Wp/nyn/Bundibugyo
| country | Uganda  |
|---|---|
| capital of | Bundibugyo District |
| located in the administrative territorial entity | Bundibugyo District |
| located in time zone | UTC+03:00 |
| coordinate location | 0°42′36″N 30°3′54″E, 0°42′40″N 30°3′53″E |
Bundibugyo n'orurembo omu burengyerwa -izooba bwa Uganda. N'orurembo rukuru omu disiturikiti ya Bundibugyo kandi ekitebe kikuru kya disiturikiti niyo kiri. [1]
Omwanya
[edit | edit source]Bundibugyo neeshangwa kiromita nka 85 (mayiro 53), aha ruguuto, omu burengyerwa-izooba bwa Fort Portal, orurembo orukuru oruri haihi. Orugyendo oruhango n'orw'obwire bukye, ahabw'emyanya y'amabaare n'enguuto ezirikwetoroora omu byaro. Orurembo rwa Bundibugyo nirushangwa kiromita nka 378 (mayiro 235), aha ruguuto, omu burengyerwa-izooba bwa Kampala, orurembo orurikukirayo obuhango kandi orurembo orukuru rwa Uganda. [1] Ebitongore by'orurembo rwa Bundibugyo ni: 0°42'45. 0"N 30°03'36. 0"E (Latitude:0. 712500; Oburingwa: 30. 05999). [1] Orukiiko rwa Bundibugyo Town Council rushutami aha rurengo rwa 3,461 ft (1,055 m) ahaiguru y'omutindo gw'enyanja, ruri ahagati ya ft 2,477 (755 m) na ft 7,733 (2,357 m) ahaiguru y'omutindo gw'enyanja. [1]
Okushwijuma
[edit | edit source]Bundibugyo ni rimwe aha myanya mikuru y'amagomborora ga Uganda. N'obu Kisoro, Kanungu na Rukungiri zirikushangwa omu burengyerwai-zooba kukira Bundibugyo, nigwo murwa mukuru gwa disiturikiti rwenka ogurashangwa omu burengyerwa-izooba bw'enshozi za Rwenzori. Kirashutami ahaiguru ya mita nka 900 (fuuti 3,000), aharurengo rw'enyanja. Amahanga agarikukira obwingi omu rurembo n'Ababamba hamwe n'Abakonjo. Kwonka amahanga agandi nigatuura hamwe nabo otwariiremu aba Batooro, Bakiga, Banyoro na Banyankole. [1]
Omuhendo gw'abantu
[edit | edit source]Okubara abantu okwakozirwe omuri Uganda omuri 2002 kukareetaho omuhendo gw'abantu 13,782 omuri Bundibugyo. Omuri 2010, ekitongore ky'ebibaro ekya Uganda Bureau of Statistics (UBOS), kikateebereza ngu omubare gw'abantu b'omururembo gukaba guri 20,500. Omuri 2011, UBOS ekateebereza ngu omubare gw'abantu omuri Bundibugyo gukaba guri 21,600. [1] Omuri 2014, okubara abantu omu ihanga ryona kukareetaho abantu 18,823. Omuri 2015 UBOS ekateebereza ngu omubare gw'abantu b'omururembo gukaba guri 19,000. Omuri 2020, ekitongore ekirikujunanizibwa ahaby'omuhendo gw'abantu kikateebereza ngu omuhendo gw'abantu omu tawuni ya Bundibugyo gukaba guri 22,300. Ahari abo, 11,400 (51. 1 ahari igana) bakaba bari abakazi kandi 10,900 (48. 9 ahari igana) bakaba bari abashaija. UBOS ekabara ngu omuhendo gw'abantu omu tawuni gukeeyongyera aha rurengo rwa 3. obuchweka 3 ahari igana buri mwaka ahagati ya 2015 na 2020. [1]