Wp/nyn/Francis Takirwa
| sex or gender | male  |
|---|---|
| country of citizenship | Uganda |
| given name | Francis |
| date of birth | 7 November 1965 |
| place of birth | Mbarara District |
| occupation | military personnel |
| position held | Member of Parliament of Uganda |
| educated at | Mbarara High School |
Brigadier General Francis Takirwa, n'omusirukare omu mahe ga Uganda, kuruga Okwa ikumi nibiri omuri 2019, niwe arikukurira ekitongore kya kabiri ekya Uganda People's Defence Forces, ekyabaire kiri omu rurembo rwa Mbarara omu kicweka ky'oburengyerwa-izooba bwa Uganda.[1]
Eby'obuhangwa n'obwegyese
[edit | edit source]Akazaarwa omu Disiturikiti ya Mbarara ebiro 7 Okwa ikumi na kumwe omuri 1965. Akaza omu ishomero rya Mbarara Junior School omu mashomero ge aga purayimare. Bwanyima akeegyera aha ishomero rya Mbarara High School okumara emishomo ye eya O-Level. Akeegaita aha mahe ga Uganda bwanyima y'obwire bukye.[2]
Omuri 1994, akaza omu koosi ya Junior Command and Staff aha Uganda Junior Staff College, omuri Jinja. Bwanyima akagumizamu yaaza omu koosi y'abaduumizi ba kampuni aha itendekyero ry'amahe erya Tanzania omuri Monduli, omuri 1998. Bwanyima omu 2006, akaza omu koosi y'amahe eya Nanjing Army Command College, omuri Nanjing, China. Omuri 2009, akatunga dipuroma omu by'obutegyeki bwa Afirika kuruga omu itendekyero ry'amahe erya Nasser Higher Military Academy omuri Giza omuri Egypt. Bwanyima akatandiika kwega eby'okwerinda aha itendekyero rya South African National Defence College.[2]
Ebyemirimobye
[edit | edit source]Akaheereza omu mahe ga Uganda kuruga omuri 1989. Yaheereza omu myanya mingi y'obwebembezi omu mahe, otwariiremu n'oruramburo omuri Somalia, nk'omwe aha mahe ga UPDF omuri AMISOM, kuruga omuri 2011 kuhisya omuri 2012. [1] Atakatungire omwanya ogu ariho hati, Takirwa akaba ari mukuru w'eby'obwegyese, emizaano n'eby'obuhangwa omu mahe ga UPDF. Nk'omuduumizi w'ekitongore kya UPDF ekya kabiri, akaza omu mwanya gwa Brigadier Kayanja Muhanga owagyenzireyo kwega aha eishomero rya South African National Defence College.[1]
Ebindi ebishemereire kutaho omutima
[edit | edit source]Brigadier Francis Takirwa nawe akaba ari omujwekyerwa w'amahe omu ishengyero rya ikumi (2016 - 2021).[1][2] Omuri 2022, akatooranwa nk'omumyoka w'amahe g'eitaka. Akakora nk'omukuru w'eby'obwegyese,eby'emizaano n'eby'obuhangwa omu mahe ga Uganda.[3][4]
Ebihandiiko ebirikugambwaho
[edit | edit source]- 1 2 3 Risdel Kasasira (6 December 2019). "Takirwa Takes Over UPDF 2nd Division Command". Daily Monitor. Kampala. Retrieved 6 December 2019.
- 1 2 3 Parliament of Uganda (2016). "Parliament of Uganda Members of the 10th Parliament: Francis Takirwa Mheekyera". Kampala: Parliament of Uganda. Retrieved 6 December 2019.
- ↑ "Museveni reshuffles UPDF commanders". Monitor. 8 December 2022. Retrieved 7 August 2025.
- ↑ Webmaster (27 November 2023). "Major General Francis Takirwa Urges Troops To Maintain New Housing Units". UPDF. Retrieved 7 August 2025.