Wp/nyn/Disiturikiti ya Kitgum
| named after | Kitgum  |
|---|---|
| country | Uganda |
| capital | Kitgum |
| located in the administrative territorial entity | Northern Region |
| coordinate location | 3°30′0″N 33°0′0″E |
| geoshape | Data:Uganda/Kitgum.map |
| language used | Karamojong, Acholi |
| official website | http://www.kitgum.go.ug |
Disiturikiti ya Kitgum ni disiturikiti omu matemba ga Uganda. Eiziina ryayo rikakomooka aha rurembo rwayo oruhango orwa Kitgum, ahu ekitebe kikuru kya disiturikiti kiri. Ekareeba okufa kw'abantu baingi n'okutabanguka kw'embeera y'abantu ahabw'orutaro rw'emyaka 20 omu kyasha kya 20. Gavumenti ekafurura enkumi n'enkumi z'abatuuragye omu kampu z'abantu, ahu babaire nibategyekwa abahekyera hamwe n'embeera mbi, otwariiremu n'endwara.
Omwanya Disiturikiti ya Kitgum eine ensharo na Sudan y'amashuuma omu matemba, Disiturikiti ya Kabong omu burugw'izooba, Disiturikiti ya Kotido omu mashuuma, Disiturikiti ya Agago omu mashuuma goburugw'izooba, Disiturikiti ya Pader omu mashuuma g'oburengyerwa-izooba hamwe na Disiturikiti ya Lamwo omu mashuuma g'oburengyerwa-izooba. [1] Kitgum, orurembo orurikukirayo obuhango omu disiturikiti, nirushangwa kiromita 108 (67 mi) omu matemba g'oburengyerwa-izooba bw'orurembo Kampala.
Okushwijuma Disiturikiti erimu ishaza rimwe: Chua County. Omuri 2010, Lamwo County ekasharwa kuruga aha Disiturikiti ya Kitgum, kukora Disiturikiti ya Lamwo. Disiturikiti ya Kitgum n'ekicweka ky'eihanga rya Acholi, eririmu aba Acholi abarikwingana miriyoni emwe, kurugirira aha kubara abantu okwakozirwe omuri 2002.
Omuhendo gw'abantu Omuri 1991, okubara kw'abantu omuri Uganda kukashanga abantu ba disiturikiti bari 104,600. Kurugirira aha kubara kw'abantu okwabaireho omuri 2002, disiturikiti ya Kitgum ekaba erimu abantu 167,000, abamwe 51.3% bakaba bari abakazi kandi 48.7%, bakaba bari abashaija. Okweyongyera kw'abantu omu disiturikiti, ahagati ya 2002 na 2012, kukaba kuri 4.1%. Nikiteeberezibwa ngu abantu ba disiturikiti omuri 2012, bakaba bari 247,800.
Emirimo y'eby'entaasya Eby'obuhingi n'oburiisa nibyo bikuru omu disiturikiti. Ebihingwa ebirikuhingwa harimu ebirikukurataho: -Oburo -Omugusha -Ebihimba -Muhogo -Ebitakuri -Amashaza -Simusimu -Amacanda -Pamba -Etaabe -Kabegi -Enyanya -Ebikwiijo -Ebinyobwa -Oburiisa