Jump to content

Wp/nyn/Christine Nakimwero Kaaya

Add links
From Wikimedia Incubator
< Wp | nyn
Wp > nyn > Christine Nakimwero Kaaya
Christine Nakimwero Kaaya
human
sex or genderfemale Gorora
country of citizenshipUganda Gorora
given nameChristine Gorora
date of birth1979 Gorora
place of birthUganda Gorora
languages spoken, written or signedEnglish Gorora
occupationpolitician Gorora
position heldmember of parliament Gorora
electoral districtKiboga District Gorora
member of political partyNational Unity Platform Gorora

Christine Nakimwero Kaaya nawe ahandiikirwe nka Christine Kaaya Nakimwero (akazaarwa ebiro omuri 1979) n'omukazi omunyaby'obutegyeki, omunyishengyero, kandi omujwekyerwa w'abakazi omu Disiturikiti ya Kiboga omu ishengyero rya ikumi na rimwe omuri Uganda.[1][2][3][4][5] N'omunyakibiina kya National Unity Platform (NUP).[6][2][7] N'omurwanirizi w'ekikura ky'abantu, eby'amagara, abantu hamwe n'obuhangwa bw'ensi.[1][8]

Nakimwero niwe ari omu kisiikirize kya minisita w'amaizi n'obuhangwa bw'ensi kandi ari omu kakiiko k'eishengyero akarikujunanizibwa aha mpindahinduka y'obwire hamwe n'akakiiko k'eishengyero akarikujunanizibwa aha by'obuhangwa bw'ensi omu ishengyero rya ikumi na rimwe.[9][10][11]

Obuto bwe hamwe n'obwegyese

[edit | edit source]

Nakimwero akazaarirwa omu tawuni kanso ya Bukomero omu Disiturikiti ya Kiboga. Akashomera aha ishomero rya St Joseph's Primary School omuri Mubende, Caltec Academy Makerere omuri Kampala, hamwe na St. Kizito High School Bethany omuri Disiturikiti ya Mityana.[1][8] Bwanyima akaza Makerere University ahu yaaherize diguri omu by'obuhangwa bw'ensi.[1]

Omurimo

[edit | edit source]

Nakimwero akaba ari ofiisa w'eby'amahamba omu Disiturikiti ya Kiboga.[1] Nakimwero akaba ari omukwanaganya w'ekitongore kya ishengyero ekirikukurira enshonga z'obuhangwa bw'ensi ekya Parliamentary Forum on Climate Change -Uganda (PFCC-U). Akaba ari mukuru w'entebe y'abakazi 20 abari omu ishengyero. Nakimwero n'omwe aha bantu abari aha kakiiko k'ekitongore ekirikukurira esente z'okurwanisa obuhangwa bw'ensi ekya Green Climate Fund Designated Authority Committee.[1] Nakimwero ni memba w'ekibiina kya Uganda Climate Change Thematic negotiation group ekiri ahansi y'endagaano ya United Nations Framework Convention on Climate Change.[1] Nakimwero ni memba w'ekibiina kya National Association of Professional Environmentalists.[1] Kandi ari aha kakiiko k'eishengyero akarikujunanizibwa aha buhangwa bw'ensi hamwe n'eby'obuhangwa.[4]

Nakimwero akaba atarikushemererwa n'ekiteiso kya Gavumenti eky'okureeta okuhayahayana aha musingye gwa ‘orikubanza kwija, niwe arikubanza kuheebwa obuheereza’ omu kushaba rayisinsi y'okutandika kusima eby'obugaiga bw'omu itaka arikugira ngu kikaba kitarikufayo aha kikura ky'abantu kandi kikaba nikibaasa kuremesa abantu abandi abatarikumanya ebirikukwata aha nshonga egi. Eki nikyo kyabaireho obu minisita w'eby'obugaiga bw'omu itaka, Peter Lokeris, ebiro 7 Okwa ikumi na kumwe omuri 2021 yaareeta eiteeka eririkutegyerezibwa erya Mining and Minerals Bill, 2021 omu kakiiko k'okushwijumwa. Eiteeka eri rikaba nirigyenderera kushazamu ekiragiro ky'eby'obugaiga bw'omu itaka ekya 2003 ekyabaire kitarikuhikaana n'omurembe omu kurinda n'okutereeza eby'obugaiga bw'omu itaka omu Uganda.[4]

Nakimwero akaba ari omwe aha bakiiki omu ishengyero rya Uganda abarikuhakanisa ekiteiso ky'okukora payipu y'amajuta eya East African Crude Oil Pipeline Project (EACOP) (Special Provisions) Bill 2021. Akareeta ripoota y'abakiiki bakye omu ishengyero ahabwa Asinansi Nyakato (FDC), ahu abakiiki b'orubaju orurikuhakanisa gavumenti omu ishengyero rya Uganda baagizire ngu ekiteiso kikaba kitarikushwijumwa kurungi.[12]

Ebindi bikorwa

[edit | edit source]

Nakimwero akagurira abegyesa ba ishomero rye Kiboga takisi nsya, kugira ngu bagire oburugo bw'entaasya, ahabw'okugira ngu bakaba bamazire emyaka ebiri bataine mirimo, ahabw'okugira ngu amashomero gakakingwa omu bwire bw'okukumiirirwa ahabwa COVID-19.[13]

Nakimwero akaheereza Green Radio Community emiti ebikumi bibiri aha runaku rw'ensi yoona orwa 2021 orwabaire aha ofiisi za Green Radio omu Disiturikiti ya Kiboga kandi yaakiirwa Julius Kyamanywa, manegya wa sitesheni.[14]

Nakimwero akajwekyera Uganda omu nteerane za COP26 ezaabaire omuri Glasgow.[11]

Akahiga abantu b'omu tawuni kanso ya Bukomero omu Disiturikiti ya Kiboga okubyara ebyokurya ebirimu ebiriisa, eki kikabaho omu kutendeka abantu okuhinga ebitookye. Akagambira abantu b'omu Disiturikiti ya Kiboga ngu ebijuma by'ebitookye bikaba nibiza kugabwa busha kuruga omu bicweka bitari bimwe na bimwe omuri Kiboga otwariiremu n'orurembo rwa Lwamata.[15]

Amagara g'omuntu

[edit | edit source]

Nakimwero ashweirwe kandi aine abaana.[1]

Reeba na

[edit | edit source]

Ebyokureberaho

[edit | edit source]
  1. 1 2 3 4 5 6 7 8 9 "Know your MP-elect: Christine Kaaya Nakimwero". New Vision. Retrieved 2022-04-04.
  2. 1 2 "Kaaya Christine Nakimwero - 2021 General Election - Visible Polls". visiblepolls.org. Retrieved 2022-04-04.
  3. ↑ Sekanjako, Henry (2021). "PICTURES | Day Two: Sworn-in MPs say they are ready for work". Bukedde. Retrieved 2022-04-04.
  4. 1 2 3 "Parliament moots new law to streamline mining sector". The Independent Uganda. 2021-12-09. Retrieved 2022-04-05.
  5. ↑ "MPs promise to front interests of their electorate as swearing ceremony enters day two". Bukedde. Retrieved 2022-04-05.
  6. ↑ "NUP names 380 MP flag bearers". Monitor. 2020-09-30. Retrieved 2022-04-04.
  7. ↑ "FULL LIST: Winners, Losers As NUP Unveils MP Flagbearers for Central Region". The Ugandan Wire. 2020-09-28. Archived from the original on 2022-09-27. Retrieved 2022-04-05.
  8. 1 2 "Two women seek to end Nankabirwa's 26-year grip on Kiboga District seat". Monitor. 2020-10-28. Retrieved 2022-04-04.
  9. ↑ "COP26 Talks: Christine Kaaya Nakimwero, Shadow Minister for Water and Environment, Uganda". worldwarzero.com. Retrieved 2022-04-04.
  10. ↑ "FULL LIST : LOP Mathias Mpuuga names Shadow Cabinet". Watchdog Uganda. 2021-06-25. Retrieved 2022-04-05.
  11. 1 2 World War, Zero (2022). "COP26 Talks: Christine Kaaya Nakimwero, Shadow Minister for Water and Environment, Uganda". kzpost. Retrieved 2022-04-05.
  12. ↑ Ssekika, Edward (2021-12-14). "Uganda: Why Opposition MPs Rejected the Oil Pipeline Bill". allAfrica.com. Retrieved 2022-04-05.
  13. ↑ Lineaker, Kiggundu (2021-10-07). "NUP's Kiboga Woman MP Christine Kaaya buys a brand new taxi van for teachers in district". Whisper Eye. Retrieved 2022-04-05.
  14. ↑ "KIBOGA WOMAN MP GIVES TREE SEEDLINGS TO COMMUNITY GREEN RADIO AS THE WORLD MARKS WORLD ENVIRONMENT DAY | COMMUNITY GREEN RADIO". www.greenradio.ug. Retrieved 2022-04-05.
  15. ↑ "'Mwettanire okulima emmere eriimu ebiriisa'". New Vision. Retrieved 2022-04-05.
Retrieved from "https://incubator.wikimedia.org/w/index.php?title=Wp/nyn/Christine_Nakimwero_Kaaya&oldid=7112175"