Wp/nyn/Disiturikiti ya Rubanda
| country | Uganda  |
|---|---|
| located in the administrative territorial entity | Western Region |
| coordinate location | 1°11′0″S 29°51′0″E |
| official website | https://www.rubanda.go.ug/ |
Disiturikiti ya Rubanda ni disituriki eri omu burengyerwa-izooba bwa Uganda orurembo orurikukirayo obuhango omu disiturikiti. Rubanda n'ekora nk'omwanya mukuru gw'eby'obwebembezi hamwe n'obushuubuzi omuri disiturikiti.[1]
Omwanya
[edit | edit source]Disiturikiti ya Rubanda eine ensharo na disiturikiti ya Kabale omuri burugwa-izooba n'omu matemba, Kanungu omu matemba g'oburengyerwa-izooba, Kisoro omu burengyerwa-izooba, hamwe na Rwanda omu mashuuma.[1][2]Orurembo rwa Rubanda ruri kiromita nka 35 (mayiro 22), aha ruguuto, omu burengyerwa-izooba bwa Kabale, orurembo orurikukirayo obuhango omu kicweka kya Kigezi.[3]Eki kiri kiromita nka 173 (mayiro 107), aha ruguuto, omu mashuuma g'oburengyerwa-izooba bwa Mbarara, orurembo orurikukirayo obuhango omu kicweka ky'oburengyerwa-izooba.[4]Rubanda eri kiromita nka 442 (mayiro 275) aha ruguuto, omu mashuuma g'oburengyerwa-izooba bwa Kampala, orurembo orukuru kandi orurikukirayo obuhango omu Uganda.[5]
Okushwijuma
[edit | edit source]Disiturikiti ya Rubanda ekatandikwaho ekiragiro ky'eishengyero, ebiro 3 by'okwa mwenda omu mwaka rwa 2015 kandi ekatandika kukora ekiro 1 okwa mushanju omu mwaka rwa 2016.[1][6]Disiturikiti egi etakatongozibweho, ekaba eri omu Rubanda kahunte omu Disiturikiti ya Kabale eyeherereire. Ekigyendererwa ky'okutandikwaho kikaba kiri "okureetaho obuheereza haihi n'abantu" hamwe n'okutunguura obuheereza aha bantu abu barikujwekyera.[1]
Disiturikiti ekaba eri ahaiguru munonga, erimu enshozi n'obushozi, ebyabaganisibwemu empanga nka V. Enyanja ya Bunyonyi, enyanja ya kabiri erikukirayo oburaingwa omuri Afirika, neshangwa omu disiturikiti ya rubanda.[1]
Omubare gw'abantu
[edit | edit source]Abantu abarikukira obwingi n'Abakiga, n'Abatwa bakye Kandi hakiriyo abantu bakye abarikwetwa Abafumbira hamwe n'Abanyarwanda.[1]
EBY'OBUGAIGA BW'OMWITAKA
[edit | edit source]Disiturikiti eine obutare bwingi omu igomborora rya Muko hamwe n'ebyaro ebigyetoreire. Abakozi b'ebyoma ab'omubyaro abarikwetwa "Abaheesi," nibabaasa kukora ebikwato by'obushuubuzi n'eby'omuka nka, emitsyo, emihoro, efuka hamwe n'amacumu. Eby'obugaiga ebindi ebirikushangwa omu disiturikiti, harimu wolfram, tungsten, zaabu hamwe n'orwezo.[1]
Reeba n'ebindi
[edit | edit source]- Oruguuto rwa Kabale-Kisoro-Bunagana
Ebihandiiko ebirikugambwaho
[edit | edit source]- 1 2 3 4 5 6 7 https://en.wikipedia.org/wiki/Rubanda_District#cite_note-So-1
- ↑ https://en.wikipedia.org/wiki/Rubanda_District#cite_note-2
- ↑ https://en.wikipedia.org/wiki/Rubanda_District#cite_note-3
- ↑ https://en.wikipedia.org/wiki/Rubanda_District#cite_note-4
- ↑ https://en.wikipedia.org/wiki/Rubanda_District#cite_note-5
- ↑ https://en.wikipedia.org/wiki/Rubanda_District#cite_note-6