Wp/nod/ᩌᩯᩁ᩼ᩁᩦ ᨽᩬᨴᨴᩮᩬᩥᩁ᩼
 | |
|
ᩌᩯᩁ᩼ᩁᩦ ᨽᩬᨴᨴᩮᩬᩥᩁ᩼ᨠᩢ᩠ᨷᩈᩥᩃᩣᨶᩢ᩠ᨠᨷᩕᩣᨩ᩠ᨬ᩼ (᪁᪉᪉᪇) | |
| ᨤᩫ᩠ᨶᨡ᩠ᨿᩁ | ᨩᩮ. ᨤᩮ. ᩁᩰᩫ᩠ᩅᩃᩥ᩠ᨦ |
| ᨩᩨ᩵ᨨᨷᩢ᩠ᨷᨣᩮᩢ᩶ᩣ | Harry Potter |
| ᨷᩕᨴᩮ᩠ᩆ | ᩈᩉᩁᩣᨩᩋᩣᨱᩣᨧᩢᨠ᩠ᨠ᩼ |
| ᨽᩣᩈᩣ | ᩋᩢ᩠ᨦᨠᩕᩥ᩠ᩈ |
| ᨶᩯ᩠ᩅ | ᨼᩯ᩠ᨶᨴᩣᨪᩦ |
| ᩈᩣᩴᨶᩢ᩠ᨠᨻᩥᨾᩛ᩼ | ᨷᩖᩪᨾ᩠ᩈᨷᩮᩬᩥᩁᩦ |
| ᩅᩢ᩠ᨶᨴᩦ᩵ᨲᩮᩢ᩠ᨠᨻᩥᨾᩛ᩼ | ᪂᪆ ᨾᩥᨳᩩᨶᩣᨿᩫ᩠ᨶ ᪁᪉᪉᪇ - ᪂᪁ ᨠᩁᨠᨯᩣᨣᩫ᩠ᨾ ᪂᪀᪀᪇ |
| ᨧᩣᩴᨶ᩠ᩅᩁᩉᩖᩮ᩶ᨾ | ᪇ |
| ᨷᩕᨽᩮ᩠ᨴᩈᩨ᩵ | ᩈᩥ᩠᩵ᨦᨲᩮᩢ᩠ᨠᨻᩥᨾᩛ᩼ |
ᩌᩯᩁ᩼ᩁᩦ ᨽᩬᨴᨴᩮᩬᩥᩁ᩼ (ᩋᩢ᩠ᨦᨠᩕᩥ᩠ᩈ: Harry Potter ; ᨵᩱ᩠ᨿ: แฮรี่ พอตเตอร์) ᨸᩮ᩠ᨶᨶᩅᨶᩥᨿᩣ᩠ᨿᨶᩯ᩠ᩅᨼᩯ᩠ᨶᨴᩣᨪᩦᨧᩣᩴᨶ᩠ᩅᩁ ᪇ ᩉᩖᩮ᩶ᨾ ᨲᩯ᩠᩵ᨦᨯᩰᩫ᩠ᨿᨶᩢ᩠ᨠᨡ᩠ᨿᩁᨩᩣ᩠ᩅᩋᩢ᩠ᨦᨠᩕᩥ᩠ᩈᨩᩨ᩵ᩅ᩵ᩤ ᨩᩮ. ᨤᩮ. ᩁᩰᩫ᩠ᩅᩃᩥ᩠ᨦ (J. K. Rowling)᪩ ᨸᩮ᩠ᨶᨶᩥᨿᩣ᩠ᨿᨴᩦ᩵ᩃᩮᩢ᩵ᩣᩁᩮᩬᩨ᩵ᨦᨩᩦᩅᩥ᩠ᨲᨡᩬᨦᨻᩬᩴ᩵ᨾᩫ᩠ᨯᩉ᩠ᨶᩩ᩵ᨾᨩᩨ᩵ᩌᩯᩁ᩼ᩁᩦ ᨽᩬᨴᨴᩮᩬᩥᩁ᩼ ᨠᩢ᩠ᨷᩉ᩠ᨾᩪ᩵ᨻᩮᩬᩨ᩵ᩁᨤᩨ ᩌᩮᩬᩥᩁ᩼ᨾᩱᩋᩰᨶᩦ ᨠᩕᩮ᩠ᨶᨩᩮᩬᩥᩁ᩼ (Hermione Granger) ᩓ ᩁᩬᨶ᩼ ᩅᩦᩈᩃᩦ᩠ᨿ᩼ (Ron Weasley) ᨪᩮᩥ᩠᩵ᨦᨴᩢ᩠ᨦᩉ᩠ᨾᩫ᩠ᨯᨸᩮ᩠ᨶᨶᩢ᩠ᨠᩁ᩠ᨿᩁᨴᩦ᩵ᩁᩰᩫ᩠ᨦᩁ᩠ᨿᩁᩅᩮ᩠ᨴᨾᩫᨶ᩠ᨲᩕ᩼ᨣ᩠ᨳᩤᨻᩬᩴ᩵ᨾᩫ᩠ᨯᨾᩯ᩵ᨾᩫ᩠ᨯᩌᩬᨠᩅᩬᨴ᩠ᩈ᩼᪩ ᨣᩕᩰᩫ᩠ᨦᩁᩮᩬᩨ᩵ᨦᩉᩖᩢᨠᨡᩬᨦᨶᩥᨿᩣ᩠ᨿᨧᩢᨠ᩠ᨿ᩵ᩅᨠᩢ᩠ᨷᨤ᩠ᩅᩣ᩠ᨾᨡᩢ᩠ᨯᨿᩯ᩠᩶ᨦᩁᩉ᩠ᩅ᩵ᩣ᩠ᨦᩌᩯᩁ᩼ᩁᩦᨠᩢ᩠ᨷ ᩃᩬᩁ᩠ᨯ᩼ᩅᩰᩫ᩠ᩃᨯᩮᩬᩥᨾᩬᩴᩁ᩼ (Lord Voldemort) ᨹᩪ᩶ᨸᩮ᩠ᨶᨻᩬᩴ᩵ᨾᩫ᩠ᨯᩈᩣ᩠ᨿᨾᩨ᩠ᨯᨪᩮᩬᩥ᩵ᨦᨾᩩ᩵ᨦᩉ᩠ᨾᩣ᩠ᨿᨴᩦ᩵ᨧᩢᨸᩮ᩠ᨶᩋᨾᨲ᪨ ᩃᩫ᩠᩶ᨾᩃ᩶ᩣ᩠ᨦᨠᩕᨪ᩠ᩅᨦᩅᩮ᩠ᨴᨾᩫᨶ᩠ᨲᩕ᩼ᨪᩮᩬᩥ᩵ᨦᨸᩮ᩠ᨶᩋᩫᨦ᩠ᨣᨠᩬᩁᨴᩦ᩵ᨾᩦᩋᩣᩴᨶᩣ᩠ᨫᨸᩫ᩠ᨠᨣᩕᩬᨦᩉ᩠ᨾᩪ᩵ᨻᩬᩴ᩵ᨾᩫ᩠ᨯᨾᩯ᩵ᨾᩫ᩠ᨯᨴᩢ᩠ᨦᨾ᩠ᩅᩁ᪨ ᩓᩈᩩᨯᨴ᩶ᩣ᩠ᨿᨣᩴᨧᩢᩐᩣᩉ᩠ᨾᩪ᩵ᨻᩬᩴ᩵ᨾᩫ᩠ᨯᨾᩯ᩵ᨾᩫ᩠ᨯᩓᨾᩢ᩠ᨠᨠᩮᩥ᩠ᩃ (ᨾᨶᩩᩔ᩼ᨴᩦ᩵ᨷᩴᨾᩦᩁᩂᨴ᩠ᨵᩦ) ᨴᩢ᩠ᨦᨾ᩠ᩅᩁᩃᩫ᩠ᨦᩀᩪ᩵ᨲᩲ᩶ᩋᩣᩴᨶᩣ᩠ᨫᨡᩬᨦᨲᩫ᩠ᨶ᪩
ᨶᩅᨶᩥᨿᩣ᩠ᨿᩁᩮᩬᩨ᩵ᨦᨶᩦ᩶ᨲᩯ᩵ᨯᩮᩥ᩠ᨾᨯᩱ᩶ᨲᩮᩢ᩠ᨠᨻᩥᨾᩛ᩼ᨸᩮ᩠ᨶᨽᩣᩈᩣᩋᩢ᩠ᨦᨠᩕᩥ᩠ᩈᨯᩰᩫ᩠ᨿᩈᩣᩴᨶᩢ᩠ᨠᨻᩥᨾᩛ᩼ᨷᩖᩪᨾ᩠ᩈᨷᩮᩬᩥᩁᩦᨶᩲᩈᩉᩁᩣᨩᩋᩣᨱᩣᨧᩢᨠ᩠ᨠ᩼ᩓᩈᩣᩴᨶᩢ᩠ᨠᨻᩥᨾᩛ᩼ᩈᨣᩬᩴᩃᩯ᩠ᩈᨲᩥ᩠ᨣᨶᩲᩈᩉᩁᩢᨭᩛᩋᨾᩮᩁᩥᨣᩤ᪩ ᩃᩰᩫ᩠ᨠᨡᩬᨦᩌᩯᩁ᩼ᩁᩦ ᨽᩬᨴᨴᩮᩬᩥᩁ᩼ᨯᩱ᩶ᨶᩣᩴᩈ᩠ᨶ᩻ᩮᩬᩥᨦᩯ᩵ᨾᩩᨾᨴᩣ᩠ᨦᩅᩢᨯ᩠ᨰᨶᨵᩢᨾ᩠ᨾ᩼ᨴᩦ᩵ᩉᩖᩣ᩠ᨿᩉᩖᩣ᩠ᨠ ᩓᩁᩬᨾᩐᩣᩅᩢᨱ᩠ᨱᨠᩢᨾ᩠ᨾ᩼ᩉᩖᩣ᩠ᨿᨶᩯ᩠ᩅᨡᩮᩢ᩶ᩣᩅᩱ᩶ᨴ᩠ᩅ᩠ᨿᨠᩢ᩠ᨶ ᨩᩮᩬᩨ᩶ᩋᩅ᩵ᩤ ᨼᩯ᩠ᨶᨴᩣᨪᩦ᪨ ᨯᩕᩣᨾᩣ᪨ ᨠᩣ᩠ᩁᨲᩮᩥ᩠ᨷᩉ᩠ᨿᩲ᩵᪨ ᩁᩮᩬᩨ᩵ᨦᨶᩲᩁᩰᩫ᩠ᨦᩁ᩠ᨿᩁᩋᩢ᩠ᨦᨠᩕᩥ᩠ᩈ ᨪᩮᩥ᩠᩵ᨦᨿᩢ᩠ᨦᩁᩬᨾᩐᩣᩋᩫᨦ᩠ᨣᨷᩕᨠᩬᨷᩀ᩵ᩣ᩠ᨦ ᩁᩮᩬᩨ᩵ᨦᨶᩯ᩠ᩅᩃᩮᩥ᩠ᨠᩃᩢ᩠ᨷ ᩁᨵᩧ᩠ᨠᨡ᩠ᩅᩢᩁ ᨹᨧᩫ᩠ᨬᨽᩱ᩠ᨿ ᩈ᩠ᨿ᩻ᩬᨦᨡ᩠ᩅᩢᩁ ᩓᩁᩰᨾᩯᨶ᩠ᩈ᩼᪩ ᨠᩯ᩠᩵ᨶᩉᩖᩢᨠᨡᩬᨦᩁᩮᩬᩨ᩵ᨦᨾᩦᨴᩧ᩠ᨦ ᩋᨤᨲᩥ ᨠᩣ᩠ᩁᨴᩩᨧᩁᩥ᩠ᨲ ᨤ᩠ᩅᩣ᩠ᨾᨷ᩶ᩣ ᩓᨤ᩠ᩅᩣ᩠ᨾᨲᩣ᩠ᨿ᪩
ᨲᩢ᩠᩶ᨦᨲᩯ᩵ᨻᩥᨾᩛ᩼ᨡᩣ᩠ᨿᩉᩖᩮ᩶ᨾᩁᩯ᩠ᨠᨤᩨ ᩌᩯᩁ᩼ᩁᩦ ᨽᩬᨴᨴᩮᩬᩥᩁ᩼ᨠᩢ᩠ᨷᩈᩥᩃᩣᨶᩢ᩠ᨠᨷᩕᩣᨩ᩠ᨬ᩼ (Harry Potter and the Philosopher's Stone) ᨾᩮᩬᩨ᩵ᩋᩅᩢ᩠ᨶᨴᩦ᩵ ᪂᪆ ᨾᩥᨳᩩᨶᩣᨿᩫ᩠ᨶ ᪁᪉᪉᪇ ᨶᩥᨿᩣ᩠ᨿᩁᩮᩬᩨ᩵ᨦᨶᩦ᩶ᨣᩴᨯᩱ᩶ᩁᩢ᩠ᨷᨤ᩠ᩅᩣ᩠ᨾᨶᩥᨿᩫ᩠ᨾ ᨠᩣ᩠ᩁᨩᩨ᩠᩵ᨶᨩᩫ᩠ᨾ ᩓᩁᩣ᩠ᨿᨯᩱ᩶ᩀ᩵ᩣ᩠ᨦᩈᩫ᩠ᨾᩁᩮ᩠ᨫᨤ᩠ᩅᩱ᩵ᩃᩰᩫ᩠ᨠ᪩ ᨶᩥᨿᩣ᩠ᨿᩁᩮᩬᩨ᩵ᨦᨶᩦ᩶ᨿᩢ᩠ᨦᨯᩧ᩠ᨦᨯᩪᨯᨴᩧ᩠ᨦᨶᩢ᩠ᨠᩋ᩵ᩣ᩠ᨶᨴᩦ᩵ᨸᩮ᩠ᨶᨤᩫ᩠ᨶᩉ᩠ᨿᩲ᩵ᩓᩃᩋᩬ᩵ᩁ ᩓᨣᩴᨯᩱ᩶ᩁᩢ᩠ᨷᨠᩣ᩠ᩁᨿᩬᨾᩁᩢ᩠ᨷᩅ᩵ᩤᨸᩮ᩠ᨶᩁᩣ᩠ᨠᨮᩣ᩠ᨶᨴᩦ᩵ᩈᩣᩴᨤᩢ᩠ᨬᨡᩬᨦᩅᩢᨱ᩠ᨱᨠᩢᨾ᩠ᨾ᩼ᩈ᩠ᨾ᩻ᩱ᩠ᨿᩉ᩠ᨾᩲ᩵᪩ ᨾᩮᩬᩨ᩵ᩋᨯᩮᩬᩨᩁᨠᩩᨾ᩠ᨽᩣᨻᩢᨶ᩠ᨵ᩼ ᪂᪀᪂᪃ ᨶᩥᨿᩣ᩠ᨿᩁᩮᩬᩨ᩵ᨦᨶᩦ᩶ᨯᩱ᩶ᨾᩦᨿᩬᨯᨡᩣ᩠ᨿᨶᩢ᩠ᨠᩉᩖᩮᩬᩨᩋ ᪆᪀᪀ ᩃ᩶ᩣ᩠ᨶᩉᩖᩮ᩶ᨾᩓ᩠ᩅ ᨿ᩠ᨿᩮᩡᩉᩨ᩶ᨾᩢ᩠ᨶᨠᩖᩣ᩠ᨿᨸᩮ᩠ᨶᨶᩅᨶᩥᨿᩣ᩠ᨿᨪᩩᨯᨴᩦ᩵ᨡᩣ᩠ᨿᨯᩦᨴᩦ᩵ᩈᩩᨯᨶᩲᨷᩅᩢᨲ᩠ᨲᩥᩆᩣᩈ᩠ᨲᩕ᩼ ᩓᨣᩴᨿᩢ᩠ᨦᨯᩱ᩶ᩁᩢ᩠ᨷᨠᩣ᩠ᩁᨸᩖᩯᨸᩮ᩠ᨶᨽᩣᩈᩣᩋᩨ᩠᩵ᨶᨳᩮᩥ᩠ᨦ ᪈᪅ ᨽᩣᩈᩣ᪩ ᩉ᩠ᨶᩢ᩠ᨦᩈᩨ ᪄ ᨽᩣ᩠ᨣᩈᩩᨯᨴ᩶ᩣ᩠ᨿᨩᩩᨽᩣ᩠ᨣᨣᩴᨸᩮ᩠ᨶᩉ᩠ᨶᩢ᩠ᨦᩈᩨᨴᩦ᩵ᨾᩦᨿᩬᨯᨡᩣ᩠ᨿᩅᩮᩥ᩠ᨿᨴᩦ᩵ᩈᩩᨯᨶᩲᨷᩅᩢᨲ᩠ᨲᩥᩆᩣᩈ᩠ᨲᩕ᩼ᨲᩥ᩠ᨯᨲᩬᩴ᩵ᨠᩢ᩠ᨶ ᨯᩰᩫ᩠ᨿᩉ᩠ᨶᩢ᩠ᨦᩈᩨᨽᩣ᩠ᨣᩈᩩᨯᨴ᩶ᩣ᩠ᨿᨾᩦᨿᩬᨯᨡᩣ᩠ᨿᨳᩮᩥ᩠ᨦᨷᩕᩉ᩠ᨾᩣ᩠ᨱ ᪂.᪇ ᩃ᩶ᩣ᩠ᨶᩉᩖᩮ᩶ᨾᨶᩲᩈᩉᩁᩣᨩᩋᩣᨱᩣᨧᩢᨠ᩠ᨠ᩼ᩓ ᪈.᪃ ᩃ᩶ᩣ᩠ᨶᩉᩖᩮ᩶ᨾᨶᩲᩈᩉᩁᩢᨭᩛ᩼ᩋᨾᩮᩁᩥᨣᩤᨻᩣ᩠ᨿᨶᩲ ᪂᪄ ᨩ᩠ᩅᩫ᩵ᨾᩰᩫ᩠ᨦᩁᩯ᩠ᨠᨴᩦ᩵ᩅᩤ᩠ᨦᨡᩣ᩠ᨿ᪩