Wp/nyn/Iganga

Iganga

human settlement
country	Uganda
capital of	Iganga District
located in the administrative territorial entity	Iganga District
coordinate location	0°36′53″N 33°28′44″E

Iganga n'orurembo omu kicweka ky'oburugwa-izooba bwa Uganda. N'orurembo rwa munisiparite orukuru, orw'obwebembezi, hamwe n'orw'eby'obushubuzi omuri disiturikiti ya Iganga.

Omwanya

Iganga neshangwa omu kicweka kya Busoga ekya Uganda. Kishangwa kiromita nka 40 (mayiro 25) omu matemba g'oburugwa izooba bw'orurembo rwa Jinja aha ruguuto rw'ahaiguru ahagati ya Jinja na Tororo.

Eki kiri kiromita nka 108 (mayiro 67), aha ruguuto, omu mashuuma g'oburengyerwa-izooba bwa Mbale, orurembo orurikukirayo obuhango omu kicweka ky'oburugwa izooba bwa Uganda. Obutebeekanisa bw'orurembo Iganga ni: 0°36'54. 0"N, 33°29'06. 0"E (Latitude:0. 6150; Oburingwa:33. 4850). .

Okushwijuma

Ebintu ebirikushemeza munonga omu rurembo harimu purogyekiti ya DevelopNet Iganga, erimu omwanya gw'okukoreramu aha intaneeti hamwe n'omwanya gw'ebibiina by'obutegyeki/CBO Forum omu disiturikiti ya Iganga.International Hand Iganga n'ekitongore ekitari kya gavumenti ekirikukora omu by'obwegyese n'entunguuka y'abantu. Orurembo rwa Iganga rwine eby'okureeberaho bya intaneti bingi, amaju g'abagyenyi, hamwe n'akatare akarimu abantu baingi ahagati y'orurembo haihi na paaka ya takisi.Orurembo rwine n'ebyombeko by'ediini nk'amakanisa hamwe n'emizigiti.

Ebyengyenda.

Iganga neeheebwa sitesheni y'egaari y'omwika aha ruguuto rw'egaari y'omwika orwa Uganda. Oruguuto orurikuruga omu rurembo rwa Jinja niruraba omuri Iganga, nirugumizamu kuza Bugiri na Tororo, nka oruguuto rwa Jinja-Iganga-Bugiri-Tororo. Okuruga aho nikigumizamu kuhika aha nsharo na Kenya ahari Malaba, kiromita nka 104 (65 mi) burugwa izooba bwa Iganga. .

Omuhendo gw'abantu

Omuri 2002, okubara abantu omu ihanga ryona, kukateebereza ngu omubare gw'abantu omuri Iganga gukaba guri 39,500. Omuri 2010, ekitongore ky'ebibaro ekya Uganda Bureau of Statistics (UBOS) kikateebereza ngu abantu bakaba bari 51,800. Omuri 2011, UBOS ekateebereza ngu omubare gw'abantu omuri Iganga gukaba guri 53,700. Omuri 2014, okubara kw'abantu omu ihanga ryona kukareetaho abantu 53,870 omuri Iganga.

Omuri 2015, omuhendo gw'abantu b'omururembo gukaba guri 56,500. Omuri 2020, omubare gw'abantu omu tawuni ya Iganga gukaba guri 65,500. Omuhendo gw'abantu gukeeyongyera aha rurengo rwa 3. 0 ahari igana, ahagati ya 2015 na 2020.

Omuhendo gw'abantu omu byafaayo
Omwaka	Pop.	±%
2002	39,500	—
2010	51,800	+31.1%
2011	53,700	+3.7%
2014	53,870	+0.3%
2015	56,500	+4.9%
2020	65,500	+15.9%
oburugo:

Eby'amagara

Iganga General Hospital ekirikumanywa nka eirwariro rya Nakavule, neheereza abatuuragye ba munisiparite ya Iganga hamwe na disiturikiti yoona.

Eirwariro rikatebwaho nk'eririkukirayo kukora kurungi omu marwariro ga boona omu Uganda omu by'esente, n'obu ebyombeko byaryo birikwetenga kuhunduzibwa.Eirwariro rikagarurwa busya nk'emwe aha purogyekiti y'okugarura busya amarwariro mushanju kuruga omu Gavumenti ya Uganda omu Kwaikumi na kumwe omuri 2015.

Hariho amaani agakozirwe okutandikaho obuheereza bw'eby'amarwariro omuri Iganga, okukira munonga n'okutandikaho enteekateeka y'okubanza kuhwera abantu kuruga omu yunivasite ya Washington omuri St. Louis, LFR International hamwe n'ekibiina kya Uganda Red Cross Society.

Enshonga z'omugasho

Emyanya egi erikukurataho eri omuri Iganga nainga haihi nayo:

1.Ekitebe kikuru ky'obwebembezi bwa disiturikiti ya Iganga

2.Ofiisi z'akakiiko k'orurembo rwa Iganga

3.Yunivaasite ya Busoga, neshangwa mayiro emwe (1. 6km) burengyerwizooba bwa Iganga ahagati ya Iganga na Jinja

4.Iganga General Hospital, eirwariro rya gavumenti ery'ebitanda 120, niriteebwaho esente kuruga omu kitongore ky'ebyamagara ekya Uganda

5.Sitesheni y'egaari y'omwika eya Iganga

6.Akatare k'ahagati omuri Iganga.

Omuntu orikumanywa

Andrew Kiiza Kaluya Namitego: Akatooranwa nk'omukiiki omwishengyero omu disiturikiti ya Iganga.
Kyeru Phiona Bridget, omukozi w'ebishushani kandi owaabaire ari omwebembezi w'eby'oburambuzi omu Uganda

Reeba n'ekindi