Wp/nyn/Gayaza High School

Gayaza High School

secondary school, boarding school

inception	1905
country	Uganda
located in the administrative territorial entity	Gayaza
coordinate location	0°27′27″N 32°36′39″E
official website	https://www.gayazahs.sc.ug/

Eishomero rya Gayaza High School niryo eishomero eririkusingayo obukuru omuri Uganda eririkushomesa abaishiki kuruga omu bibiina bya munaana kuhisya aha ikumi na bishatu. Eishomero ryateirweho ekanisa, nirishagikwa gavumenti kandi nirikwikirizibwa minisiture y'eby'obwegyese, sayansi, tekinorogye hamwe n'emizaano.

Omwanya

Eishomero nirishangwa omu rurembo rwa Gayaza, Gayaza Zooni B Local Council One (LC1), Kasangati town council, Kyadondo County, Disiturikiti ya Wakiso, kiromita nka 19 (mayiro 12) omu matemba g'oburugwa izooba bwa Kampala, orurembo rwa Uganda orukuru.

Eishomero rya Gayaza erya siniya n'ery'omwanya gwa 104. eka 76 aha rushozi orurimu enshonda nz'amaani kandi ruri ahaiguru ya fuuti 3,800 aharurengo rw'enyanja. Omu matemba, erimu ensharo na Makerere University Agricultural Research Institute, Kabanyolo (University Farm) kandi omu burengyerwizooba n'ekyaro kya Makenke ekirikutaanisibwa oruguuto rwa Gayaza-Zirobwe.

Omwanya oguri omu burugwa izooba ahagati ya faamu y'eishomero hamwe n'oruguuto orurikuruga Kampala kuza Kalagi, Mukono, n'ekyaro kya Kyetume kandi omu mashuuma eishomero nirishangwa n'eishomero rya Gayaza Junior School, ekanisa y'omuruka hamwe n'ekyaro kya Gayaza Trading Centre. Omu bwire obu, oruguuto orukuru orurikuruga Kampala niruhinduka, orundi orurikuza Kalagi omu Disiturikiti ya Mukono, orundi orurikuza aha eitendekyero ry'eby'obuhingi erya National Crops Resources Research Institute (NaCRRI) omuri Namulonge, reero orugyeyo orurikuza Zirobe.

Oruguuto ahagati y'enguuto ibiri ezirikuhika aha eishomero, okurabira omu mashomero ga puraimare hamwe n'ekanisa y'omuruka, n'omuringo mubi, ekirikureetaho oburinzi bw'eishomero omu bwire bw'oburemeezi.

Abamiisani abakristaayo ab'ekibiina kya Church Missionary Society of England, bakataho eishomero rya Gayaza High School ahaitaka eryahairwe ekanisa Kabaka Daudi Cwa II (Mukama wa Buganda) omu kwezi kw'okubanza omuri 1905, n'abeegi bana ab'okubanza, ekyarugiremu eishomero ry'abaishiki ery'okubanza omuri Uganda.

Omugasho gw'okutandikaho eishomero, gukaba guri okutendeka abaishiki, namunonga abaishiki b'abanyiginya b'obugabe bwa Buganda, omu myoga erikubahindura abakazi barungi, kwonka ekyo kikaba kiri eky'okwikiriza abeebembezi b'eby'obutegyeki. Kwonka abatandikireho bakaba baine ekigyendererwa ky'omutaano: okwegyesa abaishiki kurugirira aha musingye gw'abakristaayo. Bakeetegyereza ngu omuringo murungi gw'okureetaho obukristaayo n'okugira abakazi abakurasi abakurasi abu abaana baabo barikumara nabo emyaka yaabo y'obwegyese.

Omu kutandika, amashomo g'eishomero gakaba garimu eby'obuhingi n'oburiisa, okukoresa engaro, okureeberera abaana, n'okubaziira, hamwe n'ebyahandiikirwe, okushoma, okuhandiika, okubara hamwe n'eby'obuhangwa. [ebirikugambwaho nibyetengwa]

Eishomero rya Gayaza High School rikombekwa ahaitaka rya hiika 140, riine enju ishatu; Kikko, Kyawakati na manga. Ekigyendererwa kyaryo kikaba kiri "Banno" (abanywani). Abaishiki bakabanza bajwara "suuka" (ebitanda) omu yunifoomu y'eishomero, n'obu eki kyahindukire yunifoomu erimu ekiteeteeyi kya Victorian, ekirikushushana n'emyenda y'obuhangwa eya Baganda eriho obwahati bodingi (Gomesi). Bwanyima. Alfreda Allen (omukuru w'eishomero owatandikireho) akakora yunifoomu nsya erimu ensingo y'ekicweka, n'emikono mikye ya Hungary, akabonero akarikujwekyera hamwe n'erangi ezitarikushushana ezirikukoresibwa okutaanisa abantu b'emiringo etari emwe.

Omuri 1939,ekicweeka kya siniya ekitarikwetegyerezibwa kikatandika kwonka bwanyima omuri 1962, kikasharwamu okwahura siniya n'eishomero rya yuniya. Eishomero rya Gayaza Junior School rikagumizamu n'ekyombeko ekikuru aha rubaju rw'oburugwa izooba, kandi erya siniya rikagumizamu n'eiziina rya Gayaza High School rikashangwa omuka aha rubaju rw'oburengyerwa izooba. Ku baataanire, eishomero rya Gayaza Junior School rikahindura ekigyendererwa kyaryo kuruga ahari "Banno" rikatandika kukoresa ekigyendererwa ky'eishomero rya Gayaza High School: "Never Give Up". N'ekyarugiremu, okuruga omuri 1963, Muky. Hill akahinduka mukuru w'eishomero rya Junior School kandi Muky. Joan Cox niwe yaabaire ari mukuru w'eishomero rya siniya. [1]

Okuruga aha mashomero 4 g'abaishiki, amashomero abiri gakagyenda omu maisho kuhinduka abiri agarikukirayo oburungi omu by'obwegyese omu Uganda, okureetaho okweyongyera kw'abeegi n'abeegi abarikurenga 1,000.

Omu kubanza, omwishiki weena, ku yaabaire aba ari muhara w'omwebembezi w'eihanga rya Buganda, akaba aheebwa omwanya omuri Gayaza kwonka bwanyima, n'abo abaabaire nibaruga omu maka g'abagaiga bakaba nibabaasa kwegaita aha eishomero. Ku haahingwireho obwiire, enkora ekeyongyera kuhinduka kugira ngu omuntu akaba aine kuhika ebigyezo bye ebihandiikirwe, okutaaha omuri Gayaza. Eriizooba eki nikyo kikirikukorwa. [1]

Eishomero rya Gayaza High School (GHS) n'eishomero ry'abaishiki eryatandikirweho ekanisa ya Uganda kandi eririkuhwerwa Gavumenti eririkworeka eby'emikono n'eby'obuhangwa hamwe n'emirimo etari emwe n'emwe. [1]

Eishomero riine amatendekyero ga buriijo n'agahaiguru agarikugyenderera okutunguura omuntu weena kandi rigyendera aha nteekateeka y'eishomero erikushwijumwa ekitongore ky'ebigyezo ekya Uganda National Examinations Board (UNEB). [1]

Obwebembezi: Orukiiko orurikwebembera eishomero nirwo ruriho nk'oku kirikworekwa omu biragiro by'orukiiko orurikwebembera eby'obwegyese, ekicweka 59 (ii) eky'ekiragiro ky'eby'obwegyese ekya 2008. Erimu abantu nka 15 abarikujwekyera abantu boona abakuru, nk'ekitongore ky'ebigombe, abazaire, abegyesa, abakozi abatari beegyesa, gavumenti z'ebyanga hamwe n'abakuzire omu mashomero.

Obwebembezi bw'eishomero burizooba, nibwebemberwa mukuru w'eishomero orikushagikwa abakiiki babiri hamwe n'orikukurira eby'obwegyese. Hariho ba Deeni bashatu. e. omukuru w'eishomero ryahansi (Secondary 1 na 2), omukuru w'eishomero ryahagati, (Secondary 3 na 4), hamwe n'omukuru w'eishomero ryahaiguru (Secondary 5 na 6): omukazi omukuru, omushaija omukuru hamwe n'omukazi omukuru abarikushagika obwebembezi bw'eishomero. Obujunanizibwa bw'abakozi abarikukurira eishomero buri omu kitabo ky'abakozi ekya Gayaza High School. [1]

Bakuru b'eishomero

Mukuru w'eishomero Alfreda Allen (omukuru w'eishomero owatandiikireho omuri 1905-19) Alfreda Allen niwe yaabaire mukuru w'eishomero ry'okubanza omuri Gayaza omuri 1905. Akatumwa ekitongore kya Church Missionary Society (CMS) kutunguura eby'obwegyese bw'abaishiki omu ihanga, akahika Buganda na Janet Smith, bwanyima Dorothy Allan, Nancy Corby na Irene Steinsteint batandiika eishomero. Omuri 1904, omu butegyeki bwa Kabaka Daudi Cwa II; Sir Apollo Kaggwa, omukuru omu Buganda, akashaba ekitongore kya Church Missionary Society eky'omuri Bungyereza kwiguraho eishomero ry'abaishiki omuri Gayaza, n'obu eki kyabaire nikizibirwa omu kubanza ahabw'okuba abakuru b'obwire obwo bakaba batarikwenda kushashurira abeishiki emishomo yaa Okwerarikirira oku kukahwaho obu orukiiko rw'abakazi orwa CMS orwateranaire omuri Bungyereza, rwasharamu ngu eishomero ry'abaishiki rikatandikwa haihi n'eitaka ry'eishomero rya Gayaza eryahairwe omugabe. Eki kitakahikire, hakaba hariho amashomero g'aboojo makye, kwonka abaishiki bakaba nibatendekwa omu kanisa omu bihandiiko n'omu katekisi omu kwetebeekanisiza okubatizibwa. Ahabw'okusiima omurimo gwe ogw'omutaano,ekanisa y'eishomero (Alfreda Allen chapel) ekahebwa eiziina rye. [1]

Joan Cox (1950-1972)

Muky. Joan Cox akaija omu ishomero rya Gayaza High School omuri 1938 Arikwebemberwa Ekibiina Kya Church Missionary Society (CMS) kandi yaakora nka mukuru w'eishomero rya Gayaza High School kumara emyaka 22. Akakora kihango kureeba ngu habaho entunguuka n'okutunguuka omu ishomero rya Gayaza High School. N'omu bwire bwe obu eishomero ryombekyeirwe ekishengye ky'okushabiramu, eibikiro ry'ebitabo hamwe n'ekitongore ky'eby'obutegyeki. Obwebembezi bwe obw'obwengye bukareetaho okutandikaho e faamu y'eishomero hamwe n'obusinguzi bw'enteekateeka y'eby'okurya. Kimwe aha bishengye by'okuraaramu omu eishomero, kikahebwa eiziina rye. Muky. Omugasho gwa Cox gukahika omu bicweka bya Uganda byona kandi gukahindura obwegyese bw'omwana w'omwishiki omuri Uganda. Akabaho kuhika aha myaka ikumi kandi yaafa aha rwa mukaaga ebiro 4 okwa kana omuri 2012. [1]

Sheelagh Warren (1972-1990)

Sheelagh Warren akaba ari mukuru w'eishomero rya Gayaza High School kumara emyaka 18. Akaza omu mwanya gwa Miss Joan Cox kuyarugireho, arikureeberera entunguuka y'eishomero rya siniya kuhisya aha rurengo rwa O' na A' , okwombeka ebyombeko eby'obutuura, n'okutandikaho eiziina ry'eishomero ahabw'okwegyesa kurungi, n'ebindi. Warren akebembera eishomero omu bwire bw'obutabanguko bwa Uganda, kurabira omu rutaro orwaihireho Idi Amin omuri 1979, orw'abahekyera orwamazire emyaka etaano orwareeteire NRM omu bwebembezi omuri 1986. N'obu haraabe hariho obutabanguko n'eibura ry'ebintu omu bwire obwo, eishomero rikagumizamu n'okwebembera kurungi. Muky. Warren akahikiiriza emyaka 90 omu kwezi kwa ikumi na kumwe omuri 2017 kandi ekitongore kya kompyuta ekya Warren Computer Centre/Laboratory omuri Gayaza kikahebwa eiziina rye. [1]

Ruth Nvumetta Kavuma (1990-2002)

akahandiika ati: "Okuba mukuru w'eishomero rya Gayaza High School ow'okubanza omuri Afirika kandi nkagumayo kumara emyaka ikumi na gumwe, nikyo kintu kikuru eki naakozire.". "Okuhindura obwebembezi kukakorwa kurungi munonga. Muky. Warren akahandiika buri kikorwa omu kitabo eki yampaire, arikumpa obuhabuzi oburikukwata aha bintu ebyabaire nibikorwa omu buri kwezi omumwaka. Kikaba eky'omugasho munonga ahariinye, nk'okutandika kurungi n'okurinda omutindo gw'eishomero," nikwo yaagizire. Ku yaarugire omuri Gayaza, Kavuma akaza omu by'obutegyeki yaheereza nk'omukiiki omwishengyero kumara emyaka mingi. [1]

Joy Male (2002-2006)

Joy Male akahinduka mukuru w'eishomero rya Gayaza High School omu kwezi kwa munaana omuri 2002 bwanyima ya Ruth Kavuma kugyenda yaagumaho okuhistya okwa kana omuri 2006 obu yahuumwire obuheereza bwa Gavumenti aha myaka 60. Akabaho nk'omukuru w'eishomero rya Nakasero Secondary School, Mengo Senior School na Makerere College School atakagiire omuri Gayaza. Kimwe aha buremeezi bwe, n'okwija nk'omukozi omutsya kandi nk'omukuru w'eishomero. Ahansi y'obwebembezi bwe, okwombeka oburaaro bwa Rhoda Nsibambi kukahwa, okwombeka ekibiina kya Ruth Nvumetta Kavuma kukatandika, kandi akareberera purogyekiti nyingi z'okugarura butsya ebyombeko by'eishomero. [1]

Victoria Kisarale (2009-2019)

Victoria Sserunkuuma Kisarale, orikumanywa nka Kisa, akaija omu ishomero rya Gayaza High School omuri 1998 nk'omumyoka w'omukuru w'eishomero ahansi y'obwebembezi bwa Muky. Ruth Kavuma kandi bwanyima Mrs. Joy Male. Omuri 2009 akahindurwa mukuru w'eishomero kandi akakora nk'omwegyesa kumara emyaka ikumi kuhitsya obu yahuumwire omu kwezi kwa munaana omuri 2019. Akakora kihango okujanjaaza emicwe mirungi omu beegi n'okut'amaani aha myoga y'ekyasha kya 21. Omu bwire bwe, omuryango gw'eishomero gukongyerwamu amaani, ekishengye ky'okuriiramu kikongyerwamu amaani, ekidiba ky'okwibiramu kikombekwa, n'ekyombeko ky'abebembezi ekitsya kikatandikwa abaishiki abakuru abaashomeire Gayaza. Akareeba na faamu y'eishomero erikutunguuka omu bwire bwe. Akozire kihango omu kwegyesa abaana b'abaishiki kandi akahiga baingi. Naija kwijukwa abakozi hamwe n'abeegi abu yaakozire nabo omu bwire bwe.

Kizito Robinah Katongole (2019-obwahati)

Robinah, mukuru w'eishomero obwahati, akatwara ofiisi aha rwa kana ebiro 10 Okwa ikumi omuri 2019. Ahabw'okugira ngu akashomerayo, ti mutsya omu kibuga ky'eishomero rya Gayaza High School. Akaba ari omwegyesa w'eby'obuhangwa kumara emyaka ikumi na mushanju atakakozire nk'omumyoka wa mukuru w'eishomero omu bwire bwa Victoria S. Kisarale. Nitutegyereza ebiro bya nyensya eby'eishomero riri ahansi y'obwebembezi bwe.

Oburaaro bw'abeegi

Eishomero rya Gayaza High School riine oburaaro 8 oburikwetwa amaziina g'abanyayuganda abarikumanywa, ab'eby'obutegyeki nainga abarikureeberera eishomero. Harimu; 1.Hutchinson House 2.Cox House 3.Ham & Apollo House 4.Corby House 5.Kennedy House 6.Kivebulaya House 7.Rhoda Nsibambi House 8.Sherborne (Mary Stuart) House 9.Warren House

Enju ya Hutchison

"Hutch" nk'oku abeegi barikukira kugamba, neshangwa ahagati y'eishomero. Rikwetwa amaziina ga Sir Joseph na Lena Hutchinson abaabaire nibakora aha kitongore kya Namulonge Cotton Research Station ekyabaire kiri kiromita nkye kuruga aha eishomero. Aba Hutchinson bakakora n'amaani hamwe na Pamela Goode, omwegyesa aha eishomero obwo, okutandikaho faamu y'eishomero omuri 1954. Ahabw'okutandikaho ekitongore eki,eishomero rikatandiika enteekateeka y'eby'okurya omu faamu omuri 1955. [3] Enju ya Hutchinson niyo ya kabiri omu buhango ahanyima ya Rhoda Nsibambi. Eriizooba, ba memba b'orukiiko oru nibeetwa abahutu kandi erangi yaabo n'eya kakobe.

Enju ya Cox Enju ekahebwa eiziina rya Joan Cox owaabaire ari mukuru w'eishomero rya Gayaza High School kumara emyaka 22. Okutandika n'emyaka ya 1970, ebyombeko eby'omurembe bikaba byongyeirwe aha eishomero omu bwebembezi bwa Cox. Enju ya Cox (eyabaire eri omuti gwa Tulip) hamwe na Kivebulaya (eyabaire eri omuti gwa Cann Lily) bikombekwa n'esente kuruga omu banka y'ensi yoona omuri 1970. [3] Ahabw'eibura ry'omwanya, abeegi kuruga omu bishengye bya Cox na Kivebulaya omu buhangwa bagabirwe omu mayumba agandi ku barikugaruka aha rurengo rwa A. Eriizooba abatuuragye b'enju egi nibamanywa nka "Coxites" kandi erangi y'enju yaabo n'eya Maroon.

Enju ya Ham na Apollo Enju ya Ham na Apollo (ekirikumanywa nka "Ham") kikahebwa amaziina g'abagabe ba Buganda babiri abakuru; Sir Apollo Kaggwa na Ham Mukasa abaabaire bari abateezi b'ebiteekateeko omu by'obutegyeki kandi nabo batunguura eby'obwegyese omuri Uganda. Sir Apollo Kaggwa akaba ari Katikkiro wa Buganda (1865-1927). Kaggwa ahansi ya Kabaka Daudi Cwa II omuri 1904, akashaba ekitongore kya Church Missionary Society kwiguraho eishomero ry'abaishiki omuri Gayaza. Ham Mukasa (1870-1956), akakora nk'omuhandiiki wa Katikkiro wa Buganda. Akakora kihango okutunguura Uganda arikurabira omukureeta eby'obwegyese eby'omurembe, eby'amagara, eby'obuhingi n'oburiisa hamwe n'obukurisitaayo. Ba memba b'orukiiko oru nibeetwa "Hamites" kandi erangi yaabo ey'omutwe n'eya Green.

Enju ya Corby, emwe aha nju ezirikusingayo obukuru omuri Gayaza High School, ekahebwa eiziina ry'omukuru w'eishomero Nancy Corby, owaabaire ari mukuru wa Joan Cox omuri 1963. Niwe yaahererukire kuba mukuru w'eishomero rya Junior School. Enyima Gayaza Junior na Gayaza High School zikaba ziri eishomero rimwe, okuhisya omuri 1962, obu sekendure yatandiika Joan Cox nk'omukuru w'eishomero ry'okubanza. [1] Enju eine ebyombeko ebikuru n'ebikuru. Ekizimbe ky'abato kiine ebishengye munaana, bibiri aharibyo n'eby'abebembezi, kandi ekikuru kiine ebishengye 12 kandi kimwe n'eky'omwebembezi w'eishengyero ry'okutuura. Abatuuragye b'enju egi nibamanywa nka "Abacorbia" kandi erangi yaabo erikuru ni eya bururu. Enshonga ya Corby neegira ngu "Okweyongyera omu maisho obutoosha, Otakagaruka enyima."

Enju ya Kennedy, ekaigurwaho omuri 1964 kandi eiziina rye rikatwarwa omwebembezi w'eihanga rya Amerika, John F. Kennedy, owaisirwe omuri 1963, akaba arwaniise munonga obugabe bw'abafirika abarikuruga omuri Amerika. Obu enju yaabaire neeyombekwa, abaishiki ba Gayaza bakaba nibenda kumusiima ahabw'okurwanirira obugabe bw'abiraguju. N'obu araabe yaabaire ataine kakwate na Uganda, Amerika ekaba ekozire omurimo gw'amaani omuri Uganda, n'abegyesa abeehandikiire hamwe n'obuyambi bw'eby'obwegyese kurabira omu kitongore kya USAID. Ekigyendererwa ky'enju ya Kennedy kikahandiikwa omuruswayiri, "Kua Mfano", ekirikumanyisa "Beera eky'okureeberaho". Mascot y'enju n'empungu erikworeka abatuuragye abaine ebiteekateeko by'ahonaaho ("Abanyakenya"). Erangi erikutukura niyo erikukoresibwa omu nju kandi neejwekyera obumanzi n'amaani.

Enju ya Kivebulaya "Kivites" eyetsirwe eiziina rya Apollo Kivebulaya (18641933) owaabaire ari omuburizi w'engiri omu kyasha kya 19. Akabatizibwa omu mwaka gwa 1895, kandi yaaba kateekisita w'ababuurizi b'ediini y'abakurisitaayo. Omuri 1896, akatwarwa omuri Boga, obwahati omuri burugwa izooba bwa Democratic Republic of Congo, nk'omubuurizi w'engiri, obu omukuru owabaire ariho yaashaba omwegyesa Omukristaayo. Ahabw'okugumisiriza omu kugyezibwa kwe, obujurizi bwe bukasinga abantu ba Ruhanga, kandi bwanyima n'omwebembezi owabaire ariho akahinduka. Kivebulaya akahinguza obuheereza bwe yaataho n'okutendeka abantu okuhandiika n'okuhandiika. Akaheebwa ekitiinisa nk'omudyankoni omuri 1900 kandi yaheebwa ekitiinisa nk'omwahure omuri 1903. Omuri 1922 akahebwa eiziina ry'obuhereza, nk'okusiima omurimo gwe ogwabaire omutwe gw'obureeberezi bw'omuri 1972, obwahati n'ekicweka ky'ekanisa ya Kristo Province y'ekanisa y'abakurisitaayo omuri Congo. Kivebulaya akafa ebiro 30, Okwa kataano omuri 1933. Enju ya Kivebulaya (ekirikumanywa nka "Kiv" eriizooba) ekaba neemanywa nka "Canna Lily" kandi erangi yaayo ey'omutwe n'erikwera.

Enju ya Rhoda Nsibambi "Rhoda", eka y'aba "Rhodesians" n'emwe aha nju nsya aha itendekyero rya Gayaza High School. Kikigurwaho obu eishomero ryajaguza emyaka ikumi omuri 2005. Enju eyetsirwe eiziina rya Rhoda Nsibambi; omukazi w'owabeireho enganzi y'eihanga rya Uganda, Apolo Nsibambi. Akaba ari mukuru w'abaishiki aha eishomero eryo omuri 1958, bwanyima akaba ari omwishiki w'amaani owaheereize munonga omu by'obwegyese hamwe n'eishomero rya Gayaza High School nka mukuru w'entebe y'ekibiina ky'abazaire n'abegyesa, kandi memba w'akakiiko k'abebembezi b'eishomero. Akafa omu kwa ikumi nibiri omuri 2001. Erangi y'omutwe gw'enju n'eya kinekye.

Enju ya Sherborne (Mary Stuart) Sherborne ekeetwa eiziina ry'eishomero ry'abaishiki erya Sherborne omuri Dorset, Bungyereza, eryabaire niriheereza eishomero rya Gayaza High School obuhwezi n'obuheereza kumara emyaka mingi enyimaho. Mukuru w'eishomero ry'abaishiki erya Sherborne akamanya ngu abaishiki ba Gayaza obwire obwo bakaba batakora kyantsya. Ahanyima y'okuhurira eki, abaishiki b'eishomero rya Sherborne bakasharamu kurundaana esente z'okukoresa omurimo ogu. Bakongyeraho obuhwezi bw'esente kugurira abaishiki b'omuri Gayaza eby'okukoresa, ebintu by'omu nju hamwe n'okushashurira emishomo yaabo. Nikyoreka ngu ekishengye kya tenesi y'aha meeza nakyo kikombekwa n'esente ezarundainwe kwijuka omwishiki waabo mukuru owafiire omuri butandu. Abaishiki abarikutuura omu nju ya Sherborne nibamanywa nka "Sherbonites" kandi erangi y'enju yaabo n'eya kinekye.

Mary Stuart, n'ekicweka ekikuru omu nju ya Sherborne, nikyo kyabaire eky'okubanza kukora za tile kandi kikahebwa eiziina ry'omukazi wa Cyril Stuart owaabaire ari Bishopu wa Uganda kuruga omuri 1932 kuhisya omuri 1952. Akaba ari omurwanirizi w'obwegyese bw'abaishiki n'abakazi. Enju ya Mary Stuart ekabanza kuba eishomero ry'abakuru n'abaishiki abakuru hamwe n'abebembezi b'eishomero (okwihaho abebembezi b'eishomero) etakahindukire ekizimbe kya HSC ekya Sherborne House. Mary Stuart akabaho emyaka 99 n'ebiro 364. Akafa omu mwaka gwa 2000. [1]

Eibikiro ry'ebitabo erya Mehta omu 1962 rikagurwaho omwami. Mehta J. B. Eibikiro ry'ebitabo rikaba ririmu magaziini, empapura z'amakuru, ebitabo hamwe n'ebitabo by'eby'obwegyese. Abeegi nibakoresa eibikiro ry'ebitabo okushoma, okucondooza, enteerane hamwe n'emishomo. [1]

Ekitiinisa Omuri 2009, Gayaza High School ekateebwa nk'eishomero rya 68 eririkusingayo oburungi omuri Afirika. [1]

Abeegi abarikumanywa munonga: Abantu abashomire omu ishomero rya Gayaza High School 1. Barbara Allimadi ab'eby'obutegyeki, abarwanirizi b'obugabe bw'abantu 2. Omwebembezi Elizabeth Bagaaya Omubembezi w'eihanga, omunyabiragiro, omukugu omu by'obutegyeki, omuteezi w'ebishushani, 3. Nana Kagga - omuzaani w'ebishushani, orikukurira eby'obutegyeki, inginiya w'amajuta 4. Julia Sebutinde Omuramuzi mukuru, kooti ya kabiri, kooti y'ensi yoona, The Hague, Budaaki 5. Maggie Kigozi Omushaho, omukazi w'eby'obushubuzi, omukazi w'eby'emizaano kandi omuhingi. Obwahati n'omuhabuzi omu by'obutegyeki omu kitongore kya UNIDO. Owaabaire ari mukuru w'ekitongore ky'eby'obushubuzi ekya Uganda Investment Authority. 5. Allen Kagina n'omwebembezi kandi n'omukazi w'eby'obushubuzi. Orikukurira ekitongore ky'emishoro kuruga omuri 2004 kuhisya 2014. 6. Bertha Kingori, omwe aha bakazi ababandize kutooranwa omu kakiiko k'eishengyero omuri Tanganyika. 7. Maria Kiwanuka Omuhangu omu by'entaasya, omukazi w'eby'obushubuzi kandi ow'eby'obutegyeki. Owaabaireho minisita w'eby'esente omu Uganda (27 Okwakataano 2011 kuhisya 1 Kashatu 2015). [1] 8. Margaret Mungherera (25 Okwaikumi 1957-4 Okwaikubiri 2017) Owaabaireho omushaho w'eby'omutwe omukuru omu irwariro rya Mulago National Referral Hospital, owaabaireho omwebembezi w'ekibiina ky'abashaho ekya Uganda Medical Association, owaabaireho omwebembezi w'ekibiina ky'ensi yoona ekya World Medical Association (okuruga omuri 2013 kuhisya omuri 2014). [8] 9. Grania Rubomboras ni inginiya w'amashanyarazi kandi mukuru w'ekitongore. Orikukurira purogyekiti omu byanga omu kitongore kya Nile Equatorial Lakes Subsidary Action Programme (NELSAP), ekya Interconnection of Electric Grids Project, ekirikushangwa Kigali omuri Rwanda. [9] 10. Monica Azuba Ntege inginiya w'ebyombeko kandi omutegyeki w'eby'obutegyeki. Minisita w'eby'emirimo n'eby'engyenda omu kabineti ya Uganda, kuruga 6 Okwa mukaaga omuri 2016. [10] 11. Philippa Ngaju Makobore ni inginiya w'amashanyarazi omuri Uganda, kandi niwe mukuru w'ekitongore ky'ebyoma aha itendekyero ry'eby'amakorero erya Uganda. [11] 12. Proscovia Margaret Njuki, inginiya w'amashanyarazi omunyayuganda orikuheereza nka mukuru w'entebe y'akakiiko ka Uganda Electricity Generation Company Limited. [1] 13. Jean Namayega Sseninde, omuzaani w'omupiira gw'ebigyere, na tiimu y'abakazi eya London Phoenix, omu riigi ya kabiri eya Bungyereza. [1]