Wp/nod/ᨼᩕᩯ᩠ᨦᨠᩮ᩠ᨶᩈᨲᩱᨶ᩼
ᨼᩕᩯ᩠ᨦᨠᩮ᩠ᨶᩈᨲᩱᨶ᩼ ᨣᩤ ᨻᩕᩰᨾᩦᨵ᩠ᨿᩈᨿᩩᨣᨷᩢ᩠ᨯᨯ᩠ᨿ᩵ᩅ ᨸᩮ᩠ᨶᨶᩅᨶᩥᨿᩣ᩠ᨿᨠᩰᨵᩥ᩠ᨠᨽᩣᩈᩣᩋᩢ᩠ᨦᨠᩕᩥ᩠ᩈᨡ᩠ᨿᩁᨯᩰᩫ᩠ᨿᨶᩢ᩠ᨠᨡ᩠ᨿᩁᨩᩣ᩠ᩅᩋᩢ᩠ᨦᨠᩕᩥ᩠ᩈ ᨾᩯᩁᩦ ᨫᩮ᩠ᩃᩃᩦ᩠ᨿ᩼ ᨲᩮᩢ᩠ᨠᨻᩥᨾᩛ᩼ᨾᩮᩬᩨ᩵ᩋᨸᩦ ᨣ.ᩈ. ᪁᪈᪁᪈᪩ ᨶᩥᨿᩣ᩠ᨿᩁᩮᩬᩨ᩵ᨦᨶᩦ᩶ᨸᩮ᩠ᨶᩁᩮᩬᩨ᩵ᨦᩃᩮᩢ᩵ᩣᨡᩬᨦᨶᩢ᩠ᨠᩅᩥᨴ᩠ᨿᩣᩆᩣᩈ᩠ᨲᩕ᩼ᩉ᩠ᨶᩩ᩵ᨾᨩᩨ᩵ᩅᩥ᩠ᨣᨴᩮᩬᩥᩁ᩼ ᨼᩕᩯ᩠ᨦᨠᩮ᩠ᨶᩈᨲᩱᨶ᩼ ᨹᩪ᩶ᨪᩮᩥ᩠᩵ᨦᩈ᩶ᩣ᩠ᨦᨸᩖᩯᨦᩈᩥ᩠᩵ᨦᨾᩦᨩᩦᩅᩥ᩠ᨲᨴᩦ᩵ᨾᩦᨷᩕ᩠ᨿᩣᨷᩢᨬ᩠ᨬᩣᨯᩰᩫ᩠ᨿᩅᩥᨵᩦᨴᩣ᩠ᨦᩅᩥᨴ᩠ᨿᩣᩆᩣᩈ᩠ᨲᩕ᩼ᨴᩦ᩵ᨸᩉᩖᩣ᩠ᨯᨶᩢ᩠ᨠ ᨤᩨᩐᩣᨩᩥ᩠᩶ᨶᩈ᩠ᩅ᩵ᩁᨡᩬᨦᩁ᩵ᩣ᩠ᨦᨠᩣ᩠ᨿᨡᩬᨦᨪᩣ᩠ᨠᨹᩦᨲᩣ᩠ᨿᩉᩖᩣ᩠ᨿᪧ ᩈ᩠ᩅ᩵ᩁᨾᩣᩉ᩠ᨿᩥᨷᨲᩬᩴ᩵ᨠᩢ᩠ᨶ᪩ ᨫᩮ᩠ᩃᩃᩦ᩠ᨿ᩼ᩁᩮᩥ᩠᩵ᨾᨡ᩠ᨿᩁᨶᩥᨿᩣ᩠ᨿᩁᩮᩬᩨ᩵ᨦᨶᩦ᩶ᨲᩢ᩠᩶ᨦᨲᩯ᩵ᩋᩣᨿᩩ ᪁᪈ ᨸᩦ ᩉ᩠ᩅ᩵ᩣ᩠ᨦᨴᩦ᩵ᩋᩣᩆᩱ᩠ᨿᩀᩪ᩵ᨴᩦ᩵ᨾᩮᩬᩨᨦᨷᩣᨯᩮ᩠ᨶ-ᨷᩣᨯᩮ᩠ᨶ ᨷᩕᨴᩮ᩠ᩈᨿᩮᩬᩥᩁᩡᨾᨶᩦ, ᨲᩮᩢ᩠ᨠᨻᩥᨾᩛ᩼ᨴᩮᩬᩨ᩵ᩋᩁᩯ᩠ᨠᨴᩦ᩵ᨶᨣᩬᩁᩃᩬᨶᨯᩬᨶᨾᩮᩬᩨ᩵ᩋᩅᩢ᩠ᨶᨴᩦ᩵ ᪁ ᨾᨠᩁᩣᨣᩫ᩠ᨾ ᪁᪈᪁᪈ ᨾᩮᩬᩨ᩵ᩋᨫᩮ᩠ᩃᩃᩦ᩠ᨿ᩼ᩋᩣᨿᩩᨯᩱ᩶ ᪂᪀ ᨸᩦ ᨯᩰᩫ᩠ᨿᨲᩮᩢ᩠ᨠᨻᩥᨾᩛ᩼ᨷᩯ᩠ᨷᨶᩥᩁᨶᩣ᩠ᨾ᪩ ᨾᩦᨠᩣ᩠ᩁᩁᨷᩩᨩᩨ᩵ᨹᩪ᩶ᨡ᩠ᨿᩁᩅ᩵ᩤᨸᩮ᩠ᨶ ᨾᩯᩁᩦ ᨫᩮ᩠ᩃᩃᩦ᩠ᨿ᩼ ᨣᩴᨾᩮᩬᩨ᩵ᩋᨲᩮᩢ᩠ᨠᨻᩥᨾᩛ᩼ᨴᩮᩬᩨ᩵ᩋᨴᩦ᩵ᩈᩬᨦ ᨴᩦ᩵ᨶᨣᩬᩁᨻᩣᩁᩦ᩠ᩈ ᨶᩲᨸᩦ ᪁᪈᪂᪁᪩
ᩁᩮᩬᩨ᩵ᨦᩉ᩠ᨿᩬᩴ᩶
[edit | edit source]ᩅᩥ᩠ᨣᨴᩮᩬᩥᩁ᩼ ᨼᩕᩯ᩠ᨦᨠᩮ᩠ᨶᩈᨲᩱᨶ᩼ ᨸᩮ᩠ᨶᩃᩪᨠᨩᩣ᩠ᨿᨡᩬᨦᩈᩮᨭᩛᩦᨩᩣ᩠ᩅᨾᩮᩬᩨᨦᨧᩮᨶᩦᩅᩤ ᨷᩕᨴᩮ᩠ᩆᩈᩅᩥ᩠ᨴᨪᩮᩬᩥᩁ᩼ᩃᩯᨶ᩠ᨯ᩼᪩ ᨡᩮᩢᩣᩈᩫ᩠ᨶᨧᩱᩅᩥᨩ᩠ᨩᩣᩉᩖᩮ᩶ᩁᩁᩯ᩵ᨷᩕᩯᨵᩣ᩠ᨲᩩᨾᩣᨲᩢ᩠᩶ᨦᨲᩯ᩵ᩉ᩠ᨶᩬ᩠᩶ᨿ᪩ ᨿᩣ᩠ᨾᨾᩮᩬᩨ᩵ᩋᨲᩮᩥ᩠ᨷᩉ᩠ᨿᩱ᩵ᨡᩨ᩠᩶ᨶ ᨡᩮᩢᩣᨣᩴᨯᩱ᩶ᩈᩫ᩠ᨶᨧᩱᨶᩲᩅᩥᨩ᩠ᨩᩣᩅᩥᨴ᩠ᨿᩣᩆᩣᩈ᩠ᨲᩕ᩼ᩈ᩠ᨾ᩻ᩱ᩠ᨿᩉ᩠ᨾᩱ᩵ᨩᩮᩬᩨ᩶ᩋᩅ᩵ᩤ ᨥᩮᨾᩦ ᩓᨼᩱᨼ᩶ᩣ᪩ ᨻᩣ᩠ᨿᩃᩪᩁᨾᩯ᩵ᨡᩬᨦᨡᩮᩢᩣᨶᩣ᩠ᨦᨤᩣᩁᩰᩃᩦ᩠ᨶᨯᩱ᩶ᨲᩣ᩠ᨿᨧᩣ᩠ᨠᨿᩬ᩶ᩁᨡᩱ᩶ᨯᩣᩴᨯᩯ᩠ᨦ ᨡᩮᩢᩣᨣᩴᨯᩱ᩶ᩃᩡᨷ᩶ᩣ᩠ᨶᨻᩱᩁ᩵ᩣᩴᩁ᩠ᨿᩁᨴᩦ᩵ᨾᩉᩣᩅᩥᨴ᩠ᨿᩣᩃᩱ᩠ᨿᩋᩥ᩠ᨶᨠᩰᩫ᩠ᩃᩈᨴᩣᨯ᩠ᨴ᩼᪩ ᨲ᩠ᩃ᩻ᩬᨯᨠᩣ᩠ᩁᩁ᩠ᨿᩁᨴᩦ᩵ᩉᩢ᩠᩶ᨶ ᩅᩥ᩠ᨣᨴᩮᩬᩥᩁ᩼ᨯᩱ᩶ᨤᩫ᩠᩶ᨶᨻᩫ᩠ᨷᩅᩥᨵᩦᩉ᩠ᨾᩱ᩵ᨴᩦ᩵ᨧᩢ᩠ᨠᩈ᩶ᩣ᩠ᨦᩈᩥ᩠᩵ᨦᨾᩦᨩᩦᩅᩥ᩠ᨲ