "kabale" n'eibaare rikye.

Omwanya

Disiturikiti ya Kabale eri aha nsharo na Disiturikiti ya Rukungiri omu matemba, Disiturikiti ya Rukiga omu matemba g'oburugwa- izooba, Rwanda omu burugwa- izooba hamwe n'omu mashuuma, Disiturikiti ya Rubanda omu burengyerwa-izooba hamwe na Disiturikiti ya Kanungu omu burengyerwa-izooba bw'amatemba. Kabale eri haihi kiromita 143 (mayiro 89), orugyendo rw'ahanguuto, omu mashuuma g'oburengyerwa-izooba bw'orurembo rwa Mbarara, orurembo oruri kukirayo obuhango omu kicweka kya Uganda eky'oburengyerwa-izooba. Kabale eri omu kiromita 410 kuruga Kampala, orurembo rwa Uganda orukuru. Kabale eri omu kiromita 25 kuruga Katuna, aha nsharo ya Uganda na Rwanda.

Abantu

Okubara abantu okwakozirwe ebiro 27 Okwa munaana omuri 2014, kukashoboorora ngu abantu omu disiturikiti bakaba bari 230,609. Ekitongore ekiri kubara Abantu omu Uganda ekya Uganda Bureau of Statistics (UBOS) kikateebereza ngu omubaro gw'abantu omu disiturikiti, nk'oku gwabaire guri ekiro 1 Okwa mushanju omuri 2020, gukaba guri 248,700. Aharibo, 120,000 bakateeberezibwa kuba abashaija kandi abasigaire 128,700 bakateeberezibwa kuba abakazi. UBOS ekateebereza ngu omuhendo gw'abantu gukaba nigweyongyera 0bucweka 1.3 ahari igana buri mwaka, ahagati ya 2014 na 2020.

Abantu abarikumanywa munonga

• David Bahati, omujwekyerwa wa Uganda omu ishengyero, orikumanywa munonga omu mahanga g'aheeru ahabw'okukora ekiragiro ekirikurwanisa ebisiyaga ekya 2009
• Amama Mbabazi, owaabaireho enganzi y'eihanga
• Ruhakana Rugunda, owaabaireho enganzi y'eihanga
• Ezra Suruma, omuhangu omu by'entaasya
• Emmanuel Tumusiime-Mutebile, Gavana wa Bank of Uganda
• Shem Bageine, omunyaby'obutegyeki wa Uganda.
• George Kanyeihamba, omuramuzi owahuumwire
• Paul Ngologoza OBE, KSG, Omuhandiiki
• Anne Kansiime, omuzaani w'ebishushani, kandi omuzaani w'okushemeza

Reeba n'ebindi

• Ekicweka kya Kigezi