Wp/nyn/Gulu Airport
| named after | Gulu City  |
|---|---|
| country | Uganda |
| located in the administrative territorial entity | Northern Region |
| located in time zone | Africa/Kampala |
| coordinate location | 2°48′0″N 32°16′30″E |
| operator | Civil Aviation Authority of Uganda |
| date of official opening | 1959 |
| place served by transport hub | Gulu City |
| official website | https://caa.go.ug/gulu-airfield/ |
| directions | just a few kilometres out of town |
| aerodrome reference point | 2°48′20″N 32°16′18″E |
| IATA airport code | ULU |
| ICAO airport code | HUGU |
Ekishaayi ky'enyonyi ekya Gulu (IATA: ULU, ICAO: HUGU) n'ekishaayi ky'enyonyi eky'abantu ba buriijo hamwe n'eky'amahe omu kicweka ky'amatemba ga Uganda. N'omwanya ogurikwetengwa kutaaha n'okuruga omu ihanga.
Omwanya
Ekishaayi ky'enyonyi kiri kiromita 3 omu matemba g'oburengyerwa-izooba bw'omwanya gwa Gulu ogurimu bizinesi nyingi, ogurikukirayo obuhango omu kicweka ky'amatemba ga Uganda. Ekishaayi ky'enyonyi kiri kiromita 306 omu matemba g'ekishaayi ky'enyonyi ekya Entebbe, ekirikukirayo obuhango omu Uganda.[2] Ebirikworeka omwanya gw'ekishaayi ky'enyonyi ekya Gulu ni: 02°47'58.0"N, 32°16'31.0"E (Oburaingwa:2.799444; 32.275278).[3] Ekishaayi ky'enyonyi kiri aha rurengo rwa fuuti 3,510 (1,070 m) ahaiguru y'oburaingwa bw'enyanja.
Okutandika
Ekishaayi ky'enyonyi eki nikiheereza orurembo rwa Gulu, orwine abantu abarikuteekwateekwa kuba 177,400 omuri 2020.[5] N'ekimwe aha kishaayi ky'enyonyi ikumi na bibiri eky'omu byaro ekiri ahansi y'obwebembezi bwa Uganda Civil Aviation Authority (UCAA). Kandi n'ekimwe aha kishaayi ky'enyonyi itaano eky'omu byaro ekirikwikirizibwa kukora aha by'engyenda y'enyonyi erikuraba aha nsharo za Uganda n'amahanga agatuherereire, omu kaweefube w'okureetaho eby'oburambuzi omuri burugwa izooba bwa Afirika.[1].
Eagle Air eine enyonyi ezirikuguma niziruga aha kishaayi ky'enyonyi ekya Entebbe aha rw'okubanza na rw'akana. Okuruga Okwa ikumi omuri 2019, Sky Travel hamwe na Aviation nazo nizikora emirundi ebiri buri sande kuruga aha kishaayi ky'enyonyi ekya Juba omuri South Sudan. Enyonyi ezirikuruga Gulu kuza Moyo, Arua, hamwe na Pakuba nazo nizikira kuguruka.
Ebyafaayo
Ekitongore kya Budaaki ekya Fugro kikakorera gavumenti ya Uganda okucondooza aha by'obugaiga bw'omu itaka kuruga 2006 kuhisya omuri 2009. Kukora emirimo yaakyo omu kicweka ky'amatemba, kampuni ekaba eine enyonyi ibiri kuruga Gulu, kandi buriizooba zikaba ziguruka ahansi (mita 80 ahaiguru y'eitaka) kuhika aha nsharo ya Sudan. Omuri 2019 kampuni ya South Africa eya Xcalibur Airborne Geophysics, ekapangisibwa kukora omurimo gw'okushwijuma nk'ogwo omu matemba g'oburugwa izooba bwa Uganda.
Omu bwire bw'okurwanisa orutaro rwa Uganda na Tanzania (1978–79), ekitebe ky'enyonyi ekya Gulu kikaba kiriho enyonyi z'amahe ga Uganda hamwe n'ez'amahe ga Libya
Eby'enyonyi hamwe n'emyanya ei zirikuza
Eby'enyonyi hamwe n'emyanya ei zirikuza
Eby'enyonyi Emyanya ei zirikuza