Wp/nyn/Elias lukwaɡo
| sex or gender | male  |
|---|---|
| country of citizenship | Uganda |
| family name | Lukwago |
| date of birth | 11 May 1970 |
| place of birth | Kalungu District |
| languages spoken, written or signed | English, Luganda |
| occupation | lawyer, politician |
| position held | Member of Parliament of Uganda, mayor |
| educated at | Makerere University |
| residence | Kampala |
| start of work period | 1998 |
| member of political party | Democratic Party |
| ethnic group | |
| religion or worldview | Islam |
Erias Lukwago Ssalongo (akazaarwa ebiro 11 okwezi okwa kataano omuri 1970), n'omunyabiragiro kandi omunyabyabutegyeki omuri Uganda. Niwe meeya w'orurembo rwa Kampala, orurembo rwa Uganda orukuru kandi orurikukirayo obuhango omu ihanga. Akabanza kutooranwa aha ntebe egyo ebiro 14 okwa kana omuri 2011.[1]
Akabingwa omu ofiisi ebiro 25 okwa ikumi na kumwe omuri 2013 ba kansara ahanyima ya kooti kumushanga aine omushango gw'obutabaasa hamwe n'okukozesa kubi ofiisi.Ba kansara ba Kampala Capital City Authority bakateera akaruuru 29 kumubinga ahanyima y'okuteera akaruuru 3.[2] Akagarurwa omu ntebe ebiro 28 okwa ikumi na kumwe omuri 2013 bwanyima y'omuramuzi wa kooti enkuru Yasin Nyanzi kuragiira minisita wa Kampala Frank Tumwebaze kurekyeraaho okuta omu nkora ripoota y'akakiiko k'okurwanisa obushomankuzi eyabaire neemwikiriza kumubinga.[3]
Omu kwezi kwa mukaaga omuri 2021, Erias Lukwago akarahizibwa nka Roodi meeya wa Kampala, omurundi gwa kashatu (2021 - 2026).[4]
Ebyafaayo hamwe n'obwegyese bwe
[edit | edit source]Akazaarirwa omu kyaro kya Kabungo, omu Disiturikiti ya Kalungu, ebiro 11 okwa kataano 1970, omu bazaire Muhhamoud Mirundi na Salmati Nakayaga. Nikigambwa ngu Lukwago aine barumuna be abarikurenga makumi abiri. Lukwago akashoma Makerere University ahagati ya 1995 kuhisya omuri 1997, yamara diguri ye eya Bachelor of Laws. Akagyenda omu maisho yaatunga Dipuloma omu by'ebiragiro kuruga omu Law Development Center omuri 1998. Aine na Satifikeeti omu by'okurwanirira obugabe kuruga omu International Law Institute.[5]
Obukugu omu mirimo
[edit | edit source]Kuruga omuri 1998, Lukwago akakora nka mukuru w'ekitongore kya Lukwago and Company Advocates, ekitongore ky'ebiragiro ekya Kampala ekirikukora aha biragiro by'engyenderwaho y'eihanga hamwe n'ebiragiro by'obugabe bw'abantu. Omuri 2005, akatooranwa omu ishengyero rya Uganda, aha tiketi y'ekibiina kya Democratic Party, arikujwekyera ekicweka kya Kampala eya rwagati. Obu yaabaire ari omu ishengyero, akakora aha kakiiko k'ebiragiro hamwe n'akakiiko k'embaririra ya gavumenti z'ebyanga. Akarekura omurimo gw'omu ishengyero omuri 2011 kandi akatooranwa Roodi meeya w'orurembo rwa Kampala. Lukwago akaba ari omuhabuzi w'ebiragiro omu kibiina kya Democratic Party omu Uganda, kandi nka minisita w'ebiragiro hamwe n'enshonga z'engyenderwaho y'eihanga.[6]
Ebiro 20 okwa kataano omuri 2011, Lukwago akarahizibwa nka Roodi meeya wa Kampala kumara emyaka etaano.[7][8] Omuri 2016 akarahizibwa omurundi gwa kabiri.[9]Ebiro 26 Okwakataano 2021, akarahizibwa omurundi gwa kashatu nka Roodi meeya wa Kampala Capital City.[10] Ebiro bibiri okwaikumi na mwenda 2025, Lukwago akarangirira ngu naija kugaruka kwesimba aha ntebe ya Roodi meeya wa Kampala omu karuuru ka 2026.
Amagara g'omuntu
[edit | edit source]Erias Lukwago ashweirwe Zawedde Lubwama Lukwago kandi baine abaana mukaaga otwariiremu n'abarongo. Omu bwire obwahwaire akaba ari memba w'ekibiina kya Democratic Party omuri Uganda, nobu omu karuuru ka 2011 yarugireyo yeesimbaho ahabwawe.[11] Ebiro 28 okwa mushanju omuri 2020, akaza omu butongore omu kibiina ky'eby'obutegyeki ekya Forum for Democratic Change, (FDC).[12]
Reba n'ebindi
[edit | edit source]- Kampala Capital City Authority
- Forum for Democratic Change
- Medard Lubega Sseggona
Ebihandiiko ebirikugambwaho
[edit | edit source]- ↑ Francis Kagolo and Patrick Ogwang (15 March 2011). "How Erias Lukwago Won Kampala Vote". New Vision. Kampala. Archived from the original (Archived rom the original on 6 February 2016) on 6 February 2015. Retrieved 7 August 2021.
- ↑ BBC News (25 November 2013). "Kampala Mayor Erias Lukwago Ousted By Councillors". BBC News. London, United Kingdom. Retrieved 6 February 2015.
- ↑ Catherine Byaruhanga (28 November 2013). "Kampala mayor Erias Lukwago reinstated by Ugandan court". BBC News. London. Retrieved 7 August 2021.
- ↑ Kenneth Kazibwe (26 May 2021). "Erias Lukwago sworn-in as Kampala Lord Mayor for third term". Nile Post Uganda. Kampala. Retrieved 7 August 2021.
- ↑ Daily Monitor (15 March 2011). "Lukwago: A Politician of All Seasons". Daily Monitor. Kampala, Uganda. Retrieved 7 August 2021.
- ↑ Concordia (20 September 2018). "Biography of Erias Lukwago As of 2018". Concordia.net. New York City. Retrieved 7 August 2021.
- ↑ John Semakula (21 May 2011). "Lukwago Swears In As Lord Mayor". New Vision. Kampala, Uganda. Archived from the original (Archived from the original on 7 February 2015) on 7 February 2015. Retrieved 7 August 2021.
- ↑ Daily Monitor (20 May 2011). "Kampala Lord Mayor Erias Lukwago Swears In". Daily Monitor. Kampala, Uganda. Retrieved 7 August 2021.
- ↑ Observer Media Limited (6 June 2016). "Lord Mayor Lukwago Swears In Today". The Observer (Uganda). Kampala, Uganda. Retrieved 7 August 2021.
- ↑ Prossy Kisakye (26 May 2021). "I had intended to serve 10 years, says Lukwago as he swears in for another term". Daily Monitor. Kampala, Uganda. Retrieved 7 August 2021.
- ↑ Andrew Bagala (16 March 2011). "Uganda: DP's Mao Congratulates New Mayor" (via AllAfrica.com). Daily Monitor. Retrieved 7 August 2021.
- ↑ Baker Batte (29 July 2020). "Lukwago finally crosses from DP to 'home' in FDC". The Observer (Uganda). Kampala, Uganda. Retrieved 7 August 2021.