Wp/nyn/Bujagali Power Station

Bujagali Hydroelectric Power Station

hydroelectric power station

inception	2012
native label	Bujagali Power Station
country	Uganda
located in/on physical feature	White Nile
coordinate location	0°29′51″N 33°8′24″E
owned by	Bujagali Energy Limited
operator	Bujagali Energy Limited
official website	https://www.bujagali-energy.com/

Eikorero ry'amashanyarazi erya Bujagali n'ery'amashanyarazi agarikuruga omu maizi agarikuraba omu mugyera Victoria Nile, agarikukoresa amaani g'amaizi agarikwetwa Bujagali Falls, omuri Uganda. Okwombeka kukatandika omuri 2007 kandi kwahwa omuri 2012. Kikatongozibwa omu butongore ebiro 8 Okwaikumi 2012 omwebembezi wa Yuganda Yoweri Museveni hamwe na Aga Khan IV omu maisho g'ab'eby'obutegyeki hamwe n'abashubuuzi ba Afirika.

Eikorero ry'amashanyarazi erya megawaati 250 niryo ryabaire ririkukirayo obuhango omuri Yuganda obu ryatandika kukora. Kwonka, eikorero ry'amashanyarazi erya Karuma hamwe n'erya Ayago eryabaire niritateekateekwaho, nibyo byabaire nibiza kuba ebihango. Esente z'okwombeka eikorero eryo zikaba niziteganisa, ahabw'okuba abashubuzi bakaza omu purogyekiti kandi bwanyima baarugamu. Okwezi kwa mushanju 20[2] eikorero eryo rikaba niritegyekwa Bujagali Energy Limited, eyatoorana ekitongore kya Salini Impregilo ekya Italy kukora purogyekiti.

Omwanya

Eikorero ry'amashanyarazi riri aha mugyera Victoria Nile, kiromita 15.5 (10 mi) omu matemba g'oburengyerwa-izooba bw'omwanya gwa Jinja hamwe n'omumatemba ga Bujagali Falls. Riri aha nsharo ahagati ya Disiturikiti ya Buikwe omu burengyerwa-izooba hamwe na Disiturikiti ya Jinja omu burugwa-izooba. Oburugo bw'amashanyarazi ga Bujagali ni 0° 29'54.00"N, 33° 08' 15.00"E (oburengyerwa-izooba:0.498325; oburugwa-izooba:33.137500).[4]

Ebyafaayo

Okuruga omu 2001, Gavumenti ya Uganda ekatandika kuteekateeka okwombeka eikorero ry'amashanyarazi aha Bujagali Falls. Ababandize kugiteekateekyera harimu AES Energy kuruga United States hamwe na Madhvani Group kuruga Uganda. Ahagati y'okucondooza aha bushomankuzi, purogyekiti y'okubanza ekarekurwa omuri 2003 obu AES Energy yaaruga omu ndagaano, erikugira ngu ekaba etwireho ahabw'okuhakanisibwa kuruga omu bantu abarikurinda eby'obuhangwa bw'ensi. Purogyekiti ekakyerererwa ahabw'enteeseganya ahagati y'abashubuzi hamwe n'abajwekyerwa b'ekigombe kya Budhagaali, ahu emyanya y'okuramizamu ekaba eriho akakwate n'amaani g'amaizi. Ahamuheru, hakabaho okwikirizana ahagati y'ebibiina.

Ekitongore kisya, Bujagali Energy Limited, kikatandikwaho Sithe Global Power LLC, kuruga United[[12] hamwe na Industrial Promotion Services, ekitongore kya Aga Khan Fund for Economic Development, kandi kikaheebwa omurimo gw'okutunguura purogyekiti. Okwombeka daamu hamwe n'amaani g'okukora amashanyarazi kukatandika omu kwezi kwa mukaaga 2007. Salini Impregilo ekatooranwa kuba ekitongore ekikuru eky'okwombeka. Eikorero ry'amashanyarazi rikatandika kukora eby'obushubuzi ebiro 1 Okwamunaana 2012.

Obukama

Okwezi kwa mwenda 2016, abaine emigabo omu Bujagali Energy Limited bakaba bari nk'oku kirikworekwa omu kihandiiko eki. [12] Omu kwezi kwa mwenda 2018, orupapura rw'amahurire orwa Daily Nation rukagira ngu Jubilee Holdings Limited ekaba neeza kwongyera kuta sente ezindi obuhumbi buna na buna (obukaikuru bwa doora 44) omu bizinesi, okwongyera aha buhumbi butaano na butaano (obukaikuru bwa doora 55) obu yaabaire yaatairemu. [13]

Aha muheru gwa 2018, SN Power (erizooba erikwetwa Scatec) eya Norway ekatunga emigabo eyabaire eri eya Sithe Global Power eya United States. Okugura emigabo egyo, erikurabira omu kampuni erikwetwa SG Bujagali Holdings Limited (SGBH), kikahwa ebiro 1 Okwamunaana 2018.[15][16]

Ebishare by'okwombeka

Ebirikuteekwateekwaho kuba nibyo byabaire biri eby'okukoresa omu kwombeka daamu hamwe n'ekyoma ky'amashanyarazi bikaba biri obukaikuru bwa doora za Amerika 800. Obundi obukaikuru bwa doora 62 bukashohozibwa omu kwombeka enyiriri z'amashanyarazi kuruga Jinja kuza Kawanda, haihi na Kampala, orugyendo orurikwingana kiromita 80 (mayiro 50). Ekitongore kya Bujagali Energy Limited kikataho obukaikuru bwa doora za Amerika 190 omu purogyekiti egyo. Esente ezindi zikagurwa kuruga omu bitongore by'amahanga goona ebi:

1. International Finance Corporation (IFC), a member of the World Bank Group
2. African Development Bank
3. European Investment Bank
4. German Investment Corporation
5. KfW
6. PROPARCO of France
7. French Development Agency
8. Netherlands Development Finance Company
9. Absa Group Limited
10. BNP Paribas
11. Nedbank
12. Standard Chartered Bank

Omu kwezi kwa kashatu 2018, akakiiko k'abebembezi ba IFC na MIGA kakaikiriza enteekateeka y'okugarura busya esente ezirikuhingura obukaikuru bwa doora za Amerika 400 ez'okwombeka eibanja eryabaire ririkub[