Jump to content

Wp/nyn/Daily Monitor

Add links
From Wikimedia Incubator
< Wp | nyn
Wp > nyn > Daily Monitor
Daily Monitor
newspaper
inception1992 Gorora
titleThe Daily Monitor Gorora
coordinate location0°18′53″N 32°36′1″E Gorora
owned byNation Media Group Gorora
language of work or nameEnglish Gorora
official websitehttp://www.monitor.co.ug/ Gorora
Map

Orupapura rw'amakuru orwa Daily Monitor orwetongoire oruri kukora buri-izooba omuri Uganda, rukatandikwaho omu mwaka ogwa1992 . Rukatandikwaho nk'eiraka ry'amaani eririkuhakanisa gavumenti kandi nirumwe aha mpapura ibiri ez'amahurire ezirikukirayo obuhango, hamwe na New Vision eya gavumenti.[1][2]

Orupapura rukashohozibwa ekitongore kya Monitor Publications Limited, ekirikusinga ekitongore kya Nation Media Group (NMG) ekiri omuri Nairobi.[3]

Ebyafaayo

[edit | edit source]

Okutandikaho (1992)

Monitor ekatandikwaho ebiro 24 okwa mushanju omuri 1992 guruupu y'abanyamakuru mukaaga abaabaire barekwireho kuruga omu rupapura rwa Gavumenti orwa "The Weekly Topic". Abatandikireho bakaba barimu Wafula Oguttu, Charles Onyango-Obbo, James Serugo, David Ouma Balikowa, Richard Tebere na Kevin O'Connor.[4] Ekigyendererwa kyabo kikaba kiri eky'okutandikaho orupapura rw'amakuru orwabaire orwetongoire omu kutegyeka kwa gavumenti kandi orwabaire nirushoboorora munonga eby'obutegyeki hamwe n'enshonga eziriho hati omu bwire obu eby'amahurire byabaire nibitegyekwa amahurire ga gavumenti.[4]

Orupapura rw'amakuru rukatunga eiziina ahabw'amahurire garwo ag'okucondooza, hamwe n'okwenda kwaryo kuhakanisa enshonga za gavumenti, ekyarugiremu abashomi baingi, hamwe n'obutaikirizana n'eihanga.[5]

Okweguza n'okugaruka kutongoza ekitongore kya NMG

Omuri 2000, ekitongore kya Aga Khan Fund for Economic Development ekya Nation Media Group (NMG) kikatunga emigabo mingi omu kampuni ya Monitor Publications Limited. Okweguza orupapura oru, kikaruramu eby'empiiha n'eby'obugaiga.[3]

Omu kwezi kwa mukaaga omuri 2005, orupapura rukahindurwa eiziina kuruga omu The Monitor kuza omu Daily Monitor, ekyarugiremu okukwatanisa n'ekitabo kya NMG ekikuru ekya Daily Nation of Kenya.[6]

Enkoragana na Gavumenti hamwe n'eshonga z'obugabe bw'abanyamakuru

Ahabw'okugira ngu Daily Monitor n'abanyamakuru baayo batwire nibateganisibwa gavumenti ya Uganda okumara emyaka mingi. Eki kitwariremu okukwata abanyamakuru, okujunaanwa omu biragiro, hamwe n'okukingwaho kumara akaire kakye.

Ekintu ky'omutaano kikabaho ebiro 20 Okwa kataano omuri 2013, obu poriisi ya Uganda yatahirira ebyombeko by'orupapura babagyemesereza kukingaho kumara ebiro ikumi..Okutahirira oku kukakareetwaho orupapura orurikworeka ebaruha erikugambwaho kuba ekahandiikwa gyenero David Sejusa, erikworeka enteekateeka y'omutabani wa mukuru w'eihanga Yoweri Museveni, Muhoozi Kainerugaba kumusikira. Poriisi ekashaba abanyamakuru kworeka oburugo bw'ebaruha.[7]Okutahirira, okwabaireho n'okukinga rediyo za kampuni eza KFM na Dembe FM, kukajumirirwa ebitongore by'obugabe bw'amahurire omwihanga hamwe n'ensi yoona. Orupapura rw'amakuru rukagarukamu kushohoza ebiro 30 Okwa kataano omuri 2013 bwanyima y'ekiragiro kya kooti.[8]

Enkora y'ekitongore hamwe n'emikutu endiijo

[edit | edit source]

Orupapura rwa Daily Monitor nirwo rukuru orwa Monitor Publications Limited. Ekitebe kikuru ky'ekitongore kiri aha ruguuto rwa Namuwongo 29-35, omu kicweka ky'amakorero omuri Kampala. Nikikora aha mikutu endiijo mingi, otwariiremu:

  • Orupapura rwa Saturday Monitor na Sunday Monitor: Orupapura rw'amahurire orukuru orurikuza kushohozibwa aha wiikendi.
  • Ennyanda: Orupapura rw'eby'emizaano orurikushohozibwa omu rurimi rwa Luganda.
  • 93. 3 KFM: Reediyo erikugamba orungyereza.
  • 90. 4 Dembe FM: Reediyo y'orurimi rwa Luganda.
  • Emikutu ya digito: The mornitor.co.ug, app z'aha simu hamwe n'emikutu ya boona.

Ekitongore kya Monitor Publications Limited n'ekya National Media Group, ekirikwombeka NTV Uganda, terevijoni enkuru omw'eihanga.

Obwebembezi

[edit | edit source]

Obwebembezi bwa Monitor Publications Limited buhindukire kumara emyaka mingi. Okuruga ahagati ya 2024, emirimo y'obwebembezi emikuru neetwariramu:

  • Orikukurira ekitongore: Susan Nsibirwa, akatooranwa omu kwaikumi na kubiri 2023, yaaba omukazi w'okubanza kukurira ekitongore.[9]
  • Omuhandiiki mukuru: Alex B. Atuhaire.[10]
  • Mukuru w'entebe y'akakiiko: Samuel Sejjaaka, omushomi orikumanywa kandi omubazi w'ebitabo.

Reeba n'ebi

[edit | edit source]
  • Orunyiriri rw'empapura z'amakuru omuri Uganda
  • Eby'amahurire omu Uganda
  • New Vision

Ebihandiiko ebirikugambwaho.

[edit | edit source]
  1. ↑ Uganda". Freedom House. 2016. Retrieved 12 June 2025. 'Daily Monitor', the main independent newspaper...
  2. ↑ UBN (14 February 2020). "Circulation falls for Uganda newspapers in fourth quarter of 2019". Uganda Business News (UBN). Kampala, Uganda. Retrieved 7 March 2020.
  3. 1 2 "Monitor Publications Limited". Nation Media Group. Retrieved 12 June 2025.
  4. 1 2 Onyango-Obbo, Charles (1 August 2017). "25 years ago, The Monitor was born. Drama was unfolding in Uganda". Daily Monitor. Retrieved 12 June 2025.
  5. ↑ "Uganda: The Monitor -- a history of persecution". Committee to Protect Journalists. 22 October 2002. Retrieved 12 June 2025
  6. ↑ "The Monitor becomes the Daily Monitor". Bizcommunity.com. 20 June 2005. Retrieved 12 June 2025
  7. ↑ BBC Reporter (20 May 2013). "Uganda's Daily Monitor raided over Museveni 'plot'". London: British Broadcasting Corporation (BBC). Retrieved 31 October 2016
  8. ↑ BBC (30 May 2013). "Uganda's Daily Monitor reopens after police closure". British Broadcasting Corporation (BBC). London, United Kingdom. Retrieved 31 October 2016.
  9. ↑ Elizabeth Kamurungi (20 December 2023). "NMG-U's first female boss: Who is Susan Nsibirwa". Daily Monitor. Kampala, Uganda. Retrieved 20 December 2023
  10. ↑ "NMG-Uganda appoints Alex Atuhaire as new Managing Editor". Nile Post. 1 November 2023. Retrieved 12 June 2025
Retrieved from "https://incubator.wikimedia.org/w/index.php?title=Wp/nyn/Daily_Monitor&oldid=6953848"