Wp/nyn/Bukedi

Disiturikiti ya Bukedea n'emu aha disiturikiti eziri omu kicweka ky'oburugwa izooba bwa Uganda. Orurembo rwa Bukedea nirwo rurembo rwa disiturikiti.

Omwanya

Disiturikiti ya Bukedea eri aha nsharo na Disiturikiti ya Kumi omu burengyerwa-izooba hamwe n'omumatemba, Disiturikiti ya Bulambuli omu burugwa-izooba, Disiturikiti ya Sironko na Disiturikiti ya Mbale omu mashuma g'oburugwa-izooba, hamwe na Disiturikiti ya Pallisa omu mashuma. Ekitebe kikuru kya Disiturikiti ya Bukedea kiri omuri Bukedea, kiine oburaingwa bwa kiromita 79 (mayiro 49), kurabira omu ruguuto, omu mashuma g'oburugwa-izooba bwa Soroti, orurembo orurikukirayo obuhango omu kicweka kya Teso.

Okutandika

Disiturikiti ya Bukedea ekatandikwaho ekiragiro kya ishengyero rya Uganda ebiro 13 okwamushanju 2006 kandi ekatandika kukora ebiro 1 okwamushanju 2007.[2] Ekyo kitakabaireho, disiturikiti ekaba eri ekicweka kya disiturikiti ya Kumi.[3]

Abantu

Okubara abantu okwakozirwe omu 1991 kukatebereza ngu abantu omu disiturikiti bakaba bari 75,300. Okubara abantu okwakozirwe omu 2002 kukatebereza ngu abantu bakaba bari 122,400. Okweyongyera kw'abantu omu disiturikiti kukateberezebwa kuba obucweeka 4.4 ahari igana buri mwaka. Omuri 2012, abantu bakateberezebwa kuba bari 186,400. Ebyokureberaho