Jump to content

Wp/nyn/Chance Nalubega

Add links
From Wikimedia Incubator
< Wp | nyn
Wp > nyn > Chance Nalubega
Chance Nalubega
human
sex or genderfemale Gorora
country of citizenshipUganda Gorora
native languageLuganda Gorora
languages spoken, written or signedEnglish Gorora
occupationmusician, songwriter, singer Gorora

Chance Nalubega n'omweshongozi, omweshongozi kandi omuhandiiki w'ebyeshongoro omuri Uganda.[1][2] Niwe yatandikireho kandi arikwebembera ekibiina kya Gomiba Band. Ebyeshongoro bye nibikira kuteebwamu omu Kadongo Kamu kwonka birimu n'ebintu bya soukous, pop hamwe na Afrobeat.[3]

Ebyafaayo hamwe n'obwegyese bwe

Chance Nalubega akazarirwa omuri Masaka, Uganda.[4] N'omwe aha b'oruganda rwa Ngabi.[5][6]

Akaza Kampala na nyina omu kwezi kwa munaana omuri 1991 kandi yasherura oburaaro aha kanisa ya Christian Life Church omuri Bwaise bwanyima y'ebintu byabo otwariiremu; gomesi, akatanda kakye, esohaani hamwe n'ekibya ky'amajaani kwibwa.[4] Ahabw'okugira ngu bakaba batiine sente, bakaikirizibwa kutuura aha kanisa kumara ameezi ashatu.[4] Abarikukurira ekanisa bakashoborora ngu tibarabaire baine obujunanizibwa aha by'okwerinda kwabo nainga okufeerwa ebintu byabo.[4]

Omuri Kampala akakora emirimo etari emwe n'emwe, otwariiremu okuguza eby'okurya, emirimo y'omuka nka okwozya n'okuteeka omu maka g'abantu, hamwe n'okukora nk'omushazi w'eishokye omuri Kibuye, ahu yaatungire emitwaro ana n'etaano ya siringi ya Uganda.[4] Bwanyima akagaruka Masaka kuhwera barumuna be abu ishe yaabaire asigireho.[4]

Ishe wa Nalubega akaba ari omusiraamu, kandi nyina akaba ari omukristaayo owazairwe omurundi gwa kabiri arikukwatanisa n'ekanisa ya Masaka Gosma.[4]

Omurimo gw'okweshongora

Chance Nalubega akaba ayeshongora omu kwaya y'ekanisa omuri Masaka. Bwanyima akaza omu kwaya y'ekanisa ya Christian Life Church, taratungire kushashurwa ahabw'okwejumbiramu.[4]

Okwegaita aha bbandi ya Pride

Ku yaabaire ari omu saluuni y'eishokye omuri Kibuye, Pride Band ekarangirira aha reediyo ngu ekaba neeyeta abeeshongozi.[4] Omu kugyezibwa, akeshongora bimwe aha byeshongoro bye omu maisho g'akakiiko k'abaramuzi akarimu; Andrew Benon Kibuuka, Charles James Ssenkubuge na Aloysius Matovu Joy.[4]

Akeegaita aha bbandi ya Pride kandi yaagyeshongorera kumara emyaka eshatu, kuruga omuri 1994 kuhisya omuri 1997, yaatunga omushaara gwa siringi za Uganda 80,000.[4]

Omuri 1997, akabugana Kato Lubwama owaamuhikize aha situdiyo omuri Bweyogerere ahu yaakozire ebyeshongoro bye eby'okubanza ebyashohoziibwe kandi yaatunga sente kuruga omu kuguza teepu z'ebyeshongoro.[4] Akakoresa esente ezimwe kutandikaho ekibiina kya Gomiba Band.[4] Gomiba Band ekaba erimu Jeniffer, orikumanywa nka Full Figure, Justini Namuddu, Swabra Lubega na Dan Bazaawe.[2][7] Bbandi ekashohoza ebitabo ebirimu; Mukyakale. Aba Gomiba band bakataana.[4]

Okushohoza ebitabo bye by'okweshongora

Omuri 1999, Chance Nalubega akashohoza orutambi rwe orw'okubanza orurikwetwa "Guma Omwoyo" omu situdiyo za Kasiwukira ezaabaire ziri eza Eriya Bugembe Ssebunya.[4] Eriya Bugembe Ssebunya akashashura Chance Nalubega Shiringi za yuganda obukaikuru ikumi na butaano.[4]

Omuri 2000, Nalubega akashohoza orutambi rwa Balinsekerela aha situdiyo za Kasiwukira kandi yaashashurwa shiringi za Uganda obukaikuru bushatu.[4]

Omuri 2001, Nalubega akashohoza akatambi ka Yiga Okwagala kandi akaheebwa Shiringi za uganda obukaikuru ikumi na butaano.[4]

Omuri 2002, Nalubega akashohoza akatambi ka "Buzima ninkukunda".[4]

Omuri 2003, Nalubega akashohoza akatambi ka Ennugu.[4]

Omuri 2005, Nalubega akashohoza orutambi rwa Kulikayo Mwami.[4]

Omuri 2006, Nalubega akashohoza orutambi rwa Agaliffa.[4]

Omurimo gwe ogwahamuheru hamwe n'okugaruka kwe

Bwanyima y'okushenyuka kwa Gomiba band ya Nalubega, akahumura omu by'okweshongora kuta omutima aha kworora abaana be bashatu (omwojo omwe hamwe n'abaishiki babiri) hamwe n'okureeberera bizinesi ye.[8][4]

Omuri 2006, akakora hamwe na Lady Aisha, Paul Kafeero, Winnie Munyenga, Fred Nkambwe hamwe na Impala Jazz Band aha La Royale Banqueting Suites omuri North London.[9]

Omuri 2018, she performed at the Bayimba Ekijaguzo ky'ensi yoona eky'eby'emikono.[4][10][11]

Omu Kwaikumi omuri 2023, akaba ari omweshongozi mukuru aha kivvulu kya "Legends of the Nile" omuri Kampala, ahu yaayeshongora hamwe na Ragga Dee na Sam na Sophie Gombya.[1][12]

Eby'emikono hamwe n'omuringo gw'okweshongora

Ebyeshongoro bya Chance Nalubega nibitwariramu Kadongo Kamu, soukous, pop hamwe na Afrobeat.[3] Omu byeshongoro bye, naagamba aha migyenzo y'abantu, oburemeezi bw'omukago, oburemeezi bw'esente hamwe n'oburemeezi bw'ebiro bya butoosha.

Ebyafaayo by'okweshongora

Ebyeshongoro bye birimu;

Chance Nalubega aine ebitabo ebirimu;

  • Guma Omwoyo (1999).[4]
  • Balinsekerela (2000).[4]
  • Yiga Okwagala (2001).[4]
  • Ennugu (2003).[4]
  • Mwami Kulikayo (2005).[4]
  • Agaliffa (2006).[4]
  • Tonkyawa (2006).[13][5]
  • Abalungi barumya.[4]
  • Wange omukundwa.[4]
  • Buzima ninkukunda.[4]

Orukarara rw'abimwe aha by'eshongoro ebi kumanywa munonga harimu

  • Abatesi (1999).[4][14]
  • Guma Omwoyo.[4]
  • Obulamu Bwa Sente
  • Abakyakala Mukyakale.[5]
  • Nyirira.[5]
  • Mwedigidile.[5]
  • Gwendikwato.[14]
  • Abakyala.[4]
  • Ennaku y'amasanyalaze.[5]
  • Ab'ennugu.[15]
  • Abalungi.
  • Kandagge.[5]
  • Musajja Ddala.[5]
  • Yiga Okwagala.[14]
  • Omusheshe.[4]
  • Abalungi Balumya.[4]
  • Ekyaalo
  • Omukwano.[15]
  • Nakukyawa.[15]
  • Mwami Kulikayo.[4]
  • Signal.
  • Balinsekerela.[4]
  • Byansobera.[4]
  • Dear Wange.[4]
  • Omukwano guluma.[4]
  • Abatesi Remix (featuring Radio and Weasel).[4]
  • Mwenywere.[2]

Reeba n'ebi

Eby'okureeberaho

  1. 1 2 "Legends of the Nile concert a success". New Vision. 2 October 2023. Retrieved 7 June 2025.
  2. 1 2 3 "Introducing Chance Nalubega’s Gomiba". New Vision. Retrieved 19 June 2025.
  3. 1 2 "That's The Way They Were: Remembering the 90s". The Observer - Uganda. 24 March 2015. Retrieved 7 June 2025.
  4. 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 "New beginning for Chance Nalubega". Monitor. 6 January 2021. Retrieved 19 June 2025.
  5. 1 2 3 4 5 6 7 8 "Chance Nalubega to launch new album". New Vision. Retrieved 19 June 2025.
  6. ↑ "Ngabi clan trails at music fest". New Vision. Retrieved 19 June 2025.
  7. ↑ "Chance Nalubega, Colleagues To Be Charged". New Vision. Retrieved 19 June 2025.
  8. ↑ "Chance Nalubega on her music comeback". New Vision. 12 June 2022. Retrieved 7 June 2025.
  9. ↑ "Ugandan artistes captivate London". New Vision. Retrieved 19 June 2025.
  10. ↑ "Bayimba releases first drop of artists for its eleventh edition". Monitor. 4 January 2021. Retrieved 19 June 2025.
  11. ↑ "Bayimba Festival marks 10 years". New Vision. Retrieved 19 June 2025.
  12. ↑ "Chance Nalubega, Ragga Dee, Gombyas shine at Legends of the Nile concert". Pulse Uganda. 1 October 2023. Retrieved 7 June 2025.
  13. ↑ "Last Chance for Chance Nalubega?". New Vision. Retrieved 19 June 2025.
  14. 1 2 3 Ssejjombwe, Isaac (7 May 2018). "Chance Nalubega steals show at Tugende Mukikadde - Sqoop - Get Uganda entertainment news, celebrity gossip, videos and photos". Retrieved 19 June 2025.
  15. 1 2 3 Emuk, Benjamen (5 May 2019). "'Tugende Mu Kikadde' 3rd Edition: Chance Nalubega,Maddox Dominate Event". ChimpReports. Retrieved 19 June 2025.
Retrieved from "https://incubator.wikimedia.org/w/index.php?title=Wp/nyn/Chance_Nalubega&oldid=7126958"