Wp/nyn/Ekitongore ky'eby'oburuuru ekya Uganda
| inception | 1997  |
|---|---|
| headquarters location | Kampala |
| official website | http://www.ec.or.ug/ |
Ekitongore ky'eby'oburuuru ekya Uganda, ekirikumanywa nka Electoral Commission of Uganda, n'ekitongore ekirikuteebwaho engyenderwaho y'eihanga, ekirikujunanizibwa aha "kutebekanisa n'okukora akaruuru k'obusingye n'oburingaaniza" omu ihanga, omu muringo ogurikwetegyerezibwa, ogw'obukugu kandi ogutaine rubaju.[1]
Omwanya
[edit | edit source]Ekitongore ky'eby'oburuuru ekya Uganda Electoral Commission ebiro 19 okwa ikumi na kumwe kikatongoza omwanya gwakyo omusya omuri Lweza-Lubowa, Makindye Ssabagabo Municipal Council omu Disiturikiti ya Wakiso ahabw'okwesimbaho kw'omwebembezi w'eihanga omuri 2026 hamwe n'okukora nk'omwanya gw'okubara ebyarugire omu buruuru bwona bwanyima y'okurangirirwa.[2] Ekitongore ky'eby'oburuuru kikaruga aha kitebe kyakyo ekyabaire kiri aha ruguuto rwa Jinja 55, omu divizoni ya Kampala eya rwagati, orurembo rwa Uganda orukuru kandi orurikukirayo obuhango. Obutereera bw'ekitebe kikuru ky'ekitongore ky'eby'oburuuru ni:0°19'00.0"N, 32°35'39.0"E (Oburengye bw'oburengye:0.316675; Oburengye bw'oburengye:32.594154).[3] Kikafururwa kyaheebwa omwanya aha ruguuto rwa mushanju omu mwanya gw'amakorero, ekyarugiremu okushandara kw'amaizi ahabw'enjura nyingi, kuhisya obu baatungire omwanya murungi ahari Lweza-Lubwa, kugira ngu babaase kwombeka. Emirimo y'okwombeka ekisya ekatandika kandi ekakorwa ekitongore kya National Housing and Construction Company ekikozirwe omu bicweka.
Ebyafaayo
[edit | edit source]Eiteeka eryaretsireho akakiiko k'eby'oburuuru rikarangirirwa omuri 1997. Akakiiko k'eby'oburuuru ak'okubanza kakakora kuruga omuri 1997 kuhisya omuri 2002. Akakiiko k'eby'oburuuru akariho obwahati kakaija omu ofiisi omuri 2016 kumara emyaka mushanju, ekirikubaasa kugarurwaho omurundi gumwe gwonka. Akakiiko ako kakaba karikwebemberwa omuramuzi wa kooti enkuru, omuramuzi Simon Mugenyi Byabakama, kandi kakaza omu mwanya gw'akari kwebemberwa inginiya Badru Kiggundu akaheereize emirundi ebiri (2002–2009 na 2009–2016). Abandi ba kaminsona harimu Hajjat Aisha Lubega (omuhwezi wa mukuru w'entebe) hamwe na ba kaminsona Peter Emorut, Steven Tashobya, Justine Ahabwe Mugabi, Nathaline Etomaru na Mustapha Ssebaggala Kigozi. Omu mwaka gwabo gw'okubanza omu ofiisi, bakatebeekanisa kandi bareeberera akaruuru k'okugarukwamu. Akaruuru k'okubanza ak'eihanga ryona akarikuteekateekwaho kutebeekanisibwa n'akaruuru k'abebembezi ba Local Council. Okwa kana omuri 2018, kakaba nikakyerererwa ahabw'okuburwa esente ezirikumara.[4]
Ba kaminsona
[edit | edit source]Ba kaminsona abariho hati (2016–2022)[5] Tiimu ensya ekarahizibwa ebiro 17 Okwa kana omuri 2017.[6]
- Simon Mugenyi Byabakama: Mukuru w'entebe
- Hajjat Aisha Lubega: Omuhwezi w'omukuru w'entebe
- Peter Emorut: Kaminsona
- Justine Ahabwe Mugabi: Kaminsona
- Stephen Tashobya: Kaminsona
- Mustapha Ssebagala Kigozi: Kaminsona
- Nathaline Etomaru: Kaminsona
Okuhakana
[edit | edit source]Ekitongore ky'eby'oburuuru kikaguma. nikijunaanwa ahabw'okutaba ky'oburingaaniza. Omu karuuru k'omwebembezi w'eihanga aka 2021 hakaba hariho emyanya y'okuteereramu akaruuru 409 kandi abateezi b'akaruuru boona bakateera akaruuru, ebyo byona bikasingwa purezidenti Museveni.[7] Ebirikukwata aha buruuru (ebirikwetwa ebirugire omu buruuru) bihindwirwe kuhwera purezidenti Museveni omu muringo ogu ekitongore ky'eby'oburuuru kitabaasize kushoborora.[8]
Ebihandiiko ebirikugambwaho
[edit | edit source]- ↑ Electoral Commission of Uganda (ECU). Retrieved 5 August 2016.
- ↑ Electoral Commission of Uganda (ECU), retrieved 6 August 2015
- ↑ Location of the Headquarters of the Electoral Commission of Uganda
- ↑ Kampala. Archived from the original on April 24, 2018. Retrieved 24 April 2018.
- ↑ Justice Simon Byabakama replaces Kiggundu as EC chairperson
- ↑ New Electoral Commission team sworn in
- ↑ Observers baffled by 100% voter turnout"
- ↑ Something doesn't add up