Wp/nyn/Doreen Amule

Doreen Ruth Amule orikumanywa nka Doreen Aumule, n'omwebembezi omu ihanga rya Uganda kandi omukiiki omu ishengyero orikujwekyera abakazi disiturikiti ya Amolatar kuruga 2017.^[1]N'omwe aha bakozi b'ebiragiro by'eishengyero ebirikuteganisa okwihaho obukomo aha myaka y'omwebembezi w'eihanga rya Uganda nk'oku kirikworekwa omu ngyenderwaho ya Uganda eya 1995.^[2]

Ebyafaayo n'obwegyese.

^[3]Akazaarirwa omu Disiturikiti ya Amolatar ebiro 28 Okwa ikumi 1982. Akashomera Masindi Secondary School ahagati ya 1998 na 2001, ahabw'obwegyese bwe obwa O-Level. Bwanyima akaza omu ishomero rya Wanale View Secondary School omuri Mbale ahabwegyese bwe obwa A-Level kuruga 2002 kuhisya 2003.

Omuri 2004, akaheebwa omwanya omu Islamic University omu Uganda, yaatunga diguri ye y'okubanza omuri 2007 omu by'okureeberera abakozi. Omuri 2010, akaza omu eishomero rya Law Development Centre omuri Kampala yaatunga diguri y'ebiragiro omubwebembezi. Bwanyima, omuri 2014, akatunga diguri ya Masters omu by'obushuubuzi kuruga omu Yunivasite ya Nkumba.

Obumanyirizi bw'emirimo.

Omuri 2008, akatandika kukora nk'omuhwezi w'omwegyesa omu Yunivasite ya Nile ahari Arua yaheereza omu bujunaanizibwa obwo kuhisya 2009.

Omurimo gwe gw'eby'obutegyeki.

Omuri 2011, akatooranwa nk'omujwekyerwa omu Gavumenti z'ebyanga omu disiturikiti ya Amolatar. Omuri 2014, akatooranwa nka mukuru w'ekibiina ky'abakazi omu disiturikiti ya Amolatar kandi yaaheerezibwa obujunaanizibwa omu mwaka gwa 2016. Omu bwire bumwe, akakora nk'omuhwezi w'omwebembezi w'ekibiina kya Network for Locally Elected Women of Africa (REFELA) kandi nka mukuru w'akakiiko k'emitwarize n'embaririra y'ekibiina kya Uganda Local Government Association, kuruga 2011 kuhisya 2016, akakora nka sipiika w'akakiiko k'ebyaro omu disiturikiti ya Amolatar.

Omu 2016 akahakanira entebe y'omujwekyerwa omu ishengyero ahabw'abakazi omu disiturikiti ya Amolatar. Akeesimba aha tiketi y'ekibiina ky'eby'obutegyeki ekiri omu butegyeki bwa National Resistance Movement. Akasingura kandi niwe ari omu ntebe.^[1]

Reeba n'ebindi.

Evelyn Anite.

Ebihandiiko ebirikugambwaho.

1 2 TNTU (10 October 2017). "MP Amule Booed As She Tried To Sell Age Limit Removal Bill". The Northern Trumpet, Uganda (TNTU). Archived from the original on 22 February 2018. Retrieved 17 October 2017.
↑ Patrick Ebong, and Bill Oketch (16 October 2017). "Age limit: Police beef up MP's security after attempted mob attack". Daily Monitor. Kampala. Retrieved 17 October 2017.
↑ POUG (17 October 2017). Page not found | Parliament of Uganda. Kampala: Parliament of Uganda (POUG). Retrieved 17 October 2017.

[:0-1] 1 2 TNTU (10 October 2017). "MP Amule Booed As She Tried To Sell Age Limit Removal Bill". The Northern Trumpet, Uganda (TNTU). Archived from the original on 22 February 2018. Retrieved 17 October 2017.

[2] Patrick Ebong, and Bill Oketch (16 October 2017). "Age limit: Police beef up MP's security after attempted mob attack". Daily Monitor. Kampala. Retrieved 17 October 2017.

[3] POUG (17 October 2017). Page not found | Parliament of Uganda. Kampala: Parliament of Uganda (POUG). Retrieved 17 October 2017.

[1]

[2]

[3]