Wp/nia/Waöwaö Ndröfi

From Wikimedia Incubator
< Wp‎ | niaWp > nia > Waöwaö Ndröfi
Jump to navigation Jump to search
Nebula Karina

Waöwaö ndröfi ma Asitöronomi ya’ia da’ö sambua fangila amakhoita sandrösa ba zi sagörö banua yaŵa. Elemu da’a mo'amakhoita ba hadia ia si so ba mbanua siyaŵa simane falane, bawa, döfi, gala’asi ba göi rahu-rahu sebua zi sagörö ulidanö. Manofunofu ndra sangila waöwaö ndröfi tenga ba ha hewisa wosöndra hadia ia si so ‘baero da’ö’, ba göi hana wa mbanua simanö ba mo’amuata simanö, faoma gaya samazökhi amuata ba göi radiasi ba gulidanö. La'a'u'ö göi ndra sangila fenöndra böröta, evolusi, si so föna, ba göi afuriata guli danö ba fefu zi toröi khö nia.

Börö me aröu gotalua ngawalö nifaigira moroi ba danö, tebai lalau facoba'a ba laboratorium. Aefa lafaigi, awena dania lafazökhi teori. Aefa da’ö, lafuli lalau zui famareso hadia atulö teori da’ö.

Sangila waöwaö ndröfi[edit | edit source]

Ndrawa Heleni sangi'ila me luo föna simane Eratotene faoma Aristarkhu la’oguna’ö fangi'ilara ba geometri ba wosu’a uli danö. Kölaudi Fotolomeu ba mbuku nia Almagest ifatunö teori geosentris. I’ombrakha’ö wa ulidanö andre mofusö ba Dadanö. Faduhu dödö sato ba teori da’a irugi ba ndröfiotu si 16 faoma 17. Awena dania so teori heliosentris ni’odöniagö Nikola Koförniku faoma Galileo Galilei. I’otarai da’ö, tobali waöwaö ndröfi sambua elemu sangoguna’ö lala ilmiah.

Sambua Luo[edit | edit source]

So dombua ngaŵalö ba mbanua yaŵa sabölö ta’ila, sabölö oroma ba duduma höröda, ya’ia da’ö luo ba mbaŵa. Luo no tobali fusö Tata Surya. Sindruhu nia, Luo no sambua döfi nifutari Dadanö. Te’oguna’ö ŵa'abölö haga luo ba halöwö niha ba danö, i’otarai fa'alua nidanö irugi fondrino gö ba zinanö sowuge’e.

Tumbu luo ba zi hulö wongi ba aekhu ba zi tanö owi. Moroi ba famaigi niha, la’oguna’ö luo tobali fonandro inötö, bongi ma ma'ökhö.

Sambua Baŵa[edit | edit source]

Oroma khöda haga mbaŵa ba zi bongi börö me i'oroma'ö haga nitema nia moroi ba luo ba danöda. Fa'oromania tetatugöi ba nahia luo, dadanö, ba mbaŵa da’ö samösa. Fa’atobali fa’oroma nia lafotöi Fase mbaŵa. Da’a alua ero'ero 29,5 bongi.