Wp/nyn/Florence Nakiwala Kiyingi
| sex or gender | female  |
|---|---|
| country of citizenship | Uganda |
| given name | Florence |
| date of birth | 1972 |
| place of birth | Uganda, Masaka District |
| spouse | Deogratious D Kiyingi |
| languages spoken, written or signed | English |
| occupation | politician, businessperson, sports executive |
| position held | Member of Parliament of Uganda |
| educated at | Makerere University |
| residence | Mutundwe |
Florence Nakiwala Kiyingi (orikwetwa Florence Nakiwala), n'omukazi w'eby'obushuubuzi kandi ow'eby'obutegyeki omuri Uganda. Obwahati n'omuhabuzi wa purezidenti aha nshonga z'eminyeeto n'abaana omu Uganda. Akatooranwa aha ntebe egi ebiro 6 okwa mukaaga omuri 2021. Akaba ari minisita w'enshonga z'eminyeeto n'abaana omu kabineti ya Uganda. Akatooranwa omu ntebe egyo ebiro 6 Okwa mukaaga omuri 2016 kuhisya ebiro 6 Okwa mukaaga omuri 2021.[1] N'omuhwezi wa mukuru w'eihanga rya Federation of Uganda Football Associations owa kashatu, omukazi w'okubanza kukwata entebe egyo omuri Uganda. Kandi naakora nka mukuru w'entebe y'akakiiko k'eminyeeto omuri Commonwealth, akatooranwa aha ntebe egyo omuri 2017.
Amagara g'obuto n'obwegyese
[edit | edit source]Florence Nakiwala akazarwa omuri 1972, omuri Kimanya omu Disiturikiti ya Masaka, owa Charles Ssonko hamwe na Perepetwa Najjuma, nk'omwana wa munaana omu baana ikumi na babiri. Ishe niwe yaabaire ari mukuru w'eitaka rya Buddu omu bwire obwo. Akaza omu ishomero rya Kimanya Primary School atakaheirwe omwanya omu Trinity College Nabbingo aha mishomo ye eya O-Level na A-Level. Obu yaabaire ari Nabbingo, akatooranwa nk'omukuru w'eby'obuyonjo aha eishomero.[2]
Akashoma ahari yunivaasite ya Makerere, yaatunga diguri y'eby'obushubuzi. Aine diguri y'obwahanguzi omu by'obwebembezi kuruga omu yunivaasite ya Commonwealth. Obu yaabaire ariho, akatooranwa nk'omwebembezi w'ekibiina kya Nkoba Za Mbogo, ekibiina ky'abeegi abaganda aha yunivaasite ya Makerere. Akakora nk'omwebembezi w'abeegi b'eby'obushubuzi omu koosi ye Omu mwaka gwe gw'okubanza omuri Makerere, akabugana kandi yaaheza kukunda iba, Deogratius Kiyingi, omukiiki omwishengyero omuri Bukomansimbi South Constituency omu ishengyero rya ikumi (2016 - 2021).[2]
Eby'okukora
[edit | edit source]Ebyobushubuzi
[edit | edit source]Obu yaabaire akiri omushogoyo, akiri omu siniya, Florence Nakiwala akaza London kureeba oku eirwariro eririkwetengwa kurungi rikora. Eki kikamureetera kugira ekyetengo ky'okuba n'eirwariro eririkwetengwa kurungi ku yaakuzire. Bwanyima y'okuhendera emishomo ye kuruga Makerere, akatandikaho eirwariro rya Lisa Medical Centre, eririkworeka obujanjabi n'amarwariro g'obwire bukye omu Uganda, n'eitaagi omuri Nairobi omuri Kenya.[2]
Gavumenti ya Buganda
[edit | edit source]Florence Nakiwala akakora nka minisita w'enshonga z'eminyeeto omu Bukama bwa Buganda, kumara emyaka etaano. Bwanyima akakora nka minisita w'eby'oburambuzi omu bukama, ekifo eki yaakora kuhisya okwa mukaaga omuri 2016.[3]
Eby'obutegyeki omu ihanga
[edit | edit source]Omu karuuru ka 2016, Florence Nakiwala akahakanira entebe y'abakazi omuri Kampala omu ishengyero rya ikumi (2016 - 2021) aha tiketi y'ekibiina kya Democratic Party yaasingwa Nabilah Naggayi Sempala ow'ekibiina ky'obutegyeki ekya Forum for Democratic Change. Bwanyima omu karuuru ka 2021 akahakanira omubaka omukazi owa Bukomansimbi aha tiketi ya NRM yaasingwa owaabaire naamuhakanisa Nanyondo Veronica owa DP (Democratic Party).[4] Omu muringo ogurikutangaaza, Purezidenti Yoweri Museveni akeeta Nakiwala minisita w'eihanga ow'eminyeeto n'abaana, ebiro 6 Okwa mukaaga omuri 2016.[5]
Amagara g'omuntu
[edit | edit source]Florence Nakiwala Kiyingi yaashwerwa Deogratius Kiyingi kuruga omuri 1998. N'ab'ediini y'abakaturiki. Boona hamwe, nibazaara abaana bataano, aboojo bashatu n'abaishiki babiri.[2] Okutandika na 6 Okwa mukaaga omuri 2016, akatooranwa kuba mukuru w'entebe ya Express FC, memba wa riigi ya Uganda Super League.[6]
Ebihandiiko ebirikugambwaho
[edit | edit source]- ↑ Uganda State House (6 June 2016). "Museveni's new cabinet list At 6 June 2016" (PDF). Daily Monitor. Kampala. Archived from the original (PDF) on 7 October 2016. Retrieved 7 June 2016.
- 1 2 3 4 Lutwama, Samuel (11 February 2014). "Family must take first place — Kiyingi". New Vision. Kampala. Retrieved 4 November 2016.
- ↑ Florence Nakiwala Kiyingi (10 February 2013). "Florence Nakiwala Kiyingi: A Woman of Substance". Kampala: Florencenakiwalakiyingi.wordpress.com. Retrieved 4 November 2016.
- ↑ Paul Tajuba, and Joseph Kiggundu (20 February 2016). "Winners and losers in Kampala, Wakiso MP races". Daily Monitor. Kampala. Archived from the original on 3 May 2019. Retrieved 4 November 2016.
- ↑ Nakirigya, Shabibah (7 June 2016). "DP Cannot Back Nakiwala for Museveni's Ministerial Appointment - Mao". Daily Monitor. Kampala. Retrieved 4 November 2016.
- ↑ Bbosa, Denis (30 July 2016). "Nakiwala wishes Eagles can fly again". Daily Monitor. Kampala. Retrieved 4 November 2016.